ՎԵՀԱՓԱՌ ՀԱՅՐԱՊԵՏԸ ՀԻՒՐԸՆԿԱԼԵՑ ՆԱՀԱՏԱԿ ԶԻՆՈՒՈՐՆԵՐՈՒ ԸՆՏԱՆԻՔՆԵՐԸ

Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սը ե­րէկ Մայր Ա­թոռ Սուրբ Էջ­միած­նի մէջ հիւ­րըն­կա­լեց Հա­յաս­տա­նի սահ­մա­նա­մերձ Տա­ւու­շի մար­զի Բեր­դի տա­րած­քաշր­ջա­նի հա­մայնք­նե­րու նա­հա­տա­կեալ զի­նուոր­նե­րու ըն­տա­նիք­նե­րը։ Խում­բը գլխա­ւո­րեց Տա­ւու­շի Թե­մա­կալ Ա­ռաջ­նորդ Տ. Բագ­րատ Եպսկ. Գալս­տա­նեան, ո­րու կող­քին էին Բեր­դի տա­րած­քաշր­ջա­նի հո­գե­ւոր հո­վիւ­նե­րը։

Հան­դիպ­ման սկիզ­բին ա­ռաջ­նորդ Սրբա­զան Հայ­րը յա­նուն տա­ւուշ­ցի­նե­րուն Վե­հա­փառ Հայ­րա­պե­տը շնոր­հա­ւո­րեց Ա­մա­նո­րի եւ Ս. Ծննդեան տօ­նե­րուն առ­թիւ։ Նո­րին Սրբազ­նու­թիւ­նը Վե­հա­փառ Հայ­րա­պե­տին մաղ­թեց քա­ջա­ռո­ղու­թիւն, եր­կար տա­րի­նե­րու կեանք ու բե­ղուն գոր­ծու­նէու­թիւն։ Տա­ւու­շի թե­մի ա­ռաջ­նոր­դը նաեւ Նո­րին Սրբու­թեան յայտ­նեց իր խո­րին ե­րախ­տա­գի­տու­թիւ­նը՝ Տա­ւու­շի սահ­մա­նա­պահ ժո­ղո­վուր­դին նկատ­մամբ ցու­ցա­բե­րուած ա­ռանձ­նա­յա­տուկ ու­շադ­րու­թեան հա­մար։

Ա­ւե­լի վերջ թի­ւով 19 մայ­րե­րուն եւ 39 ե­րի­տա­սարդ ու պա­տա­նի­նե­րուն հայ­րա­պե­տա­կան իր օրհ­նու­թիւ­նը տուաւ Ա­մե­նայն Հա­յոց Կա­թո­ղի­կո­սը՝ փո­խան­ցե­լով բո­լո­րին Տէր Յի­սուս Քրիս­տո­սի Ս. Ծննդեան կեն­դա­նա­րար ա­ւե­տի­սը։

Վե­հա­փառ Հայ­րա­պե­տը վստա­հու­թեամբ ընդգ­ծեց, որ այս այ­ցե­լու­թիւ­նը իր անջն­ջե­լի դրոշ­մը պի­տի թո­ղու Մայր Ա­թոռ ժա­մա­նած պա­տա­նի տա­ւուշ­ցի­նե­րու հո­գիին մէջ եւ շնոր­հիւ ի­րենց հո­գե­ւոր հո­վիւ­նե­րու գոր­ծու­նէու­թեան ա­նոնք հա­ղորդ պի­տի դառ­նան Սուրբ Էջ­միած­նի խոր­հուր­դին մէջ ամ­փո­փուած ար­ժէք­նե­րուն, ո­րոնց­մով ո­գեշն­չուած են ի­րենց հայ­րե­րը եւ այ­սու­հե­տեւ եւս պի­տի ո­գեշն­չուին հա­յոց ազ­գի զա­ւակ­նե­րը։

