Արխիւ

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Խաչվերացի յաջորդող 4-րդ կիրակի օր Սուրբ Պատարագի ընթացքին՝ որպէս Ճաշու Աւետարան կը կարդացուի Մարկոսի Աւետարանի ԺԱ գլխուն 27-33 համարները։ Խաչվերացի յաջորդող 4-րդ կիրակին, այս տարի կը հանդիպի 7 հոկտեմբերի։

Կլենտէյլի դպրոցներէն մէկուն մէջ ծեծկռտուք տեղի ունեցաւ հայ եւ մեքսիկացի աշակերտներուն միջեւ։ Ամերիայի Միացեալ Նահանգներու Գալիֆորնիոյ նահանգէն ներս, հայաշատ Լոս Անճելըսի Կլենտէյլ քաղաքի դպրոցներէն մէկուն մէջ ծագած այս դէպքը ստեղծած է լայն արձագանգ։

Թուրքիա երէկ ցնցուեցաւ Հասանքէյֆէ հասած ահաւոր դէպքի մը լուրերով։ Տարիներ առաջ ահաբեկիչներու կողմէ լարուած ծուղակի մը հետեւանքով ութ զինուոր նահատակուեցաւ, ինչ որ խոր սուգի մատնեց ամբողջ երկիրը։

«Համաշխարհային պետական գործիչ» մրցանակը՝ Հայաստանի Հանրապետութեան նախագահին:
Արմէն Սարգսեան Նիւ Եորքի մէջ հանդիսաւոր երեկոյթով մը մեծարուեցաւ Արեւելք-Արեւմուտք կաճառին կողմէ:

«Էնվալիտ»ներու պալատին մէջ տեղի ունեցաւ փառաշուք սգահանդէս մը Շարլ Ազնաւուրի յիշատակին:
Ներկայ էին Ֆրանսայի Հանրապետութեան նախագահ Էմմանիւէլ Մաքրոն, Հայաստանի Հանրապետութեան նախագահ Արմէն Սարգսեան, վարչապետ Նիկոլ Փաշինեան եւ Ամենայն Հայոց Տ.Տ. Գարեգին Բ. Վեհափառ հայրապետը, որոնք պահեցին յարգանքի լռութիւն:
Աշխարհահռչակ երգիչի դագաղը, որ ծածկուած էր ֆրանսական եռագոյնով, ուսամբարձ վերաբերուեցաւ ֆրանսացի զինուորներու կողմէ, հնչեցին տուտուկի մեղեդիներ: Կուռ դամբանականներ խօսեցան պետական ղեկավարները յուզումնախառն շեշտով:
Յուղարկաւորութիւնը վաղը պիտի կատարուի Փարիզի Սուրբ Յովհաննէս Մկրտիչ Մայր տաճարի երդիքին տակ:

Սուրբ Փրկիչ Ազգային հիւանդանոցի մէջ երէկ տեղի ունեցաւ ԶԻՊԷՉ-ի նոր շրջանի սկիզբի հաւաքոյթը, որու ընթացքին ստեղծուեցաւ մեծ խանդավառութիւն։ «Պիլէք» հանգստարանի սրահին մէջ տեղի ունեցաւ ԶԻՊԷՉ-ի տարեմուտի հաւաքը, որուն ներկայ գտնուեցան Հոգաբարձութեան փոխ-ատենապետ Հերման Պալեան, ատենադպիր Մկրտիչ Սերթշիմշէք, Կարպիս Փոլատ, Գատիմ Պիրոս, Գէորգ Ներկիզ եւ Միհրան Օնուր։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

«Երբ մէկը խնդիր ունի քեզի հետ եւ դատի կը կանչէ քեզ, սկիզբէն համաձայնութեան եկուր անոր հետ՝ դատարան չինկած, այլապէս քեզ դատաւորին կը յանձնէ, դատաւորն ալ՝ ոստիկանին, եւ բանտ կը նետուիս։ Վստահ եղիր թէ բանտէն պիտի չելլես, մինչեւ որ տուգանքիդ վերջին դահեկանը չվճարես», (ՄԱՏԹ. Ե 25-26)։

Անուշ Թրուանց կը տեղեկացնէ Երեւանէն.-

Երէկ, Երեւանի մէջ բացուեցաւ եզակի ցուցահանդէս մը, որ կը վերաբերի ֆրանսահայ անմոռանալի ու մեծանուն ծաղրանկարիչ Ռընէ Հովիւեանի (Հովիւ) թողած մեծ ժառանգութեան։ Հովիւը սփիւռքահայ եզակի արուեստագէտներէն մին էր եւ իր դիտարկումները այնպէս մը կը նկարէր, որ ժամանակի ընթացքին մաս կազմած են հայոց հաւաքական յիշողութեան։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Կեանքի մէջ կան այնպիսի շինարար՝ անայլայլելի եւ մշտնջենաւոր սկզբունքներ, որոնք կեանքը կը դիւրացնեն եւ անոր ընթացքը կ՚որոշեն։
Զոր օրինակ, ուրիշի մը հետ վարուիլ այնպէս՝ ի՛նչպէս որ կ՚ուզես վարուին քեզի հետ։ Այս կը նշանակէ՝ հասկնալ ուրիշին զգացումները, մտածումները եւ համեմատել զանոնք իր զգացումներուն, իր մտածումներուն հետ, եւ ըստ այնմ վարուիլ կամ շարժիլ ուրիշներու նկատմամբ։