ՀԱՆԳԻՍՏ՝ Տ. ԳԱՐԵԳԻՆ ԱՐՔԵՊԻՍԿՈՊՈՍԻ ՊԷՔՃԵԱՆ

Յիսունեւիննամեայ ժամանակաւ սպասաւորեալ Հայաստանեայց Առաքելական Սրբոյ Եկեղեցւոյ, երբեմնի քարոզիչն սուրբ եկեղեցեաց Ստանպոլայ, հոգեւոր հովիւն Սուրբ Կարապետ եւ Սրբոց Թարգմանչաց եկեղեցեաց Մարսէյլ քաղաքի, որ ի Ֆրանսա, բազմամեայ առաջնորդն Գերմանիոյ տիրախնամ թեմի,  հուսկ՝ ընտրեալ տեղապահն Պատրիարքութեանս Հայոց Թուրքիոյ, պատուեալ ի Մայր Աթոռէ շքանշանիւ յանուն Սրբոյն Ներսիսի Շնորհալւոյն, երիցագոյն եպիսկոպոսն Աթոռոյս մերում, փոխեցաւ առ Աստուած ի յոյս կենացն յաւիտենից ընդ հովանեաւ Սուրբ Փրկիչ Հիւանդանոցի Ազգիս Հայոց յամին 2024, ի21ն Նոյեմբերի յաւուրն Հինգշաբթւոյ, ի ժամուս վաղ առաւօտեան, յետ կարճատեւ հիւանդութեան։ Կամք Տեառն օրհնեալ եղիցի։

Մատչի Սուրբ եւ Անմահ Պատարագ յաւուրն Երեքշաբթւոյ, ի 26ն Նոյեմբերի, ի ժամ 10.00-ի եւ կատարի վերջին օծումն նորին յԱթոռանիստ Մայր յԵկեղեցւոջ յանուն Սրբուհւոյ Աստուածածնի, Գումգաբու թաղի քաղաքիս եւ ամփոփի մարմինն ի գերեզմանատանն որ ի Շիշլի, ի թաղի կուսակրօն հոգեւորականաց։

Տէր լուսաւորեսցէ զհոգի վախճանեալ սպասաւորին իւրոյ, տացէ մխիթարութիւն զաւակաց Եկեղեցւոյ իւրում եւ յարուսցէ այլ մշակս ի հունձս իւր։

ՊԱՏՐԻԱՐՔՈՒԹԻՒՆ ՀԱՅՈՑ ԹՈՒՐՔԻՈՅ

22 նո­յեմ­բեր 2024
14839