ՊԱՔԸՐԳԻՒՂԻ ՏԱՏԵԱՆ ՎԱՐԺԱՐԱՆԻՆ ՄԷՋ Ս. ԹԱՐԳՄԱՆՉԱՑ ՏՕՆԻՆ ԱՌԹԻՒ ՀԱՆԴԷՍ

Պաքըրգիւղի ընտանիքը Ս. Թարգմանչաց տօնին առթիւ բացառիկ խանդավառութիւն ապրեցաւ՝ Տատեան վարժարանին մէջ կազմակերպուած հանդէսով։ Դպրոցի «Տիգրան Կիւլմէզկիլ» հանդիսասրահին մէջ մեծ ոգեւորութիւն ստեղծուեցաւ այս ձեռնարկին առթիւ։ Յայտագիրը գործադրուեցաւ՝ հանդիսավարութեամբ Լարիսա Քափուի։ Տղաքը ծափահարութիւններու արժանացան իրենց յաջող ելոյթներով։ Հուսկ, տնօրէնուհի Երանուհի Պալճը արտասանեց շնորհաւորութեան խօսք մը։

Եզրափակիչ փուլին տոհմիկ երգերով հանդէսը գագաթնակէտին հասցուցին՝ ուսուցչուհի Թաթիանա Պոստան եւ Արի Պարութօղլու։