Վե­հա­փառ Հայ­րա­պե­տը մա­նուկ­նե­րուն եւ պա­տա­նի­նե­րուն պատ­գա­մեց՝ ի­րա­գոր­ծո­ղը ըլ­լալ այն իղ­ձե­րուն եւ փա­փաք­նե­րուն, զորս ի­րենց ծննդեան ա­ռա­ջին իսկ օ­րէն ու­նե­ցած են ի­րենց մայ­րե­րը եւ հայ­րե­նի­քի խա­ղա­ղու­թեան հա­մար ի­րենց կեան­քը ըն­ծա­յած հայ­րե­րը։ Ան նշեց, որ ա­նոնց քա­ջա­րի ո­գին կեան­քի ամ­բողջ ըն­թաց­քին ու­ղե­կից պի­տի ըլ­լայ ի­րենց զա­ւակ­նե­րուն։ «Քա­ջե­րու որ­դի­նե­րը քա­ջեր են՝ կ՚ը­սէ մեր ժո­ղո­վուր­դը։ Դուք այդ քա­ջա­զուն ո­գին կը կրէք ձեր մէջ՝ ապ­րե­լով սահ­մա­նա­մերձ գիւ­ղե­րուն մէջ եւ ձեր կեան­քով ա­մուր ու ա­նա­ռիկ պա­հե­լով մեր սահ­ման­նե­րը հաս­տա­տուն եւ ան­սա­սան՝ մեր երկ­րի խա­ղա­ղու­թիւ­նը», ը­սաւ Նո­րին Սրբու­թիւ­նը՝ մաղ­թե­լով, որ մշտա­պէս ապ­րին Աս­տու­ծոյ օրհ­նու­թեան եւ պահ­պա­նու­թեան ներ­քեւ։

Հան­դիպ­ման ըն­թաց­քին Վե­հա­փառ Հայ­րա­պե­տը իր գնա­հա­տան­քը յայտ­նեց Թե­մա­կալ Ա­ռաջ­նորդ Տ. Բագ­րատ Եպսկ. Գալս­տա­նեա­նին, թե­մի հո­գե­ւոր սպա­սա­ւոր­նե­րուն եւ այս այ­ցե­լու­թեան կազ­մա­կեր­պիչ­նե­րուն նկատ­մամբ։ Նո­րին Սրբու­թիւ­նը հայ­ցեց, որ Երկ­նա­ւոր Տէ­րը իր բա­րի հա­յեաց­քի տակ պա­հէ Հա­յաս­տան աշ­խար­հը եւ մեր ժո­ղո­վուր­դի աս­տուա­ծա­սէր զա­ւակ­նե­րը։

Վեր­ջա­ւո­րու­թեան ե­րի­տա­սարդ­նե­րը ա­նակն­կալ մա­տու­ցե­ցին Վե­հա­փառ Հայ­րա­պե­տին՝ ըն­ծա­յե­լով ի­րենց ձե­ռա­գործ աշ­խա­տան­քը, ինչ­պէս նաեւ հան­դէս ե­կան աս­մունք­նե­րով եւ ժո­ղովր­դա­կան եր­գե­րու կա­տա­րում­նե­րով։ Իր հեր­թին, Նո­րին Սրբու­թիւնն ալ նուէր­ներ յանձ­նեց փոք­րիկ­նե­րուն։ Մայր Ա­թոռ Սուրբ Էջ­միա­ծի­նը յա­ռա­ջի­կայ ամ­րան ա­նոնց հա­մար պի­տի կազ­մա­կեր­պէ նաեւ ուխ­տագ­նա­ցու­թիւն մը։

Ըն­դու­նե­լու­թեան մաս­նա­կից­նե­րը Վե­հա­փառ Հայ­րա­պե­տէն հրա­ժեշտ առ­նե­լէ վերջ շրջայց մը կա­տա­րե­ցին մայ­րա­վան­քի հա­մա­լի­րէն ներս, ա­ղօ­թե­ցին Մայր Տա­ճա­րի մէջ ու մա­նա­ւանդ տե­սան թան­գա­րան­ներն ու միւս յա­րա­կից կա­ռոյց­նե­րը։

Զո­հուած զի­նուոր­նե­րու ըն­տա­նիք­նե­րը Ե­րե­ւա­նի մէջ եւս այ­ցե­լե­ցին հո­գե­ւոր-մշա­կու­թա­յին զա­նա­զան հաս­տա­տու­թիւն­ներ։ Մա­նուկ­նե­րուն հա­մար նա­խա­տե­սուած էր տօ­նա­կան հան­դէս մը։