Արխիւ

ԱՐԵՒԻԿ ՊԱՊԱՅԵԱՆ

Փոքրիկ Անահիտը ունէր պուպրիկ մը: Անունը Իզապելլ: Անահիտ կը սիրէր իր պուպրիկը կարճ ձեւով անուանել՝ Պեթի: Պեթին հայ չէր: Տարիներ առաջ Անահիտի հօրեղբայրը գործուղղուեցաւ Գերմանիա:

Գոհունակութեամբ վերահասու կ՚ըլլանք, թէ մեր համակրելի մեներգչուհիներէն Մարալ Այվազ այս շաբաթավերջին պիտի մասնակցի առցանց ձեռնարկի մը, որ պիտի մէկտեղէ աշխարհի զանազան երկիրներէն հայ երաժիշտներ։ Զանազան երկիրներէ աւելի քան քսան երաժիշտներու շարքին պիտի գտնուի Մարալ Այվազ, որուն պիտի նուագակցին՝ Արի Հերկել, Սեւան Ինեափան եւ Սեւան Կարապետեան։

Փոքրամասնութիւններու վաքըֆներու մատակարար մարմիններու առկախեալ ընտրութեան հարցը կը շարունակէ զբաղեցնել օրակարգը։ Վերջին շրջանին արձակուած դատավճիռներով պայմանաւորուած դրական սպասումներու մթնոլորտին մէջ, մեր համայնքէն ներս զանազան նախաձեռնութիւններ յառաջ կը տարուին այս հարցի յաղթահարման համար։

Ամերիկայի Միացեալ Նահանգներու նախագահ Ճօ Պայտըն եւ Ռուսաստանի նախագահ Վլատիմիր Փութին երէկ հանդիպում մը ունեցան Ժընեւի մէջ։ Ամբողջ աշխարհ մեծ հետաքրքրութեամբ կը սպասէր այս հանդիպման, որու ծիրէն ներս ծաւալուած քննարկումները տեւեցին շուրջ չորս ժամ։

Պէտք է համաձայնութիւն ըլլայ Ատրպէյճանի եւ Թուրքիոյ հետ, հարեւանները յաւերժ թշնամի չեն կրնար ըլլալ:
Լեւոն Տէր-Պետրոսեան կը շեշտէ, որ Լեռնային Ղարաբաղի հիմնախնդրի լուծումը այլեւս Հայաստանէն կախեալ չէ:

Հայաստանի Կեդրոնական դրամատան նախագահ Մարթին Գալստեան յայտարարեց, որ փոխանցումներու մեծ հոսք մը կը նկատուի դէպի երկիր։ Մասնաւորապէս այս առումով աշխուժութիւն մը խնդրոյ առարկայ է Ամերիկայի Միացեալ Նահանգներէն:

Հանրապետութեան նախագահ Ռեճեփ Թայյիպ Էրտողան երէկ Շուշիի մէջ բանակցութիւններ վարեց Ատրպէյճանի նախագահ Իլհամ Ալիեւի հետ։ Արցախի երկրորդ պատերազմէն վերջ նախագահ Էրտողան անգամ մը այցելած էր Ատրպէյճան, ուր Ալիեւի հետ մասնակցութիւն բերած էր Պաքուի մէջ կազմակերպուած յաղթանակի շքերթին։

Հայաստանի մէջ շաբաթավերջին նախատեսուած արտահերթ խորհրդարանական ընտրութեան ընդառաջ բանավէճ մը ծնունդ առած է վարչապետ Նիկոլ Փաշինեանի գլխաւորած իշխանութեան թեւին եւ Մայր Աթոռ Սուրբ Էջմիածնի միջեւ։ Իշխանափոխութենէն ի վեր անցած ժամանակահատուածին, դժբախտաբար, պետութիւն-եկեղեցի համագործակցութիւնը դուրս եկած է բնականոն հունէն։

ԵՐԱՄ

Հրապարակի կողքի փողոցէն կը քալէ դանդաղ ու ծանր քայլերով։ Ձեռքին պարապ դոյլ մը կայ։ Հիւղակի փոքր պարտէզէն քաղած վարունգը լեցուցեր տարեր է այս առտու քաղաքի կեդրոն, ու վաճառեր ամբողջովին։