ՖԷՐԻԳԻՒՂԻ ՄԷՐԱՄԷԹՃԵԱՆ ՎԱՐԺԱՐԱՆԻՆ ՄԷՋ ՏԱՐԵՎԵՐՋԻ ՀԱՆԴԷՍ

Ֆէրիգիւղի Մէրամէթճեան վարժարանին մէջ 2023-2024 կրթական տարեշրջանը եզրափակուեցաւ խանդավառ մթնոլորտով։ Ուսումնական տարեշրջանի աւարտին դպրոցին մէջ տեղի ունեցաւ հանդէս մը, որու յայտագիրը գործադրուեցաւ բարձր տրամադրութեան պայմաններու ներքեւ։ Տղաքը զանազան ելոյթներով արժանացան ծափահարութիւններու։ Հանդէսի յայտագիրը ճոխ էր՝ երաժշտութենէ սկսեալ, մինչեւ մարմնամարզ։ Հուսկ, ջերմ ծափահարութիւններու մթնոլորտին մէջ բոլորը հրաժեշտ առին դպրոցէն՝ ժամադրուելով նոր կրթական շրջանի սկիզբին համար։ 

Երեքշաբթի, Յունիս 25, 2024