Արխիւ

Սուրբ Յակոբ հիւանդանոցի հոգաբարձութեան երկարամեայ փոխ-ատենապետը որոշեց լքել իր պաշտօնը:
Իւմիտ Գույումճու երէկ մամլոյ ասուլիս մը սարքելով հանրային  կարծիքը տեղեակ պահեց հրաժարականին մասին:

Հայաստանի արտաքին գործոց նախարար Եդուարդ Նալպանտեան Պրիւքսելի մէջ անդրադարձաւ Լեռնային Ղարաբաղի հիմնախնդրին:
Երեւան բազմիցս վերահաստատած է, որ պիտի շարունակէ հակամարտութեան բացառապէս խաղաղ կարգաւորման ուղղութեամբ իրականացուող աշխատանքը:

Ամենայն Հայոց Տ.Տ. Գարեգին Բ. Կաթողիկոսի օրհնութեամբ, Մայր Աթոռ Սուրբ Էջմիածնի Հրատարակչական բաժինը վերջին օրերուն լոյս ընծայեց երանաշնորհ Տ.Տ. Վազգէն Ա. Ամենայն Հայոց Կաթողիկոսի (1955-1994) երկերու ժողովածոյի երկրորդ հատորը, որ ձօնուած է լուսաւորչահաստատ Մայր Աթոռի 130-րդ գահակալի ծննդեան 110-ամեակին։

ՏՔԹ. ՀՐԱՅՐ ՃԷՊԷՃԵԱՆ

Միացեալ Նահանգներու Ֆլորիտայի շրջանի դպրոցներէն մէկուն մէջ պատահած «սպանդը» իր կրկնուող հոլովոյթներուն մէջէն եկաւ դարձեալ յուզելու տեղացի ժողովուրդը, բայց նաեւ՝ աշխարհը ամբողջ: Եւ կը սկսիս մտածել, թէ այս կրկնուող ողբերգութիւնը մէկը միւսին ետեւէն ո՞ւր կրնայ առաջնորդել մարդկութիւնը:

Երուանդ Քոչարի ստեղծագործած Ժորժ Զաքարեանի դիմաքանդակը Երեւանի մէջ:
Համանուն թանգարանի երդիքին տակ տեղի ունեցաւ ցուցադրութիւն-շնորհանդէս մը:

Գրեց՝ ԱՆՈՒՇ ԹՐՈՒԱՆՑ

Նշանաւոր գրող Կոստան Զարեանին թոռը՝ ճարտարապետ Արա Զարեան, երեք տարի շարունակ մեկնած է Իտալիայէն Արցախ եւ որմնանկարներու իտալացի վերականգնող Քրիստին Լամուրէի հետ, Արցախի Դադիվանքին մէջ վերականգնած է Դադիվանքէն ներս գտնուող Ս. Նիկողայոս Սքանչելագործի պատկերով որմնանկարը:

Գերմանիոյ վարչապետ Անկելա Մերքէլ յայտարարեց, որ աշխարհի վրայ ազդեցութեան եւ աճի նոր կեդրոններու յայտնուիլը կը պահանջէ Եւրոպայի ուժեղացումը եւ Եւրոպան պէտք է ինքնուրոյն վճռէ իր ճակատագիրը։

Ֆրեզնոյի քաղաքապետ Լի Պրանտ «Սարոյեան հաուզ» նախագծին աջակցելու պատրաստակամութիւն յայտնած է: «Ռէօնեսանս» մշակութային եւ մտաւորական հիմնադրամի կողմէ իրականացուող «Սարոյեան հաուզ» նախագծի շրջա-նակէն ներս նախագծի համակարգող Աւագ Սիմոնեան, «Ստորակէտ» ճարտարապետական աշխատանոցի համահիմ-նադիր Մերուժան Մինասեան եւ «Սարոյեան հաուզ»ի հո-գաբարձուներու խորհուրդի պատուաւոր անդամ, Ֆրեզնոյի մէջ Գալիֆորնիոյ Պետական համալսարանի Հայագիտութեան ամպիոնէն Փրոֆ. Պարլոու Տէր-Մկրտիչեան Փետրուարի 23-ին հանդիպած են Ֆրեզնոյի քաղաքապետ Լի Պրանտի հետ եւ ներկայացուցած են նախագիծը։

Սուրիոյ իրադարձութիւնները կը շարունակեն առաջնահերթ տեղ զբաղեցնել թէ՛ Թուրքիոյ եւ թէ միջազգային օրակարգին վրայ։ ՄԱԿ-ի անվտանգութեան խորհուրդը վերջին օրերուն մարդասիրական նպատակներով հրադադար հռչակեց Սուրիոյ մէջ՝ հաշուի առնելով մանաւադ Արեւելեան Կութայի իրադարձութիւնները։ Կը նախատեսուի, որ դէպի այդ շրջանը կատարուի մարդասիրական օժանդակութիւն։