ՌՈՒՊԻՈՅԻ ԵՒ ՍԻՊԻՀԱՅԻ ԶՐՈՅՑԸ

Ամերիկայի Միացեալ Նահանգներու պետական քարտուղար Մարքօ Ռուպիօ եւ Ուքրայնայի արտաքին գործոց նախարար Անտրէյ Սիպիհա շաբաթավերջին ունեցան հեռախօսազրոյց մը։ Այս շփումը նախորդեց՝ յառաջիկային Սէուտական Արաբիոյ տանտիրութեամբ նախատեսուած ԱՄՆ-Ուքրայնա բանակցութիւններուն, որոնք տեղի պիտի ունենան Ճիտտէի մէջ։ Ռուսաստան-Ուքրայնա հակամարտութեան կասեցման համար Ուաշինկթընի ղեկավարութիւնը յարատեւ ջանքեր կը գործադրէ։ Մօտաւոր անցեալին Մոսկուայի հետ տեղի ունեցած շփումներէն վերջ, այժմ Ուաշինկթըն կը պատրաստուի Քիեւի ներկայացուցիչներուն հետ բանակցութիւններ վարել։

«Ուքրայնա կը փափաքի, որ պատերազմը աւարտի եւ ԱՄՆ-ի ղեկավարութիւնը անհրաժեշտ է տեւական խաղաղութեան հասնելու համար», նշեց Սիպիհա եւ աւելցուց, որ բանակցութիւններու ընթացքին օրակարգի վրայ պիտի գան նաեւ երկկողմանի համագործակցութեան զարգացման հնարաւորութիւնները։

Հարկ է նշել, որ հակամարտութեան դադրեցման ուղղեալ քննարկումները կը զուգորդուին՝ Ուքրայնայի թանկարժէք հանածոներու արժեւորման հեռանկարներու վերաբերեալ սակարկութիւնները։