Արխիւ

Հայաստանի զանգուածային լրատուութեան աշխարհի առկայ հրատապ խնդիրներն ու անոնց լուծման հեռանկարները երէկ քննարկուեցան՝ Երեւանի մէջ կազմակերպուած մասնաւոր հաւաքոյթով մը։ «Արմէնփրէս»ի հաղորդումներով, Երեւանի Մամուլի ակումբի եւ Հանրային լրագրութեան ակումբի համատեղ ծրագրերու շրջանակին մէջ կազմակերպուած էր այդ հաւաքոյթը։

Հայաստանի մէջ այս շրջանին կը սկզբնաւորուի բացառիկ գործընկերային նախագիծ մը, որ կը կոչուի «Մատենա»։ Սա առաջնորդութեան ու մասնագիտական զարգացման միջազգային դպրոց մըն է, որու առաքելութիւնն է գիտելիքի կուտակման եւ համաշխարհային փորձառութեան տարածման միջոցաւ նպաստել մասնագիտական հմտութիւններու եւ ղեկավարման կարողութիւններու զարգացման՝ բոլոր անոնց համար, որոնք իրենց մասնագիտական ոլորտներէ ներս կը ձգտին կատարելագործման եւ գերազանցութեան։

Թուրքիա-Քաթար Բարձրագոյն ռազմավարական խորհուրդի 7-րդ ժողովը կը գումարուի Տոհայի մէջ:
Բանակցութիւններու ընթացքին օրակարգի վրայ կու գան՝ տարածաշրջանային եւ միջազգային առաջնահերթ բնոյթով հարցեր:

ՍԱԳՕ ԱՐԵԱՆ

Ամէն առիթով՝ երբ Իսրայէլի մամուլը կը գրէ Իրան-Ամերիկայի Միացեալ Նահանգներ բանակցութիւններու հարցով Թել Աւիւի ապրած «հիասթափութեան» մասին, կը սկսի հիմնաւորուիլ այն մօտեցումը, որ Վիեննայի մէջ այսօրերուն ընթացող բանակցութիւններուն յաջողութեամբ պսակուիլը «սարերու ետին չէ»։

Մեծի Տանն Կիլիկիոյ Կաթողիկոսութեան Ազգային կեդրոնական վարչութեան ժողովներու խառն նիստը:
Սիսի երբեմնի կաթողիկոսանիստ համալիրի սեփականութեան իրաւունքի վերաձեռքբերման նպատակով բացուած դատի ընթացքին շուրջ յառաջիկային լուսաբանութիւն պիտի կատարուի Անթիլիասի աղբիւրներուն կողմէ:

Լուսահոգի համայնքային գործիչ, Կէտիկփաշայի Ս. Յովհաննէս եկեղեցւոյ թաղային խորհուրդի նախկին ատենապետ Յարութիւն Շանլը, որ քորոնաժահրի համաճարակին զոհ գացած էր, շաբաթավերջին ոգեկոչուեցաւ՝ Գումգաբուի մէջ կազմակերպուած մասնաւոր հանդիսութիւնով մը։ Ինչպէս հաղորդած էինք, Կէտիկփաշայի թաղային խորհուրդին կողմէ վերջերս պատրաստուեցաւ եւ հրատարակուեցաւ յուշամատեան մը՝ ողբացեալ Յարութիւն Շանլըի կեանքին ու գործունէութեան մասին։

ԵԱՀԿ-ի Մինսքեան խմբակի համանախագահները շաբաթավերջին հանդէս եկան յայտարարութիւնով մը:
Եռանախագահները պատրաստակամ են հանդիպում կազմակերպելու՝ շարունակելու համար սեպտեմբերին Նիւ Եորքի եւ անցեալ ամիս Փարիզի մէջ սկսած քննարկումերը: Ռուսաստանի միջնորդութեամբ Ատրպէյճան 10 գերի վերադարձուց Հայաստանին:

ԺԱՄԱՆԱԿ օրաթերթի հանգուցեալ ընդհանուր տնօրէն, հայ մամլոյ անմոռանալի ու երախտաշատ սպասաւոր լուսահոգի Արայ Գօչունեան երէկ Գատըգիւղի Ս. Թագաւոր եկեղեցւոյ մէջ ոգեկոչուեցաւ՝ մահուան 25-րդ տարելիցին առթիւ։ Պատրիարքական փոխանորդ Տ. Գրիգոր Ա. Քհնյ. Տամատեանի ձեռամբ մատուցուած կիրակնօրեայ Ս. Պատարագէն վերջ այս առթիւ կատարուեցաւ հոգեհանգստեան պաշտօն։

ԱՆՈՒՇ ԹՐՈՒԱՆՑ

Նշանաւոր ասորի քրիստոնեայ գրող, աստուածաբան, եկեղեցւոյ հայր, ընդհանրական եկեղեցւոյ՝ ինչպէս նաեւ Հայ Առաքելական Եկեղեցւոյ Սուրբ Եփրեմ Ասորիին երկերուն մեծ մասը հայացած են Ե. դարուն, գրչագրուած եւ շրջանառութեան մէջ մտած բազմաթիւ ընդօրինակութիւններով։ Թէ ե՞րբ եւ որո՞ւ կողմէ հայերէնի վերածուած են Ե. դարուն անոր ստեղծագործութիւնները, ուսումնասիրողներ տակաւին չեն պարզած, սակայն այդ գործերու հայերէն թարգմանութիւնները կը նկատուին Ոսկեդարուն եւ մեծ ազդեցութիւն գործած են մեր հայրերու հոգեւոր կեանքին եւ մեր նախնեաց գրականութեան վրայ: