«ԹՒՒՖԷՆՔԵԱՆ» ՀԻՄՆԱԴՐԱՄԸ ԿԸ ՆՇԷ ԻՐ ԳՈՐԾՈՒՆԷՈՒԹԵԱՆ 25-ԱՄԵԱԿԸ

Երեւանի մէջ, «Թիւֆէնքեան» հիմնադրամը վերջերս մասնաւոր հաւաքոյթով մը նշեց իր գործունէութեան 25-ամեակը։ Յոբելենական հաւաքոյթը համախմբեց հիմնադրամի աջակիցներն ու բարերարները, կառավարական պաշտօնատարներ, հասարակական կազմակերպութիւններու ներկայացուցիչներ եւ հիւրեր։ Այս կառոյցը քառորդ դարէ ի վեր Հայաստանի մէջ աշխատանք կը տանի՝ կեանքը փոխելու առաջադրութեամբ։

Ձեռնարկի յայտագիրը գործադրուեցաւ՝ Կրէյս Պարտաքճեանի հանդիսավարութեամբ։ Ներկաներուն ցուցադրուեցաւ տեսանիւթ մը, որով կը մատուցուէին «Թիւֆէնքեան» հիմնադրամի գործունէութեան զանազան ուղղութիւնները։

Հաւաքոյթի ընթացքին յանձնուեցան նաեւ յուշանուէրներ՝ «Թիւֆէնքեան»ի հիմնադրութենէն ի վեր առանցքային դերակատարութիւն ստանձնած անձերու։

Շաբաթ, Հոկտեմբեր 26, 2024