ԱՍՏՈՒԱԾԱՇՈՒՆՉ ԴՊՐՈՑՆԵՐՈՒՆ

Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սը շա­բա­թա­վեր­ջին Մայր Ա­թոռ Սուրբ Էջ­միած­նի մէջ նա­խա­գա­հեց կի­րակ­նօ­րեայ դպրոց­նե­րու ու­սու­ցիչ­նե­րու հա­ւա­քին։ Մայր Ա­թոռ Սուրբ Էջ­միած­նի Քրիս­տո­նէա­կան դաս­տիա­րակ­չու­թեան կեդ­րո­նին նա­խա­ձեռ­նու­թեամբ կազ­մա­կեր­պուած էր այս հա­ւա­քը, որ զու­գա­դի­պե­ցաւ Ս. Թա­դէոս եւ Ս. Բար­թո­ղի­մէոս ա­ռա­քեալ­նե­րու տօ­նին։ Հա­յաս­տա­նի բո­լոր թե­մե­րու կի­րակ­նօ­րեայ դպրոց­նե­րու ու­սու­ցիչ­նե­րը այս առ­թիւ Սուրբ Էջ­միած­նի Մայր Տա­ճա­րին մէջ մաս­նակ­ցե­ցան Ս. Պա­տա­րա­գի, ո­րու ա­ւար­տին մէկ­տե­ղուե­ցան Վե­հա­փառ Հայ­րա­պե­տին հետ։

Հա­յաս­տա­նի Աս­տուա­ծաշն­չա­յին ըն­կե­րու­թեան հետ միաս­նա­բար ի­րա­կա­նա­ցուող «Աս­տուա­ծա­շունչ դպրոց­նե­րուն» ծրագ­րի շրջա­նակ­նե­րէն ներս կազ­մա­կերպուած հան­դիպ­ման ըն­թաց­քին Վե­հա­փառ Հայ­րա­պե­տը բարձր գնա­հա­տեց ու­սու­ցիչ­նե­րու ծա­ռա­յու­թիւ­նը։ Նո­րին Սրբու­թիւ­նը շեշ­տեց, որ ա­նոնք ի­րենց հո­գիի հա­ւատ­քի ապ­րու­մը կը փո­խան­ցեն մա­տաղ սե­րուն­դին, որ­պէս­զի ե­րի­տա­սարդ­նե­րը ճանչ­նան ու սի­րեն Յի­սուս Քրիս­տո­սը, ապ­րին Աս­տու­ծոյ պատ­գամ­նե­րուն ու պա­տուի­րան­նե­րուն հա­ւա­տա­րիմ, սի­րեն ե­կե­ղե­ցին։

Այս հան­դի­պու­մէն վերջ, մայ­րա­վան­քի «Վա­չէ եւ Թա­մար Մա­նու­կեան» մա­տե­նա­դա­րա­նին մէջ «Աս­տուա­ծա­շունչ դպրոց­նե­րուն» ծրագ­րին շրջա­նակ­նե­րով տե­ղի ու­նե­ցաւ քննար­կում՝ Տէր Եզ­նիկ Արքեպիսկոպոս Պետ­րո­սեա­նի եւ Տէր Վար­դան Եպիսկոպոս Նա­ւա­սար­դեա­նի հետ։ Ա­ւար­տին, ու­սու­ցիչ­նե­րուն բաժ­նուե­ցան Աս­տուա­ծա­շուն­չեր։

Մինչ այդ, Ս. Թա­դէոս եւ Ս. Բար­թո­ղի­մէոս ա­ռա­քեալ­նե­րու տօ­նին առ­թիւ Սուրբ Էջ­միած­նի մէջ հա­ւա­տա­ցեալ­նե­րու երկր­պա­գու­թեան հա­մար դուրս բե­րուե­ցաւ Աս­տուա­ծա­մուխ Սուրբ Գե­ղար­դը։ Հայ­րա­պե­տա­կան ծան­րա­շուք թա­փօ­րով Ս. Պա­տա­րա­գի ըն­թաց­քին Մայր Տա­ճար վե­րա­բե­րուե­ցաւ Սուրբ Գե­ղար­դը, որ­պէս­զի հա­ւա­տա­ցեալ ժո­ղո­վուր­դը ամ­բողջ օ­րուան ըն­թաց­քին կա­րե­նայ համ­բու­րել հրա­շա­գործ Սուրբ Գե­ղար­դը եւ ստա­նալ ան­կէ ճա­ռա­գող աս­տուա­ծա­յին օրհ­նու­թիւ­նը։

Միւս կող­մէ, Վե­հա­փառ Հայ­րա­պե­տը շա­բա­թա­վեր­ջին հիւ­րըն­կա­լեց Վրաս­տա­նի ե­զի­տի­նե­րու հո­գե­ւոր խոր­հուր­դի նա­խա­գահ Տի­միթ­րի Փիր­պա­րիի կող­մէ գլխա­ւո­րուած պա­տուի­րա­կու­թիւ­նը, ու­ղեկ­ցու­թեամբ Հա­յաս­տա­նի ե­զի­տի հա­մայն­քի ներ­կա­յա­ցու­ցիչ­նե­րուն։