ՄԱՅՐ ԱԹՈՌԻ ՄԷՋ ՀԻՒՐԵՐ

Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սը նա­խըն­թաց օր Մայր Ա­թոռ Սուրբ Էջ­միած­նի մէջ հիւ­րըն­կա­լեց Եւ­րո­խոր­հուր­դի «Ժո­ղովր­դա­վա­րու­թիւն՝ ի­րա­ւուն­քի մի­ջո­ցաւ» յանձ­նա­խում­բի ներ­կա­յա­ցու­ցիչ­նե­րը։ Ինչ­պէս ծա­նօթ է, Վե­նե­տի­կի յանձ­նա­ժո­ղով ա­նուա­նու­մով ծա­նօթ այս կա­ռոյ­ցին ներ­կա­յա­ցու­ցիչ­նե­րը վեր­ջին օ­րե­րուն շփում­ներ ու­նե­ցան Հա­յաս­տա­նի մէջ։ Այս շրջագ­ծով ա­նոնք այ­ցե­լե­ցին նաեւ Մայր Ա­թոռ Սուրբ Էջ­միա­ծին, ու­ղեկ­ցու­թեամբ Հա­յաս­տա­նի Սահ­մա­նադ­րա­կան ա­տեա­նի նա­խա­գահ Գա­գիկ Յա­րու­թիւ­նեա­նի։

Ող­ջու­նե­լով Վե­նե­տի­կի յանձ­նա­ժո­ղո­վի ներ­կա­յա­ցու­ցիչ­նե­րուն այ­ցե­լու­թիւ­նը՝ Վե­հա­փառ Հայ­րա­պե­տը անդ­րա­դար­ձաւ հայ ժո­ղո­վուր­դի կեան­քէն ներս Հա­յոց Ե­կե­ղեց­ւոյ եւ Մայր Ա­թոռ Սուրբ Էջ­միած­նի ու­նե­ցած հո­գե­ւոր եւ ազ­գա­պահ­պան կա­րե­ւոր ա­ռա­քե­լու­թեան։ Ան ներ­կա­յա­ցուց Հա­յաս­տա­նի ան­կա­խու­թեան պայ­ման­նե­րուն ներ­քեւ ե­կե­ղեց­ւոյ կող­մէ ծա­ւա­լուած հո­գե­ւոր կրթա­դաս­տիա­րակ­չա­կան գոր­ծու­նէու­թիւ­նը։

Ի դէմս հիւ­րե­րուն Նո­րին Սրբու­թիւ­նը գնա­հա­տանք յայտ­նեց Վե­նե­տի­կի յանձ­նա­ժո­ղո­վին՝ օ­րէն­քե­րու մշակ­ման գոր­ծին մէջ Հա­յաս­տա­նի Հան­րա­պե­տու­թեան ցու­ցա­բե­րուած ա­ջակ­ցու­թեան եւ տրուած խոր­հուրդ­նե­րուն հա­մար։ Այս կա­պակ­ցու­թեամբ Վե­հա­փառ Հայ­րա­պե­տը վստա­հու­թեամբ ընդգ­ծեց, որ յանձ­նա­ժո­ղո­վի ներ­կա­յա­ցու­ցիչ­նե­րուն Հա­յաս­տան այ­ցը պի­տի նպաս­տէ լա­ւա­գոյնս հասկ­նա­լու երկ­րի ժո­ղո­վուր­դին մտա­ծե­լա­կեր­պը, մշա­կոյ­թը եւ քրիս­տո­նէա­կան ար­ժէք­նե­րու վրայ խարս­խուած ար­ժե­հա­մա­կար­գը։

Իր կար­գին, Գա­գիկ Յա­րու­թիւ­նեան ներ­կա­յա­ցուց Հա­յաս­տա­նի Սահ­մա­նադ­րու­թեան փո­փո­խու­թիւն­նե­րու նա­խագ­ծի մշակ­ման գոր­ծըն­թա­ցը եւ այ­ցե­լու­թեան օ­րե­րուն յանձ­նա­խում­բի ներ­կա­յա­ցու­ցիչ­նե­րուն հետ կա­տա­րուած աշ­խա­տան­քը։ Ան մաս­նա­ւո­րա­պէս ընդգ­ծեց, որ ար­դէն հան­րա­յին քննարկ­ման ներ­կա­յա­ցուած նա­խա­գի­ծը ի­րա­ւա­կան, ժո­ղովր­դա­վա­րա­կան պե­տու­թեան մը կա­յուն սահ­մա­նադ­րու­թեան նա­խադ­րեալ­նե­րը կը ստեղ­ծէ։

Հան­դիպ­ման ըն­թաց­քին անդ­րա­դարձ կա­տա­րուե­ցաւ նաեւ Հա­յաս­տա­նի մէջ կրօ­նա­կան ա­զա­տու­թիւն­նե­րուն, ե­կե­ղե­ցի-պե­տու­թիւն յա­րա­բե­րու­թիւն­նե­րուն։ Զրու­ցա­կից­նե­րը կա­րե­ւո­րու­թեամբ ընդգ­ծե­ցին ե­կե­ղեց­ւոյ դե­րա­կա­տա­րու­թիւ­նը հա­սա­րա­կու­թեան կեան­քէն ներս խա­ղա­ղու­թեան եւ հա­մե­րաշ­խու­թեան պահ­պան­ման, ինչ­պէս նաեւ ժո­ղովր­դա­վա­րա­կան ար­ժէք­նե­րու ամ­րապնդ­ման ուղ­ղու­թեամբ։