Լրահոս

ԱՄԵՆԷՆ ԵՐԿԱՐ ՓԻՑՑԱՆ

Երեւանի մէջ Մանուկներու պաշտպանութեան օրը պատրաստեցին Հայաստանի ամենէն երկար փիցցան, որուն երկարութիւնը 13 մեթր էր, լայնութիւնը՝ 65 սանթիմեթր: «Տորիա կարտա» ընկերութեան շուկայադրումի եւ վաճառքի բաժնի տնօրէն Սիրան Ապաճեան լրագրողներու հետ զրոյցի ընթացքին ըսաւ, որ այս չափանիշը հաւանաբար կ՚ընդգրկուի «Դիւցազնագիրքին մէջ»:

ՀԱՅԱՍՏԱՆ ՅԱՂԹԱՆԱԿ ՏՕՆԵՑ ԱԹԷՆՔԻ ՄԷՋ

«Եւրօ-2020»ի որակաւորման փուլի հանդիպումներու ծիրէն ներս Հայաստանի ֆութպոլի ազգային հաւաքականը երէկ երեկոյեան յաղթանակ տօնեց Աթէնքի մէջ։ 2020 թուականին նախատեսուած Եւրոպայի ֆութպոլի առաջնութեան ընդառաջ հայկական ընտրանին պայքար կը մղէ J խումբին մէջ։ Երէկ երեկոյեան Յունաստան-Հայաստան հանդիպումը տեղի ունեցաւ Աթէնքի Ողիմպիական մարզադաշտին վրայ։

ՊՐԻՒՔՍԵԼԻ ՄԷՋ ՀԱՆԴԻՊՈՒՄ

Հայաստանի Արտաքին գործոց նախարար Զօհրապ Մնացականեան այսօր աշխատանքային այցելութեամբ կը մեկնի Պրիւքսել։ Վաղը՝ իր կողմէ գլխաւորուած պատուիրակութիւնը կը մասնակցի Եւրոմիութիւն-Հայաստան Գործընկերութեան խորհուրդի երկրորդ նիստին։

ԱԹԷՆՔԻ ՄԷՋ ՍՊԱՆՈՒԹԻՒՆ

Աթէնքի մէջ վերջին օրերուն տեղի ունեցած է աղմկարար սպանութիւն մը, որու զոհ գացած է հայազգի գործիչ Մերուժան Հարթենեան։ Այս վերջինը յունիսի 5-ին, առաւօտեան ժամերուն Աթէնքի Անօ-Ղլիֆաթա թաղամասի բնակարանի ստորգետնեայ կայանատեղիին մէջ թիրախը դարձած է՝ երկու անծանօթներու կողմէ արձակուած փամփուշտներու։

ՎԵՐԱԲԱՑԱՅԱՅՏՈՒՄ

Նախագահ Արմէն Սարգսեան. «Կը յուսամ մենք կը սկսինք աշխատիլ 2020 թուականի ուղղութեամբ»:
«Մտքերու հայկական գագաթաժողով»ի մասնակիցներուն ի պատիւ պաշտօնական ընդունելութիւն մը սարքուեցաւ Երեւանի մէջ:

ԵՐԵՒԱՆ-ՎԱՆ ՈՒՂԻՂ ԹՌԻՉՔ

«Սփութնիք Արմէնիա» հաղորդեց, որ երէկ Երեւանի եւ Վանի միջեւ տեղի ունեցած է մասնաւոր թռիչք մը։ Սա չարթըր թռիչք մը եղած է, սակայն կը համարուի շատ յատկանշական։ Ինչպէս ծանօթ է, քանի մը տարի առաջ խնդրոյ առարկայ դարձած էր Երեւանի եւ Վանի միջեւ ուղիղ թռիչքներու կազմակերպումը, սակայն աւելի վերջ վերջին պահուն այդ ծրագիրը ձախողած էր։

Էջեր