ՏՕՆԱԿԱՆ ՇՔԵՂ ՀԱՒԱՔ

Գա­րա­կէօ­զեան Տան Գնա­լը կղզիի Կազ­դուր­ման կա­յա­նի սա­նե­րը ե­րէկ խան­դա­վառ օր մը ապ­րե­ցան Մեծ կղզիի մէջ՝ պտոյ­տով ու հա­ճե­լի ժա­ման­ցով։ Ս. Աս­տուա­ծած­նի տա­ղա­ւա­րին ըն­դա­ռաջ տե­ղա­ցի հա­յե­րը կազ­մա­կեր­պե­ցին շատ ջերմ մթնո­լոր­տով ան­մո­ռա­նա­լի հիւ­րա­սի­րու­թիւն մը։ Կա­յա­նի տղոց տե­սա­կէ­տէ սա բա­ռին բուն ի­մաս­տով տօ­նա­կան շքեղ հա­ւաք մը հան­դի­սա­ցաւ։

Ա­ռա­ւօ­տուն կա­յա­նի տղա­քը յա­տուկ մա­կոյ­կով մը Գնա­լը կղզիէն ու­ղե­ւո­րուե­ցան դէ­պի Մեծ կղզի։ Խում­բը կը վե­րահս­կէին տնօ­րէ­նու­հի Թա­մար Ներ­կիզ եւ հսկիչ­նե­րը։ Մեծ կղզի հաս­նե­լէ վերջ տղա­քը ձիա­կառ­քե­րով ա­ռաջ­նոր­դուե­ցան տեղ­ւոյն Կա­պոյտ ա­կում­բը, ուր օ­րուան ըն­թաց­քին միաս­նա­բար զուար­ճա­ցան, ճա­շե­ցին, խա­ղա­ցին, նաեւ վա­յե­լե­ցին բնու­թեան գե­ղեց­կու­թիւն­նե­րը։

Մեծ կղզիի հա­յու­թե­նէն հիւ­րըն­կալ յանձ­նա­խում­բին մէջ էին՝ Սել­մա եւ Պերճ Իս­քէն­տէ­րէօզ,  Սե­դա եւ Ա­րա Սու­նէր, Սի­րա­նոյշ Ճա­նէլ, Ար­փի Կան­զէ, Ան­նա Ու­լուք, Կիւ­լի­զար Ար­թուչ եւ Ժիլ­տա Մեն­զիլ­ճեան։

Յետ­մի­ջօ­րէին տղա­քը նոյն մաս­նա­ւոր մա­կոյ­կով բռնե­ցին վե­րա­դար­ձի ճա­նա­պար­հը ու վառ տպա­ւո­րու­թիւն­նե­րով հա­սան Կազ­դուր­ման կա­յան։