Շաբաթ 15, Մարտ 2025
Արխիւ
Չորեքշաբթի, Մայիս 23, 2018
Հայաստան կրնայ ընդգրկուիլ ԱՄՆ-ի «Հազարամեակի մարտահրաւէրներ» ծրագրին:
Փոմփէօ պատրաստակամութիւն յայտնեց աշխատիլ՝ երկկողմանի բարեկամութիւնը յառաջ մղելու:
Չորեքշաբթի, Մայիս 23, 2018
Վարչապետ Նիկոլ Փաշինեանի որոշումով Հայաստանի Արտաքին գործոց նախարարութեան ընդհանուր քարտուղար նշանակուեցաւ Վահագն Մելիքեան։
Չորեքշաբթի, Մայիս 23, 2018
Արտահերթ խորհրդարանական ընտրութիւններու հարցը կը զբաղեցնէ Հայաստանի օրակարգը:
Եդուարդ Շարմազանով. «ՀՀԿ արհեստական խոչընդոտներ պիտի չստեղծէ կառավարութեան գործունէութեան առջեւ»:
Չորեքշաբթի, Մայիս 23, 2018
Բանակցային գործընթացին Արցախի մասնակցութիւնը՝ տեւական խաղաղութեան հասնելու պայման:
Վերլուծաբան Թոմաս տը Վաալ այժմէական կը համարէ Ստեփանակերտի վերադարձը բանակցութիւններու սեղանի շուրջ:
Չորեքշաբթի, Մայիս 23, 2018
Երեւանի ղեկավարութիւնը յառաջիկայ օրերուն բարձրաստիճան պատուիրակութիւններ պիտի հիւրընկալէ Ամերիկայի Միացեալ Նահանգներէն եւ Ֆրանսայէն։ 27-28 Մայիս թուականներուն Հայաստան պիտի այցելէ Ֆրանսայի Արտաքին գործոց նախարար Ժան-Իվ լը Տրիան։
Չորեքշաբթի, Մայիս 23, 2018
Երէկ Հայաստանի Հանրապետութեան նախագահ Արմէն Սարգսեան շնորհաւորական մը ուղարկեց ֆրանսահայ աշխարհահռչակ երգիչ Շարլ Ազնաւուրին՝ ծննդեան տարեդարձին առթիւ։
Չորեքշաբթի, Մայիս 23, 2018
Ամենայն Հայոց Տ.Տ. Գարեգին Բ. Կաթողիկոսը նախընթաց օր հանդիպում մը ունեցաւ Մայր Աթոռ Սուրբ Էջմիածնի մէջ վերապատրաստման դասընթացներու մասնակից եկեղեցականներու հետ։
Չորեքշաբթի, Մայիս 23, 2018
Աշխատասիրեց՝ ԱԼԵՔՍ ՍՐԿ. ԳԱԼԱՅՃԵԱՆ
- Ի՞նչ բանի խորհրդանիշ են եկեղեցւոյ Խորանը եւ անոր խորը դրուած Ս. Սեղանը։
- Եկեղեցւոյ Խորանը կը խորհրդանշէ երկինքը, իսկ Ս. Սեղանը՝ Աստուծոյ գահը, երկնքի սրբարանը, ուր Յիսուս կը քաւէ եւ մշտնջենական բարեխօսութիւն կ՚ընէ հաւատացեալներուն համար։
Չորեքշաբթի, Մայիս 23, 2018
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
«Երկայնամիտ» կը նշանակէ՝ շատ համբերող, հեզ եւ բարեմիտ, նաեւ քաղցրաբարոյ։ Սէրը երկայնամիտ է, անոր յատկանշական ստորոգելիներէն մին է եւ կարեւորագո՛յնը։
Չորեքշաբթի, Մայիս 23, 2018
Գատըգիւղի Արամեան-Ունճեան վարժարանին մէջ նախընթաց օր տեղի ունեցաւ մանկապարտէզներու տարեվերջի հանդէսը։ Փոքրիկները մեծ խանդավառութիւն ապրեցան այս առթիւ։
Չորեքշաբթի, Մայիս 23, 2018
Պոմոնթիի Մխիթարեան վարժարանէն ներս նախընթաց օր կատարուեցաւ Մխիթար Աբբահօր կիսանդրիի բացումը։
Չորեքշաբթի, Մայիս 23, 2018
Նախընթաց օր հաճոյքն ունեցանք խմբագրատանս մէջ հիւրընկալելու Կարպիս Շիմշէքն ու Սարօ Սիրականեանը, որոնք փութացած էին մեզի ներկայացնելու համար թատերական ծրագիր մը։
Չորեքշաբթի, Մայիս 23, 2018
Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց Սամաթիոյ Սահակեան դպրաց դաս-երգչախումբի ներկայացուցիչները։
Չորեքշաբթի, Մայիս 23, 2018
Պատրիարքական ընդհանուր փոխանորդ Տ. Արամ Արք. Աթէշեան կը մեկնի Մայր Աթոռ Սուրբ Էջմիածին։ Նորին սրբազնութիւնը պիտի մասնակցի Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանին, որ տեղի պիտի ունենայ Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ
