ՄԱՏԵՆԱԴԱՐԱՆԸ ԿԸ ԿԱԶՄԱԿԵՐՊԷ ՆԱՐԵԿԱՑԻԱԿԱՆ ԸՆԹԵՐՑՈՒՄՆԵՐ

Վա­տի­կա­նի կող­մէ Ս. Գրի­գոր Նա­րե­կա­ցիի Տիե­զե­րա­կան ե­կե­ղեց­ւոյ վար­դա­պետ հռչա­կուե­լուն ար­ձա­գանգ­նե­րը կը շա­րու­նա­կուին։ Այս կա­պակ­ցու­թեամբ Ե­րե­ւա­նի մէջ Մա­տե­նա­դա­րա­նի եր­դի­քին տակ սկսան Նա­րե­կա­ցիա­կան ըն­թեր­ցում­ներ։ Մա­տե­նա­դա­րա­նի տնօ­րէ­նու­թեան նա­խա­ձեռ­նու­թեամբ կազ­մա­կերպուած այս ըն­թեր­ցում­նե­րու շար­քի ա­ռա­ջին հանգ­րուա­նի ա­տե­նա­խօս­նե­րը հան­դի­սա­ցան Թուր­քիոյ Հայ Կա­թո­ղի­կէ Հա­սա­րա­կու­թեան Վի­ճա­կա­ւոր Տ. Լե­ւոն Արք. Զէ­քիեան եւ ֆրան­սա­ցի հա­յա­գէտ Ժան-Փիէռ Մա­հէ, որ հայ միջ­նա­դա­րեան հե­ղի­նակ­նե­րուն նուի­րուած բազ­մա­թիւ ու­սում­նա­սի­րու­թիւն­ներ հե­ղի­նա­կած է։

Մա­տե­նա­դա­րա­նի նո­րա­կա­ռոյց շէն­քի դահ­լի­ճին մէջ կազ­մա­կեր­պուած այս ըն­թեր­ցում­նե­րու շար­քին ա­ռա­ջին հանգրուա­նը ար­ժա­նա­ցաւ ան­մի­ջա­կան հե­տաքրք­րու­թեան։ Մա­տե­նա­դա­րա­նի տնօ­րէն Հրա­չեայ Թամ­րա­զեա­նի բաց­ման խօս­քով սկսաւ հա­ւա­քոյ­թը։ Ող­ջոյ­նի խօսք մըն ալ ար­տա­սա­նեց Հա­յաս­տա­նի Գի­տու­թիւն­նե­րու ազ­գա­յին ա­կա­դե­միոյ փոխ-նա­խա­գահ Վլա­տի­միր Բար­խու­թա­րեան։ Ներ­կա­նե­րու շար­քին էին Հա­յաս­տա­նի գի­տա­կան, մշա­կու­թա­յին, հո­գե­ւոր եւ հա­սա­րա­կա­կան շրջա­նակ­նե­րէն բազ­մա­թիւ յայտ­նի դէմ­քեր։

Գե­րա­պայ­ծառ Զէ­քիեա­նի եւ Ժան-Փիէռ Մա­հէի ծա­ւա­լուն զե­կու­ցում­նե­րուն զու­գա­հեռ Մա­տե­նա­դա­րա­նէն ներս բա­ցուե­ցաւ նաեւ Գրի­գոր Նա­րե­կա­ցիին վե­րա­բե­րեալ հնա­տիպ գիր­քե­րու ցու­ցա­հան­դէս մը։ Իս­կա­պէս ե­զա­կի նմոյշ­նե­րուն ցու­ցադ­րու­թիւ­նը ա­ռար­կայ դար­ձաւ վառ հե­տաքրք­րու­թեան։