«Դժուար է կան­խա­տե­սել Հա­լէ­պի ա­պա­գան»

-Ի՞նչ ի­րա­վի­ճակ կը տի­րէ այժմ Հա­լէ­պի մէջ:

-Հա­լէպ կ­­՚ապ­րի կեն­ցա­ղա­յին, ըն­կե­րա­յին եւ մշա­կու­թա­յին շատ ծանր պայ­ման­նե­րու մէջ:

Բնակ­չու­թիւ­նը զրկուած է ե­լեկտ­րա­կան հո­սան­քէ, ջու­րի մա­տա­կա­րա­րու­մէ եւ այլ կեն­ցա­ղա­յին հիմ­նա­կան պա­հանջ­նե­րէ:

Ըն­տա­նի­քի մը ամ­սա­կան ե­կա­մու­տը խո­տոր կը հա­մե­մա­տի տի­րող սղա­ճին հետ, մա­նա­ւանդ ա­րուես­տա­գէ­տի հա­մար, ո­րուն միակ ե­կա­մու­տը կը կա­յա­նայ իր մշա­կու­թա­յին գոր­ծու­նէու­թե­նէն: Պաշ­տօ­նեան՝ կա­խեալ է գոր­ծա­տի­րոջ շնոր­հած խեղ­ճուկ ամ­սա­կա­նէն, որ նոյն­պէս խո­տոր կը հա­մե­մա­տի իր հա­մեստ ապ­րուս­տին հետ ան­գամ, իսկ գոր­ծա­ւո­րը ար­դէն սպա­ռած է ի­րեն հա­սա­նե­լի շաբ­թա­կա­նը նախ­քան ստա­նա­լը:

-Ձեր մշա­կու­թա­յին գոր­ծու­նէու­թեան մա­սին քա­նի մը տող:

-1970 թուա­կա­նէն մին­չեւ երկ­րի քա­ղա­քա­կան վի­ճա­կի ան­կու­մը, ի­րա­կա­նա­ցու­ցած եմ 130-է ա­ւե­լի բե­մադ­րու­թիւն­ներ: Ար­ժա­նա­ցած եմ պե­տա­կան հաս­տա­տու­թիւն­նե­րէ, նաեւ հայ­կա­կան եւ ա­րա­բա­կան միու­թիւն­նե­րէ մե­տայլ­նե­րու եւ վա­հա­նակ­նե­րու: Աշ­խա­տած եմ Հա­լէ­պի գրե­թէ բո­լոր թա­տե­րա­խում­բե­րու հետ: Հինգ տա­րիէ ի վեր մատ­նուած եմ ան­գոր­ծու­թեան: Կ՚ապ­րիմ խեղ­ճուկ թո­շա­կով եւ ...:

-Կը կար­ծէ՞ք, որ պա­տե­րազ­մէն վերջ հա­յու­թիւ­նը պի­տի կա­րե­նայ վե­րա­կանգ­նել Հա­լէ­պի հայ­կա­կան գա­ղու­թը:

-Դժուար է կան­խա­տե­սել Հա­լէ­պի ա­պա­գան, բայց վստահ եմ, որ հա­յու­թիւ­նը կը վե­րա­կանգ­նէ իր սի­րե­լի գաղ­թօ­ճախն ու ազ­գա­յին մշա­կոյ­թը: Բայց, թէ ի՛նչ­պի­սի եւ ի՛նչ մա­կար­դա­կով.... Այդ ցոյց պի­տի տայ ժա­մա­նա­կը:

-Ինչ­պի­սի՞ ծրագ­րեր ու­նիք այժմ Հա­լէ­պի մէջ թատ­րո­նի հետ կապուած:

-Միու­թիւն­նե­րը կ­­՚ու­զեն պա­հել եւ շա­րու­նա­կել ան­ցեա­լի ի­րենց ու­նե­ցած ու ցարդ պա­հուած մշա­կու­թա­յին ա­ւանդ­նե­րը եւ ա­նոնց կար­գին նաեւ բա­րե­րա­կան գոր­ծու­նէու­թիւ­նը: Սա­կայն յա­ռա­ջի­կա­յի ծրա­գիր­նե­րը կա­եալ են մշա­կու­թա­յին միու­թիւն­նե­րէ, ո­րո­վե­տեւ ի­րենք են որ կ­­՚ո­րո­շեն բե­մադ­րուե­լիք փիէս­նե­րը: Շատ քիչ պա­րա­գա­յի է, որ կ՚առ­նեն բե­մադ­րիչ­նե­րու կար­ծիք­նե­րը:

-Ծանր վի­ճակ­նե­րէ ան­ցաք։ Ին­չո՞ւ չլքե­ցիք Հա­լէ­պը:

-Դի­մած եմ գաղ­թե­լու հա­մար Գա­նա­տա։ Կը սպա­սեմ դես­պա­նա­տան պա­տաս­խա­նին: Դի­մած եմ այդ քայ­լին, ո­րով­հե­տեւ այ­լեւս ի վի­ճա­կի չեմ հո­գա­լու ապ­րուստս:

-Կը հե­տե­ւի՞ք Հա­յաս­տա­նի մէջ տե­ղի ու­նե­ցող ի­րա­դարձ­րու­թիւն­նե­րուն, ե­թէ ա­յո, ա­պա ի՞նչ ան­կիւ­նէ կը դի­տէք տե­ղի ու­նե­ցած­նե­րը:

-Ե­թէ ե­լեկտ­րա­կան հո­սանք ըլ­լար, կ­­՚աշ­խա­տէի հե­տե­ւիլ, սա­կայն միշտ չէ, որ կը յա­ջո­ղէի.... իսկ կողմ­նա­կի, կի­սատ-պրատ լսած լու­րե­րու հի­ման վրայ կա­րե­լի չէ ճշգրտօ­րէն դիր­քո­րո­շուիլ հայ­րե­նի­քի մէջ տե­ղի ու­նե­ցած ի­րա­դարձ­րու­թիւն­նե­րու մա­սին եւ ա­նա­չառ կար­ծիք կազ­մել եւ ըստ այնմ եզ­րա­կա­ցու­թիւն­նե­րու յան­գիլ:

Բայց ցան­կա­լի է, որ հա­յը մնայ իր բարձր ար­ժա­նա­պա­տուու­թեան վրայ եւ քա­ղա­քա­կիրթ ժո­ղո­վուր­դի վա­յել մա­կար­դա­կով լու­ծէ իր քա­ղա­քա­կան վե­րի­վայ­րում­նե­րը՝ ի բա­րօ­րու­թիւն հա­մայն հայ ժո­ղո­վուր­դին:

Հար­ցազ­րոյ­ց՝ Ս. Ա.