Արխիւ

Ս.Փ. Ազգային հիւանդանոցի հոգաբարձութեան ատենապետը մայրաքաղաք Անգարայի մէջ կը հիւրընկալուի՝ որպէս Թուրքիոյ հայկական վաքըֆներու միաւորման ղեկավար։
Պետրոս Շիրինօղլու Չանքայայի ապարանքի երդիքին տակ այսօր կը տեսակցի փոխ-վարչապետ Հաքան Չավուշօղլուի հետ, որ կառավարութեան կազմէն ներս պատասխանատու է փոքրամասնութիւններու հարցերով։
Զրոյցի ընթացքին օրակարգի վրայ կու գան պատրիարքական եւ համայնքային ընտրութիւններու մասին առկայ խնդիրներն ու շարք մը այլ հրատապ նիւթեր, որոնք ունին լուրջ նշանակութիւն։

Գերմանիոյ Քարլսրուէ, Էտլինկէն եւ Պատէն-Պատէն քաղաքներուն մէջ Գերմանիոյ մօտ Հայաստանի դեսպանութեան հովանաւորութեան ներքոյ եւ նորաստեղծ Գերմանա-հայկական երաժշտական միութեան կազմակերպութեամբ նախընթաց օր սկսան հայկական մշակոյթի օրերը։

Հայաստանի արտաքին գործոց նախարար Եդուարդ Նալպանտեան երէկ տեսակցեցաւ ԵԱՀԿ-ի Մինսքեան խմբակի համանախագահներուն հետ:
Սերկէյ Լաւրով յառաջիկայ շաբաթ պիտի այցելէ Երեւան եւ Պաքու՝ քննարկելու համար Լեռնային Ղարաբաղի հիմնախնդրի կարգաւորման գործընթացի ներկայ փուլը:

Հայաստանի Նախագահ Սերժ Սարգսեան այսօր աշխատանքային այցելութեամբ կը մեկնի Մոսկուա՝ Ռուսաստանի Նախագահ Վլատիմիր Փութինի հրաւէրով։ Ռազմավարական գործընկեր երկու պետութիւններու ղեկավարները բանակցութիւններու ընթացքին կը քննարկեն երկկողմանի յարաբերութիւններու օրակարգը, ինչպէս նաեւ միջպետական կապերու ապագայ ամրապնդման ու զարգացման վերաբերեալ հարցեր։

Պատրիարքական տեղապահ Տ. Գարեգին Արք. Պեքճեան նախընթաց օր Գումգաբուի մէջ հիւրընկալեց Պէյքոզի Ս. Նիկողայոս եկեղեցւոյ թաղային խորհուրդի ատենապետ Վարուժան Մաղաքեանն ու իր ընկերները։ Թաղականները տեղեկութիւններ փոխանցեցին Պէյքոզի եկեղեցիէն ներս ձեռնարկուած բարեկարգման, բարեզարդման եւ ընդհանուր մաքրութեան աշխատանքներուն շուրջ։

Գոհունակութեամբ վերահասու կ՚ըլլանք, որ լուսանկարիչ Մուրատ Էզէր այս շաբաթավերջին կը բանայ իր անդրանիկ անհատական ցուցահանդէսը։ Ան երկար տարիներէ ի վեր կը զբաղի լուսանկարչութեամբ ու կը համագործակցի նաեւ համայնքային մամուլին հետ։

Միջմիութենական նարտի մրցաշարքը երէկ երեկոյեան սկսաւ Գարակէօզեան Տան «Նատիա եւ Տիգրան Կիւլմէզկիլ» գեղարուեստի աշխատանոցի երդիքին տակ։ Նկատի ունենալով, որ Գարակէօզեան սանուց միութեան խումբը անցեալ տարի հանդիսացած էր այս մրցաշարքին առաջինը՝ այս տարուան մրցաշարքի հիւրընկալը կը հանդիսանան գարակէօզեանցիները։

Տեսակցեցաւ՝ ԱՆՈՒՇ ԹՐՈՒԱՆՑ

Երիտասարդ ազգագրագէտ, աշխատութիւններու հեղինակ Խորէն Գրիգորեան, տարիներէ ի վէր ոչ միայն կը զբաղի հայկական աւանդական խոհանոցի ուսումնասիրութեամբ եւ տարածմամբ, այլեւ մասնաւորապէս կ՚ուսումնասիրէ ուտեստեղէնը՝ հայկական ձեռագիրներուն մէջ:

ՆԱՐԷ ՔԱԼԵՄՔԷՐԵԱՆ

Բրիտանական «Պի.Պի.Սի.»ի թղթակից Պեն Լերվիլ, որ ծանօթ է իր ճամբորդական նոթերով, այս անգամ անդրադարձած է հայերուն եւ Հայաստանին, մանաւանդ՝ հայերու հիւրասիրութեան: «Պի.Պի.Սի.»ի միլիոնաւոր ընթերցողներուն համար վստահաբար նոր աշխարհ մը կը բացուի, իսկ մեզի համար հետաքրքրական է բոլորովին օտարին առարկայական աչքով տեսնելը մեր հիւրասիրութիւնը եւ անդրադառնալը ատոր, մանաւանդ որ ան նոյնպէս կը խօսի Եղեռնի մասին: