ԵՐՈՒՍԱՂԷՄԻ ՊԱՏՐԻԱՐՔԸ ՈՐԵՒԷ ՆՈՐ ՆԱՄԱԿ ՉԷ ՈՒՂԱՐԿԱԾ ՄԱՅՐ ԱԹՈՌ

Ե­կե­ղե­ցա­կան շրջա­նակ­նե­րը ե­րէկ զար­ման­քով հե­տե­ւած էին այն լու­րե­րուն, ըստ ո­րոնց Ե­րու­սա­ղէ­մի Հա­յոց Պատ­րիարք Տ. Նուր­հան Արք. Մա­նու­կեան նոր նա­մակ մը ու­ղար­կած էր Մայր Ա­թոռ Սուրբ Էջ­միա­ծին։ Հայ­կա­կան բազ­մա­թիւ լրաս­փիւռ­ներ ար­ձա­գանգ հան­դի­սա­ցած էին այս ի­րա­դար­ձու­թեան։ Մենք եւս ար­ձա­գանգ հան­դի­սա­ցած էինք այդ ի­րա­դար­ձու­թեան։

Ե­րէկ օ­րուան տե­ւո­ղու­թեան շու­տով յայտ­նի դար­ձաւ, որ նոր նա­մա­կի մը վե­րա­բե­րեալ լու­րե­րը չեն հա­մա­պա­տաս­խա­ներ ի­րա­կա­նու­թեան։ Կան­խաւ յայտ­նենք, որ Ե­րու­սա­ղէ­մի Պատ­րիար­քը ա­նար­դար վե­րա­բե­րու­մուն­քի են­թար­կուած է՝ հա­մա­ցան­ցի վրայ տա­րա­ծուած ա­պա­տե­ղե­կա­տուու­թեան մը հե­տե­ւան­քով։ Ե­րէկ հա­սած հեր­քում­նե­րէն վերջ, այս ա­ռա­ւօտ հե­ռա­ձայ­նա­յին կապ հաս­տա­տե­ցինք Ե­րու­սա­ղէ­մի Պատ­րիար­քու­թեան Դի­ւա­նա­պետ Հայր Կո­րիւն Պաղ­տա­սա­րեա­նին հետ։ Հե­ռա­խօ­սազ­րոյ­ցի ըն­թաց­քին դի­ւա­նա­պետ Հայր Սուր­բը մե­զի յայտ­նեց, թէ Ա­մեն. Ս. Պատ­րիարք Հայ­րը ո­րե­ւէ նա­մակ ու­ղար­կած չէ Ա­մե­նայն Հա­յոց Կա­թո­ղի­կոս Տ.Տ. Գա­րե­գին Բ. Վե­հա­փառ Հայ­րա­պե­տին։ Ո՛չ Պատ­րիար­քը, ո՛չ ալ Պատ­րիար­քա­րա­նը տե­ղե­կու­թիւն ու­նին նման նոր նա­մա­կի մը շուրջ։ Ըստ դի­ւա­նա­պետ Հայր Սուր­բին, Նուր­հան Պատ­րիար­քին կող­մէ նա­խա­պէս ու­ղար­կուած եր­կու հին նա­մակ­նե­րու բո­վան­դա­կու­թե­նէն ո­րոշ հա­տուած­նե­րու ա­ռանձ­նաց­մամբ ձե­ւա­ւո­րուած է կեղծ նա­մակ մը եւ հա­մա­ցան­ցի վրայ շրջա­նա­ռու­թեան մէջ դրուած՝ իբ­րեւ Ե­րու­սա­ղէ­մէն Մայր Ա­թոռ Սուրբ Է­ջի­մա­ծին ու­ղար­կուած նոր նա­մակ։ Դի­ւա­նա­պետ Հայր Սուր­բը ա­ւել­ցուց, որ չեն գի­տեր, թէ ան­հա՞տ մը կամ խումբ մը կանգ­նած է այս խնդրին ե­տե­ւը։

Այլ աղ­բիւր­ներ ալ տե­ղե­կա­ցու­ցին, որ այս կեղծ նա­մա­կը հա­մա­ցան­ցի վրայ տա­րա­ծուած է վեր­ջերս կար­գա­լոյծ ե­ղած կարգ մը ե­կե­ղե­ցա­կան­նե­րու կող­մէ։