Արխիւ

ՀՐԱՅՐ ՏԱՂԼԵԱՆ

Այսօր մարտի 21-ն է. օր՝ որ Միացեալ ազգերու կրթական, գիտական եւ մշակութային կազմակերպութեան (UNESCO) կողմէ յայտարարուած է որպէս «Համաշխարհային բանաստեղծութեան օր» եւ այս օրը լաւագոյն առիթը կը համարենք բարձրաձայնելու այն ճշմարտութիւնը, որ մեր մէջ գրեթէ կորսուած են բանաստեղծներն ու բանաստեղծութիւնները եւ կամ նոյնիսկ եթէ անոնք կան՝ անտեսուած ու արժեզրկուած են:

Երէկ, Գնալը կղզիի Ս. Գրիգոր Լուսաւորիչ եկեղեցւոյ մէջ տեղի ունեցաւ Արեւագալի արարողութիւն՝ հանդիսապետութեամբ Տ. Յարութիւն Վրդ. Տամատեանի, որ խօսեցաւ նաեւ քարոզ մը։ Ներկայ էին նաեւ Պատրիարքական փոխանորդ Տ. Գրիգոր Աւ. Քհնյ. Տամատեան եւ Լեւոն Սրկ. Գույումճեան։

Կազզէի պատերազմը աւելի քան հինգ ամիսէ ի վեր ընթացքի մէջ է։ Ըստ ՄԱԿ-ի տեղեկագրերուն՝ այնտեղ սովը հասած է գագաթնակէտին։ Պաղեստինցիներ, որոնք կը ջանան դաժան պայմաններու մէջ վերապրիլ, արդէն պաշտօնապէս սովի վտանգի դէմ յանդիման կը գտնուին։

Պոլսոյ Պատրիարքական Աթոռի հաւաքածոն թուայնացուեցաւ եւ ցուցակագրուեցաւ ԱՄՆ-ի մէջ:
Հիլլի ձեռագրաց միջազգային հեղինակութեամբ թանգարանին կողմէ կեանքի կոչուած նախագիծը կ՚ապահովէ արժէքաւոր սկզբնաղբիւր մը՝ Օսմանեան կայսրութենէն ներս հայոց կրօնական եւ ընկերամշակութային կեանքին վերաբերեալ:

Գատըգիւղի Արամեան սանուց միութեան մէջ կը շարունակուին բազմակողմանի ձեռնարկները։ Ատենապետ Սեւան Աթաօղլուի կողմէ գլխաւորուած վարչութիւնը աշխատանք կը տանի ծրագիրներու զանազանութիւն ապահովելու ուղղութեամբ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գուրուչէշմէի Երեւման Ս. Խաչ եկեղեցւոյ մէջ նախագահեց Արեւագալի ժամերգութեան։ Ներկայ էին Տ. Յովակիմ Վրդ. Սերովբեան, Տ. Նաթան Քհնյ. Արապեան, Արմենակ Սրկ. Գազանճեան, ինչպէս նաեւ թաղային խորհուրդի անդամները՝ գլխաւորութեամբ ատենապետ Լեւոն Քուզիքօղլուի։

ՎԱՐԱՆԴ ՔՈՐԹՄՈՍԵԱՆ

Մեծ պահքի երեսունութերորդ օրն է:
Պահքը իրեն միշտ ընկերակից ունի փորձութիւնը: Ասոր ամենէն վառ օրինակը մեր Տիրոջ Յիսուս Քրիստոսի կրած փորձութիւնն էր, որ Իր պահեցողութեան վերջին օրերուն ունեցաւ:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Քրիստոնեան ստուգիւ այն անձն է, որ գիտէ համբերել։ Պօղոս առաքեալ համբերութիւնը առընչակից կը ներկայացնէ սիրոյ. «Սէրը կ՚արդարացնէ ամէն բան, կը հաւատայ ամէն բանի, կը համբերէ ամէն բանի». (Ա. ԿՈՐՆԹ. ԺԳ 7)։

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Արաբ խօսնակ մը. Արաբ ժողովուրդը մէկ մարդու նման բռնկելէ եւ իր անկախութիւնը՝ քրտինքով, արցունքներով եւ արիւնով ձեռք բերելէ ետք: Ինչպէս նաեւ մեր երկրէն բռնապետութիւնը վռնտելէ ետք: