Լրահոս

Լեռնային Ղարաբաղի ճակատին վրայ ռազմական գործողութիւնները կը շարունակուին նոյն թափով։
Յարութիւնեան. «Պատերազմի առաջին օրը Ատրպէյճան կը ծրագրէր շրջափակել Արցախը, սակայն այդ ծրագիրը տապալեցաւ»։

Հայաստանի Արտաքին գործոց նախարար Զօհրապ Մնացականեան այս առաւօտ հեռախօսազրոյց մը ունեցաւ ՄԱԿ-ի ընդհանուր քարտուղար Անթոնիօ Կութերեսի հետ։ Երեւանի դիւանագիտական աղբիւրներու հաղորդումներով, Մնացականեան ներկայացուց Ատրպէյճանի կողմէ Արցախի դէմ սանձազերծուած աննախադէպ լայնածաւալ բռնութեան հետեւանքով ստեղծուած իրադրութիւնը։

Կարմիր խաչի Միջազգային կոմիտէի Հայաստանի գրասենեակը դատապարտեց Լեռնային Ղարաբաղի հակամարտութեան գօտիէն ներս բոլոր տեսակի թիրախաւորումները, որոնք քաղաքացիական անձերու մահուան կամ վիրաւորման պատճառ կը դառնան։ Կարմիր խաչի Հայաստանի գրասենեակի հաղորդակցութեան ծրագրերու ղեկավար Զարա Ամատունի երէկ «Արմէնփրէս»ին յայտարարութիւններ ըրաւ՝ Հայաստանի տարածքէն ներս անօդաչու թռչող սարքի հարուածին հետեւանքով 14-ամեայ երիտասարդի մը տուժելուն կապակցութեամբ։

Թուրքիոյ եւ Ռուսաստանի նախագահները հեռախօսազրոյց մը ունեցան՝ Լեռնային Ղարաբաղի իրադրութիւնը քննարկելով պատերազմի վերսկսելէն ի վեր առաջին անգամ: Փութին Էրտողանի հետ խօսակցութեան ժամանակ յոյս յայտնեց, թէ Անգարա՝ որպէս ԵԱՀԿ-ի Մինսքեան խմբակի անդամ, դրական դեր կը ստանձնէ հիմնախնդրի կարգաւորման ուղղութեամբ:

Լեռնային Ղարաբաղի մէջ պատերազմական գործողութիւնները կը շարունակուին ամբողջ սաստկութեամբ։ Գրեթէ երեք շաբաթէ ի վեր լայնածաւալ ռազմական գործողութիւնները կ՚ընթանան ծանր հետեւանքներով։

Միջազգային մետիան խայտաբղէտ համայնապատկերի մը վրայ կը ցոլացնէ Արցախի պատերազմը:
Համաշխարհային հեղինակութիւններ մանրամասնօրէն կը մեկնաբանեն տարածքաշրջանային նոր հաւասարակշռութիւնները:

Արցախի ճակատին վրայ երէկ տեղի ունեցան այս պատերազմի սկիզբէն ի վեր գուցէ ամենածանր մարտերը: Ատրպէյճան այս առաւօտ սկսաւ դարձեալ հրետակոծել առաջնագծի հարաւային եւ հիւսիսային ուղղութիւնները: Պաշտպանութեան նախարարութիւնը զգուշացուց, որ Հայաստանի տարածքէն որեւէ ձեւով կրակ չի բացուիր: Լեռնային Ղարաբաղի բոլոր շրջաններէն ներս աշխարհազօրայիններէ բաղկացեալ ջոկատներու կազմաւորման ուղղութեամբ աշխատանքներ յառաջ կը տարուին:

Արտաքին գործոց նախարար Մեւլիւտ Չավուշօղլու առաջարկեց, որ Լեռնային Ղարաբաղի հիմնախնդրին շուրջ բանակցութիւններ տեղի ունենան ԵԱՀԿ-ի Մինսքեան խմբակի անդամ բոլոր՝ 11 երկիրներու մասնակցութեամբ։

Հայաստանի վարչապետ Նիկոլ Փաշինեան յայտարարեց, որ Ատրպէյճան ռազմական գործողութիւնները պիտի չդադրեցնէ, քանի տակաւին Թուրքիոյ դիրքորոշումը չէ փոխուած Լեռնային Ղարաբաղի հարցին մէջ։ «Ռէօյթըրզ» գործակալութեան տուած հարցազրոյցին մէջ Փաշինեան շարունակեց քննադատել Անգարան։

Հայկական դիւանագիտութիւնը բոլոր հարթութիւններու վրայ Արցախի մէջ հրադադարի հետամուտ:
Մնացականեան-Փաթրուշեւ հանդիպում: Մինսքեան խմբակի եռանախագահներուն կողմէ համատեղ յայտարարութիւն: