Արխիւ

Երեւանի Ազատութեան հրապարակին վրայ դարձեալ տեղի ունեցաւ հանրահաւաք մը, հնչեցին բողոքներ:
Ընդդիմութիւնը Փաշինեանի հրաժարականին կը ձգտի՝ ակնկալելով, որ նոր բանակցող մը կրնայ մեղմացնել որոշ կորուստներ:

Լեռնային Ղարաբաղի վերջին լայնածաւալ պատերազմի ծանր հետեւանքներով պայմանաւորուած մթնոլորտին մէջ հայաշխարհէն հեղինակաւոր կերպարներ հանդէս կու գան բուռն հակազդեցութեամբ։ Այս ամբողջին մէջ երէկ ուշագրաւ յայտարարութիւնով մը հանդէս եկաւ Արցախի նախկին պաշտպանութեան նախարարներէն Սամուէլ Պապայեան, որ վերջին շրջանին կը վարէր Ազգային անվտանգութեան խորհուրդի քարտուղարի պաշտօնը։

Հայաստանի ներքին քաղաքական կեանքի կայունացման որոնումները յառաջ կը տարուին՝ Երեւանի բազմամարդ հանրահաւաքներու ու երթերու զուգահեռ:
Լեռնային Ղարաբաղի պատերազմին վերջ դրած հրադադարի ծանր համաձայնութեան պայմաններուն ներքեւ հայկական աշխարհը բազում հարցականներու պատասխանին հետամուտ:

ՆՈՐԱ ԲԱՐՍԵՂԵԱՆ

Արցունքներս կոկորդիս մէջ խեղդեցի յաճախ, երբ կարդացի անուններու երկար ցանկերը այն մատղաշ կեանքերուն, որոնք երկվայրկեանի մը մէջ ընդհատուեցան արցախեան սահմաններուն պահպանման ի խնդիր…
Արցունքներս անխօս թրջեցին բարձս, երբ ստիպուած եղայ հաւատալ, որ նահատակներուն կարգին իմ հին, թանկագին ու լաւ բարեկամիս՝ Գէորգին անունն ալ արձանագրուեցաւ՝ իր իսկ արեամբ…

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

ՈՊՆԻԱԶ. (ԵԶԵԿ. ԻԷ 15)։ Այս փայտը մեծապէս յարգի է իր գոյնին եւ կարծրութեան համար։ Արեւելքի եւ մանաւանդ Սէյլան կղզիին մէջ մեծ առատութեամբ բուսնող տեսակ մը արմաւենիի միջին կարծր մասն է այս։

Լեռնային Ղարաբաղի պատերազմի հրադադարի յայտարարութեան զուգահեռ Ռուսաստանի խաղաղապահ զօրքը արդէն կը տեղակայուի հակամարտութեան տարածքաշրջանէն ներս։ Ռուսաստանի Ընդհանուր սպայակոյտի նախագահութիւնը երէկ հաղորդեց, որ ռուս զինուորականները արդէն վերահսկողութիւն հաստատած են Լաչինի միջանցքէն ներս։

Լեռնային Ղարաբաղի ռազմաճակատին վրայ հայկական կողմի կրած պարտութիւնը զանազան մեկնաբանութիւններու դուռ բացած է։ «ՌԻԱ Նովոստի» գործակալութիւնը երէկ հրապարակեց վերլուծութիւն մը, ըստ որու վարչապետ Նիկոլ Փաշինեան թէեւ կը ձգտէր երկիրը տանիլ դէպի Եւրոպա, սակայն տարաւ սխալ տեղ մը եւ իր աշխատանքը յանգեցուց Հայաստանի ծանր պարտութեան։

Ռազմաճակատի ծանր ձախողումէն վերջ, հայութիւնը ստիպողութեան դէմ յանդիման՝ համակերպելու համար այն իրողութեան, թէ Լեռնային Ղարաբաղի Հանրապետութիւնը այլեւս գործնականօրէն գոյութիւն չունի: Արցախի եւ յարակից շրջաններու ժողովուրդը գաղթի ճանապարհը բռնած է: Եկեղեցիներէն եւ վանական համալիրներէն դուրս կը բերուին ամենասուրբ մասունքներն ու նուիրական արժէքները. գործընթացը կը համակարգէ Մայր Աթոռ Սուրբ Էջմիածինը:
Երեւանի մէջ պոռթկում եւ հանրահաւաք:
Հայաստանի ներքին քաղաքական ցնցումը արգելք կը հանդիսանայ անցումը կազմակերպելու: Հանրութիւնը կը պահանջէ կառավարութեան հրաժարումը: Փաշինեանի վարչախումբը կը յամառի պահել իշխանութիւնը: Ընդդիմութիւնը առկայ մթնոլորտը կը վերածէ մօտաւոր անցեալի յեղափոխութեան հաշուեյարդարի: Անորոշութեան հաւանական հետեւանքները կը մտահոգեն աչալուրջ շրջանակները:

Յ. ՊԱԼԵԱՆ

Քորոնաժահրի պարտադրած մեկուսացումը կը շարունակուի: Դիզուած գիրքերու մէջէն յայտնուեցան «Դրօշակ»ի հին թիւեր: Ինչե՜ր կան անոնց մէջ: Կարեւորի կողքին՝ հետաքրքրականը: Ապրիլ 1907-ի համարի վերջին էջին վրայ ծանուցում. Հայ յեղափոխական դաշնակցութեան հրատարակութիւնները: