ՄԱՅՐ ԱԹՈՌ Ս. ԷՋՄԻԱԾՆԻՆ ՓՈԽԱՆՑՈՒԱԾ Է 1625 ԹՈՒԱԿԻՐ ՏՕՆԱՑՈՅՑ ՄԸ

Մայր Ա­թոռ Սուրբ Էջ­միած­նին փո­խան­ցուած է 1625 թուա­կա­նի ձե­ռա­գիր Տօ­նա­ցոյց մը: Այս մա­սին կը տե­ցե­կաց­նէ «Շո­ղա­կաթ» հե­ռուս­տաըն­կե­րու­թիւ­նը:

Ար­ծա­թեայ կրկնա­կազ­մով մա­տեա­նը հայ ար­ծա­թա­գոր­ծու­թեան լա­ւա­գոյն նմոյշ­նե­րէն է եւ կը ներ­կա­յաց­նէ Կե­սա­րիոյ դպրո­ցը:

«Մենք ու­րախ ենք, որ բա­րե­պաշտ հա­ւա­տա­ցեալ­նե­րը կը հաս­կա­նան, որ ի­րենց ըն­տա­նե­կան սրբու­թիւն­նե­րը՝ ժա­ռան­գա­բար փո­խան­ցուած, պէտք է փո­խան­ցեն բուն օր­րա­նին, ե­կե­ղե­ցիին, ուր ա­նոնք բաց կ՚ըլ­լան հան­րու­թեան հա­մար», ը­սած է Մայր Ա­թոռ Սուրբ Էջ­միած­նի ձե­ռագ­րա­տան, ար­խի­ւի եւ թան­գա­րան­նե­րու տնօ­րէն Տ. Ա­սո­ղիկ Քհնյ. Կա­րա­պե­տեան:

Ձե­ռա­գի­րը ըն­դօ­րի­նա­կած է Յով­հան­նէս Քա­հա­նան 1625 թուա­կա­նին, կազ­մը պատ­րաս­տած է ար­ծա­թա­գործ Շահ­միր Կա­րա­պետ 1656 թուա­կա­նին:

Ա­ռա­ջին է­ջին վրայ պատ­կե­րուած են Սուրբ Գրի­գոր Լու­սա­ւո­րի­չը՝ ար­քա­յա­կան ըն­տա­նի­քը մկրտե­լու ըն­թաց­քին, Սուրբ Էջ­միա­ծին Մայր Տա­ճա­րը, Ա­րա­րա­տը եւ Նո­յեան տա­պա­նը: Երկ­րորդ ե­ջին՝ Մես­րոպ Մաշ­տո­ցը, Սա­հակ Պար­թե­ւը եւ Ներ­սէս Շնոր­հա­լին: