ՀԻՒՍԻՍԱՅԻՆ ԱՄԵՐԻԿԱՅԻ ԱՐԵՒԵԼԵԱՆ ԹԵՄԻՆ ՄԷՋ ՔԱՀԱՆԱՅԱԿԱՆ ՁԵՌՆԱԴՐՈՒԹԻՒՆ

Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմի հոգեւորականաց դասը վերջերս համալրուեցաւ երիտասարդ ուժով մը։ Այսպէս, Թեմակալ առաջնորդ Տ. Մեսրոպ Եպսկ. Պարսամեան Մինէափոլիսի Ս. Սահակ եկեղեցւոյ մէջ քահանայ ձեռնադրեց Սերովբ Սրկ. Քարաճըքեանը, որ երկար ժամանակէ ի վեր ծառայութիւն կը մատուցէր ազգային-եկեղեցական կեանքէ ներս։ Ձեռնադրութիւնը տեղի ունեցաւ յընթացս հանդիսաւոր Ս. Պատարագի, որու ընթացքին առաջնորդ Տ. Մեսրոպ Եպսկ. Պարսամեան ձեռնադրութեան ժամանակ նորընծան կոչեց Տ. Ներսէս Քհնյ. Քարաճըքեան։ Խարտաւիլակն էր Տ. Յովսէփ Քհնյ. Կարապետեան։

Նորին Սրբազնութիւնը օրուան քարոզին մէջ բարի ծառայութիւն մաղթեց նորընծայ տէր հօր, որու աջը առին ողջոյնի պահուն ներկայ բոլոր հոգեւորականները։

Կրօնական արարողութիւններէն վերջ նորընծայ քահանան ջերմօրէն շրջապատուեցաւ հաւատացեալներուն կողմէ, բոլորի մաղթանքն էր բարի ծառայութիւն եւ յաջողութիւն։