ԹՕԹԱՓԵԼ ԱՆՇԱՐԺՈՒԹԻՒՆԸ

ԱՐԱ ԳՕՉՈՒՆԵԱՆ

Դիտարկումներ եւ խորհրդածութիւններ՝ «Հայ-քրիստոնեայ սփիւռքի համայնքներու վիճակը՝ այսօր» խորագրեալ, Հունգարիոյ խորհրդարանի շէնքէն ներս կազմակերպուած համաժողովի քննարկումներու լոյսին տակ -2
Պուտափեշտի մէջ հաստատումներ:
Համահայկական հարթութեան վրայ ամլութիւնը կը խորանայ՝ քանի տասնամեակներէ ի վեր քարացած օրակարգը շարունակ կը կրկնուի եւ շօշափելի արդիւնքներու պակասը թոյլ չի տար դուրս գալ փակուղիէ:
Համակարգուած քայլերու բացակայութիւնը մէկ կողմէ պատճառ կը դառնայ՝ արդէն իսկ սահմանափակ ներուժի մսխման, միւս կողմէ անհաղորդ վիճակ կը ստեղծէ համազգային իրականութենէ ներս:
Անարդիւնաւէտութիւնը ճակատագի՞ր. սփիւռքի տեղական կառոյցները՝ հակառակ իրենց բուն նպատակի ճանապարհի չափազանց համեստ ցուցանիշներուն, կը ջանան դուրս գալ իրենց առաքելութեան հունէն ու կը գերադասեն իրենց խօսոյթով մաքրօ մակարդակի քաղաքական հարցերու հետամուտ ըլլալ: Մինչ շեղումները բոլոր ճակատներու պարագային կը հրահրեն անվիճելի նահանջ մը՝ մարդուժի պատրաստութեան լուրջ կաղացումները աստիճանաբար սպառնալիքի կը վերածուին երկարաժամկէտ նշանակութեամբ կենսական նպատակներու տեսակէտէ:

06.02.2026

Search form