ԴՐԱԿԱՆ ՅԱՌԱՋԽԱՂԱՑՈՒՄ

Ռուսաստանի ընդհանուր սպայակոյտի նախագահ զօրավար Վալերի Կերասիմով յայտարարեց, որ Հայաստանն ու Ատրպէյճանը յաջողութեամբ կ՚ընթանան դէպի երկկողմանի յարաբերութիւններու կարգաւորում։

«Ի հակակշիռ Արեւմուտքի ապակառուցողական գործողութիւններու՝ Հարաւային Կովկասէ ներս Մոսկուա կառուցողական քայլերու կը ձեռնարկէ։ Մեր պետութեան ջանքերուն շնորհիւ, ակնյայտ է Երեւանի եւ Պաքուի դրական յառաջխաղացումը երկկողմանի յարաբերութիւններու կարգաւորման ճանապարհին», ըսաւ ան։