Լրահոս

Իսթանպուլի ընտրական խորհուրդը վաւերացուց քաղաքապետի ընտրութեան արդիւնքը:
Իմամօղլու ստանձնեց լիազօրութիւնները - ԱՔ կուսակցութեան վիճարկումները կը շարունակուին:

Հայաստանի Արտաքին գործոց նախարար Զօհրապ Մնացականեան երէկ Փարիզի մէջ հանդիպում մը ունեցաւ Ֆրանսայի Ազգային ժողովի արտաքին յարաբերութիւններու յանձնաժողովի նախագահ Մարիէլ տը Սարնեզիի հետ։ Տեսակցութեան ընթացքին կարծիքներ փոխանակուեցան միջազգային եւ տարածքաշրջանային բնոյթով շարք մը հրատապ հարցերու շուրջ։

Հանրապետութեան նախագահ Էրտողան հիւրընկալեց Իրանի Արտաքին գործոց նախարար Զարիֆը:
Թեհրան կը ձգտի, որ Թուրքիա եւ Սուրիա ապագային լաւ յարաբերութիւններու մէջ ըլլան՝ որպէս հարեւան երկիրներ:

Թուրքիա-Հայաստան սահմանին վրայ երէկ ձերբակալուեցաւ Փաքիստանի քաղաքացի մը։ «Արմէնփրէս»ի հաղորդումներով, ռուս սահմանապահները ձերբակալեցին այս սահմանախախտը, որ կը փորձէր Թուրքիա-Հայաստան սահմանը հատել ապօրինի ձեւով։ Ըստ հրապարակուած մանրամասնութիւններուն, քանի մը օր առաջ սահմանապահները Թուրքիոյ տարածքին մէջ նկատած էին Հայաստանի սահմանին մօտեցող այդ անձը։

Փարիզի Նոթրը Տամ մայր տաճարի վերանորոգութեան համար այժմէն հանգանակուած է 1 միլիառ եւրօ:
Ն.Ս.Օ.Տ.Տ. Գարեգին Բ. «Մեր աղօթական զօրակցութիւնը կը յայտնենք բոլոր ֆրանսացիներուն եւ Կաթոլիկ մեր քոյր եկեղեցւոյ»:

Հայաստանի Արտաքին գործոց նախարար Զօհրապ Մնացականեան, որ աշխատանքային այցելութիւն մը կու տայ Փարիզ, երէկ ընդունուեցաւ Ֆրանսայի Արտաքին գործոց նախարար Ժան-Իվ լը Տրիանի կողմէ։
Պաշտօնական աղբիւրներու հաղորդումներով, Մնացականեան շնորհակալութիւն յայտնեց ընդունելութեան համար ու նշեց, որ հանդիպման օրը զգացական տեսակէտէ մեծ նշանակութիւն ունի Փարիզի Նոթրը Տամ մայր տաճարի հրդեհին բերումով։

Թուրքիա-Միացեալ Նահանգներ գործակցութեան զարգացման հեռանկարները ուշադրութեան առարկայ:
Պերաթ Ալպայրաք Սպիտակ տան երդիքին տակ Տանըլտ Թրամփին փոխանցեց Էրտողանի ողջոյններն ու պատգամը:

Հանրապետութեան նա-խագահ Րէճէպ Թայյիպ Էրտողան երէկ Անգարայի մէջ հիւրընկալեց Սպիտակ Ռուսիոյ նախագահ Ալեքսանտր Լուքաշենքոն։ Պեշթեփէի համալիրէն ներս տեղի ունեցաւ երկու ղեկավարներուն հանդիպումը։

ՀԲԸՄ Նիւ Եորքի մէջ ճաշասեղանով մը պատուեց Հայաստանի վարչապետի տիկինը:
Աննա Յակոբեան ներկայացուց իր գլխաւորած բարեգործական հիմնադրամներուն գործունէութիւնը:

Հայաստանի Սփիւռքի նախարարի պաշտօնակատար Բաբգէն Տէր-Գրիգորեան Երեւանի մէջ նախընթաց օր հիւրընկալեց «Սինոփսիս Արմենիա» ընկերութեան նախագահ Երուանդ Զօրեանը, որ միեւնոյն ժամանակ գլխաւոր ճարտարագէտն է Ամերիկայի Միացեալ Նահանգներու «Սինոփսիս» ընկերութեան։ Երուանդ Զօրեան սփիռքահայ յայտնի գործիչ մըն է, Հայկական բարեգործական ընդհանուր միութեան Կեդրոնական վարչութեան մաս կը կազմէ եւ ՀԲԸՄ-ի ջանքերով ստեղծուած Հայկական համացանցային համալսարանի հիմնադիր-նախագահն է։