Իսթանպուլահայ սանուց միութիւններուն եւ այլ ակումբներուն համատեղ նախաձեռնութեամբ կազմակերպուած եւ աւանդական դարձած Ոսկի աշնան խրախճանքը երէկ տեղի ունեցաւ Գատըգիւղի մէջ։ Այս տարուան Ոսկի աշնան խրախճանքի տանտէրն էր Արամեան սանուց միութիւնը։
ԱԼԵՔՍ ՍՐԿ. ԳԱԼԱՅՃԵԱՆ
Ծովը անհուն, անծայրածիր եւ խորունկ է։ Երբ բարիք ընես եւ ծովը թափես, այդ անսահմանութեան ու խորութեան մէջ ըրած բարիքդ օր մը կը վերադառնա՞յ քեզի կամ արդեօք կը կորսուի՞։ Անշահախնդրութեամբ կատարուած բարիքը անպայման կը վերադառնայ, եթէ նոյնիսկ չվերադառնայ, Աստուած կը վարձատրէ քեզ։
Գրեց՝ ԱՆՈՒՇ ԹՐՈՒԱՆՑ
Այս տարի յոբելենական է հայ մամուլին համար: Մինչ շաբաթներ առաջ կը նշուէր «Բազմավէպ»ի 175-ամեակը, հայագիտական եւ աստուածաբանական հանրութիւնը կը պատրաստուի ուրիշ յոբելեանի մը՝ Հայաստանի Հանրապետութեան տարածքին հրատարակուած առաջին պարբերականին՝ «Արարատ» հանդէսի հիմնադրման 150-ամեակին: Այդ առիթով յառաջիկայ դեկտեմբերին Մայր Աթոռ Սուրբ Էջմիածնի մէջ գիտաժողով մը նախատեսուած է՝ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի օրհնութեամբ եւ Սուրբ Էջմիածնի «Վաչէ եւ Թամար Մանուկեան» Մատենադարանի նախաձեռնութեամբ, «Մայր Աթոռի գիտական հսկան» խորագրով:
Գրեց՝ ԱՐԵՒԻԿ ՊԱՊԱՅԵԱՆ
Շուտով՝ նոյեմբերի 24-ին Թուրքիոյ մէջ պիտի նշուի կրթական մշակներու՝ ուսուցչաց տօնը։ Հայաստանի եւ աշխարհի շուրջ հարիւր երկիրներու մէջ կրթական մշակներու օրը կը նշուի հոկտեմբերի 5-ին՝ ԻՒՆԷՍՔՕ-ի կողմէ ընդունուած որոշման մը համաձայն։
Գրեց՝ ԱՆՈՒՇ ԹՐՈՒԱՆՑ
Հայկազեան համալսարանի Հայագիտական հանդէսի 38-րդ թիւի շնորհանդէսը Պէյրութի մէջ կատարելէ յետոյ հայկազեանցիները ուղեւորուեցան Հայաստան, ուր նախ Արցախի, ապա Երեւանի մէջ կատարեցին սփիւռքէ ներս լոյս տեսնող ծանրակշիռ այս հանդէսի շնորհանդէսը:
Վերջին օրերուն Արցախի մէջ նաեւ յուշագիր մը ստորագրուեցաւ Արցախի Պետական եւ Պէյրութի Հայկազեան համալսարաններուն միջեւ: Երկու համալսարաններու միջեւ գործակցութիւնը տարիներու պատմութիւն ունի, պարզապէս զայն տեղափոխուեցաւ պաշտօնական հարթութեան վրայ եւ արդէն կնքուած յուշագրով համատեղ գիտակրթական միջոցառումները, գիտական, հետազօտական նախագիծերը, դասախօսներու եւ ուսանողներու փոխայցերը կը շարունակուին աւելի կանոնաւոր կերպով:
ԱԼԵՔՍ ՍՐԿ. ԳԱԼԱՅՃԵԱՆ
«Իւրաքանչիւր հոգեւորական իր կեանքը ի սպաս կը դնէ Եկեղեցւոյ ծառայութեան, երբ ներքին ձայն մը զինք կը կանչէ։ Այդ ձայնը կոչումն է։ Հաւատքի այդ զգացողութեան գերագոյն պահը, երբ քրիստոնեայ մարդը իր մէջ այնքան զօրեղ կը զգայ ծառայելու զգացումը եւ կը հետեւի Քրիստոսի հրաւէրին, երբ Ան կը պատգամէ. «Վերցուր խաչդ եւ ինծի հետեւէ»։
ԱԼԵՔՍ ՍՐԿ. ԳԱԼԱՅՃԵԱՆ
«Ասկէ ետք կը հաւատանք՝ ո՛չ թէ քու խօսքիդ համար, այլ որովետեւ մենք անձամբ լսեցինք զինք եւ գիտենք թէ ճշմարտապէս ի՛նքն է աշխարհի Փրկիչը» (Յհ 4.42)
Յովհաննու աւետարանին մէջ տեղ գտած տուեալ խօսքը խումբ մը Սամարացիներու կողմէ արտաբերուած վկայաբանութիւնն է Քրիստոսի ուղղուած։ Խօսք մը, որ դարերու ընդերքէն շեշտակիօրէն կը կարեւորէ Քրիստոսի աստուածութիւնն ու մարդեղութիւնը միանգամայն։
Գրեց՝ ԱՆՈՒՇ ԹՐՈՒԱՆՑ
Թիֆլիզի հայկական հետքերը բազմաթիւ են: Ամէն քայլափոխի կարելի է հայկական պատմութեան մասնիկի մը հանդիպիլ այս հին քաղաքին մէջ, որ Վրաստանի Հանրապետութեան մայրաքաղաքն է, ուր հայկական մեծ համայնք մը կայ: Հայաստանի զբօսաշրջային ընկերութիւնները Թիֆլիզի հայկական վայրերը երթուղիներ կը կազմակերպեն եւ զբօսաշրջիկները կը ծանօթացնեն այն կառոյցներուն, վայրերուն, որոնք հայոց պատմութեան անբաժան մասը կը կազմեն:
Տեսակցեցաւ՝ ԱՐԵՒԻԿ ՊԱՊԱՅԵԱՆ
Այսօր աւա՜ղ, Արա Կիւլէրը ֆիզիքապէս կը բացակայի մեր շարքերէն։
90-ամեայ այս մեծանուն հայորդին, աշխարհահռչակ, առասպելական հանճարեղ հայը՝ ֆոթոլրագրութեան կնքահայրը, իր մահկանացուն կնքեց սոյն թուականի հոկտեմբերի 18-ին։
Տեսակցեցաւ՝ ԱՆՈՒՇ ԹՐՈՒԱՆՑ
Այս տարի լրացաւ Կարս ծնած եւ Խորհրդային Միութեան մէջ գործած նշանաւոր նկարիչի մը՝ Յովհաննէս Զարդարեանի ծննդեան 100-ամեակը: Հայաստանի Ազգային պատկերասրահին մէջ բացուեցաւ նկարիչին 100-ամեակին նուիրուած հրաշալի ցուցահանդէս մը, որ ամբողջական պատկերացում տուաւ Խորհրդային Միութեան տաղանդաւոր նկարիչին արուեստին մասին:
