Արխիւ

Ռազմաճակատի ծանր ձախողումէն վերջ, հայութիւնը ստիպողութեան դէմ յանդիման՝ համակերպելու համար այն իրողութեան, թէ Լեռնային Ղարաբաղի Հանրապետութիւնը այլեւս գործնականօրէն գոյութիւն չունի: Արցախի եւ յարակից շրջաններու ժողովուրդը գաղթի ճանապարհը բռնած է: Եկեղեցիներէն եւ վանական համալիրներէն դուրս կը բերուին ամենասուրբ մասունքներն ու նուիրական արժէքները. գործընթացը կը համակարգէ Մայր Աթոռ Սուրբ Էջմիածինը:
Երեւանի մէջ պոռթկում եւ հանրահաւաք:
Հայաստանի ներքին քաղաքական ցնցումը արգելք կը հանդիսանայ անցումը կազմակերպելու: Հանրութիւնը կը պահանջէ կառավարութեան հրաժարումը: Փաշինեանի վարչախումբը կը յամառի պահել իշխանութիւնը: Ընդդիմութիւնը առկայ մթնոլորտը կը վերածէ մօտաւոր անցեալի յեղափոխութեան հաշուեյարդարի: Անորոշութեան հաւանական հետեւանքները կը մտահոգեն աչալուրջ շրջանակները:

Սիմֆերոփոլի օդանաւակայանին մէջ տեղի ունեցած է հայ մեծանուն ծովանկարիչ Յովհաննէս Այվազովսքիի կիսանդրիի բացման արարողութիւնը: Հանդիսաւոր արարողութիւնը հեռարձակուած է «Ղրիմ 24» հեռուստաալիքի եթերէն:

Հայկական բարեգործական ընդհանուր միութիւնը (ՀԲԸՄ) հայաշխարհէ ներս ստեղծուած ծանր կացութեան զուգահեռ երէկ հանդէս եկաւ զգաստութեան, արիութեան եւ միասնականութեան կոչով մը։ Ստորեւ կը ներկայացնենք ՀԲԸՄ-ի Կեդրոնական վարչութեան Նիւ Եորքի աղբիւրներուն կողմէ հրապարակուած այս կոչին բնագիրը։

Ռուսաստանի միջնորդութեամբ, Լեռնային Ղարաբաղի հակամարտութեան գօտիէն ներս հրադադարի հաստատման համար Հայաստանի եւ Ատրպէյճանի միջեւ գոյացած հրադադարի համաձայնութեան արձագանգները կը շարունակուին։ Մոսկուայի աշխոյժ դերակատարութեամբ եւ Անգարայի ակնյայտ ազդեցութեամբ ստորագրուած այս փաստաթուղթը բոլոր հարթութիւններու վրայ ուշադրութեան արժանացած է։

Նիկոլ Փաշինեանի իշխանութեան տեսակէտէ երկիրը ղեկավարելու հնարաւորութիւնը հետզհետէ կը նուազի: Երեւանի մէջ ընդդիմութիւնը այսօր հանրահաւաք մը կը կազմակերպէ Ազատութեան հրապարակին վրայ: Աչալուրջ շրջանակները կ՚ընդգծեն ցնցումներէ խուսափելու՝ մանաւանդ ներքին բախումներէ հեռու մնալու հրամայականը: Լեռնային Ղարաբաղի պատերազմի կասեցման համար ստորագրուած հրադադարի համաձայնութեան ծանր պայմանները Հայաստանի մէջ ծնունդ տուին քաղաքական անխուսափելի տագնապի մը:

Այսօր՝ նոյեմբերի 11-ին կը նշուի ծննդեան տարեդարձը բժշկագիտական մտիք հայ հսկային՝ Մխիթար Հերացիի, որ հայ ժողովուրդի հանճարեղ ծնունդներու համաստեղութեան մէջ իր ճառագայթող տեղն ու արժէքը ունի։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

ԽՆՁՈՐ. Թերեւս այս անունով կը հասկցուի սերկեւիլ կամ կիտրոն որ ոսկեգոյն պտուղ է. (ԱՌԱԿ. ԻԵ 11), (ՅՈՎԵԼ. Ա 12), (ԵՐԳ. Բ 3-5, Է 8)։

Գրաբարէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Հարցում. Պէ՞տք է Քրիստոսին մարգարէ ըսել, թէ ոչ:
Պատասխան. Պարզաբար մարգարէ չենք ըսեր Քրիստոսին, այլ՝ բաղդատաբար, ուստի յայտնի է, անոնք որոնք հաւատքը կատարեալ կերպով ունէին, կ՚ըսէին՝ սա՛ է Քրիստոսը, իսկ անկատար հաւատք ունեցողները կ՚ըսէին՝ ճշմարիտ մարգարէն է:

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Ստորեւ կը շարունակենք Սուրբ Գիրքի մէջ յիշուած զանազան բոյսերը ներկայացնել։
ԵՂԷԳ. (Գամըշ. «roseau»). Բարձր տունկ է սրածայր տերեւներով եւ երկայն եւ բազմայօդ ծղօտներէ՝ բոյսին եգէգնիկը՝ շիտակ կամ ծիլի պէս յօդ յօդներէ բաղկացեալ. կը բուսնի գետերու, առուներու եզերքը եւ ուրիշ խոնաւ տեղեր։