Չորեքշաբթի, Մայիս 23, 2018
Համայնքային վաքըֆներու հարթակի (VADİP) վերջին ժողովին ընթացքին ծագած լարուածութիւնը ներկայիս կը բնորոշէ համայնքին օրակարգը։ Ինչպէս հաղորդած էինք, ատենապետ Պետրոս Շիրինօղլու VADİP-ի վերջին ժողովին ընթացքին հանդէս եկած է բուռն ելոյթով մը ու տեղեկացուցած է, որ կը լուծարէ համակարգման խորհուրդը։ Սա արդէն VADİP-ի ընդհանուր գործունէութեան գործնական անդամալուծութիւնը կը նշանակէ։ Թէ ի՞նչ պիտի ըլլայ հիմա, դժուար է յստակօրէն կանխատեսել։
Երեքշաբթի, Մայիս 22, 2018
Շաբաթավերջին, ըստ «Ասպարէզ» օրաթերթի, ամերիկեան «Սի.Էն.Էն.» կայանէն առաջին անգամ ըլլալով ցուցադրուեցաւ խոհանոցային եւ ճամբորդական յայտագիրներու թղթակից Էնթընի Պուրտենի Հայաստան եւ Արցախ այցելութեան արգասիքը հանդիսացող միժամեայ յայտագիրը, որ մաս կը կազմէ անոր «Անծանօթ Վայրեր» («Anthony Bourdain Parts Unknown») հաղորդաշարին:
Երեքշաբթի, Մայիս 22, 2018
Կեդրոնական սանուց միութեան հաւաքատեղիին մէջ զանազան սերունդներէ շրջանաւարտներու հաւաք:
Ընթացաւարտները շարժման կ՚անցնին վարժարանի պիւտճէի ահաւոր բացը հնարաւորինս հաւասարակշռելու նպատակով: Հայկ Ասլանեան խոստացաւ չորս բարերարներու հետ 500 հազարական լիրա նուիրատուութիւն յատկացնել՝ Տոլափտէրէի համայնքապատկան տարածքի արժեւորման համար: Կեդրոնականցիները կը ծրագրեն ցանց մը ստեղծել:
Երեքշաբթի, Մայիս 22, 2018
Համայնքային վաքըֆներու հարթակի երէկուան լարուած ժողովը եկաւ ապացուցանել, որ վարժարաններու նիւթական առկայ հարցերը հասած են թրքահայութեան կեանքը անդամալուծելու եզրին: Պետրոս Շիրինօղլու ասպարէզ կարդաց Համբարձման սեղանի ընթացքին ունեցած ելոյթին բերումով իր հասցէին սանձազերծուած բողոքի արշաւին դէմ. «Միթէ այսքան համբա՞կ ենք, որ զօրակցութիւն հաստատելով չենք յաջողիր յաղթահարել խոչընդոտները»:
Համակարգման խորհուրդը լուծարուած:
VADİP-ի ապագան անորոշ՝ դպրոցներու կուտակուած խնդիրներուն հետեւանքով - Ապագայ աշխատանքը կախում պիտի ունենայ բոլորի համախմբուած ձեւով միասնական շօշափելի ու գործնական քայլեր առնելէ: Նիստի ընթացքին ահազանգ հնչեցուեցաւ, որ յառաջիկայ տասը տարիներուն 1500-ով կրնայ պակսիլ մեր դպրոցներու աշակերտութեան ընդհանուր թիւը:
Երեքշաբթի, Մայիս 22, 2018
VADİP-ի երէկուան ժողովին ընթացքին ամփոփ տեղեկագիր մը ներկայացուեցաւ Պէյքոզի Ս. Նիկողայոս եկեղեցւոյ թաղային խորհուրդին անունով։ Տեղեկագիրը ընթերցեց թաղային խորհուրդի անդամներէն Արէտ Չիչէքէքէր։
Երեքշաբթի, Մայիս 22, 2018
Գրեց՝ ԱՆՈՒՇ ԹՐՈՒԱՆՑ
Կարելի է միայն հպարտութեամբ երեւակայել անցած դարու 1930-ականներէն մինչեւ 1970-ականներու միջազգային գիտական միջավայրը, ուր, իբրեւ անզուգական գիտնական, գործած է հայուհի Սիրարփի Տէր-Ներսէսեան, հարստացնելով բիւզանդագիտութիւնը իր բեղուն գործունէութեամբ, միաժամանակ մեծ ներդրում ունենալով հայագիտութեան մէջ, դառնալով հայկական մանրանկարչութեան նուիրեալ հետազօտողներէն:
