Կրօնական ժողովի ատենապետ Տ. Արամ Արք. Աթէշեան երէկ գիշեր մեկնեցաւ Հայաստան՝ Իսթանպուլ-Երեւան ուղիղ չուերթով։ Իր կեցութեան օրերուն նորին սրբազնութիւնը պիտի նախագահէ Ս. Պսակի խորհրդակատարութեան մը, որ տեղի պիտի ունենայ Երեւանի Ս. Աննա եկեղեցւոյ մէջ։
Պատրիարքական տեղապահ Տ. Սահակ Եպսկ. Մաշալեան երէկ առաւօտ Գումգաբուի մէջ հիւրընկալեց Սկիւտարի Ս. Կարապետ եկեղեցւոյ թաղային խորհուրդի ներկայացուցիչները։ Ներկայ էր նաեւ հոգեւոր հովիւ Տ. Շահէն Քհնյ. Օհանեան։
Պաքըրգիւղի վերընտրեալ քաղաքապետ Պիւլենտ Քերիմօղլու յառաջիկայ շրջանին ալ պիտի տեւականացնէ մեր համայնքէն Յովհաննէս Կարապետեանի խորհրդականի պաշտօնը։ Անցեալ շրջանին Յովհաննէս Կարապետեան միեւնոյն ժամանակ կ՚անդամակցէր Պաքըրգիւղի քաղաքապետական խորհուրդին։
Տեղապահ Տ. Սահակ Եպսկ. Մաշալեան երէկ յետմիջօրէին նախագահեց Գումգաբուի մէջ կազմակերպուած համայնքային լայնախարիսխ խորհրդակցութեան, որուն մասնակցեցան Կրօնական ժողովի անդամներն ու թրքահայ հաստատութիւններու մատակարար մարմիններու ատենապետները կամ ներկայացուցիչները:
Պատրիարքական աթոռի 85-րդ գահակալի ընտրութեան գործընթացը յառաջ պիտի մղուի թէ՛ փորձառու եւ թէ երիտասարդ անդամներէ բաղկացեալ կազմի մը կողմէ: Ժողովականները էապէս կարեւորեցին կազմակերպչական աշխատանքներու անկողմնակալ եւ առարկայական մօտեցումով մը իրականացումը։
Անդրանիկ նիստին ու դիւանի կազմութեան զուգահեռ՝ շփումներ պիտի մշակուին պատկան իշխանութիւններուն հետ։ «Մեր աղօթքն է, որ այս կարեւոր գործը ի կատար ածուի», ըսաւ նորին սրբազնութիւնը։
Գնալը կղզիի Կազդուրման կայանի նախաձեռնութեամբ այս ամառ մասնաւոր հետաքրքրութիւն ցուցաբերուած է բնապահպանութեան։ Մասնաւորապէս տղաքը, ինչպէս նաեւ կղզեբնակները առաւել եւս զգուշացնելու նպատակաւ ի գործ դրուած են զանազան ծրագրեր։ Իւրաքանչիւր աշխատութիւն կը նպատակէ կանաչութեան կարեւորութիւնը շեշտել եւ մաքուր ու խնամեալ բնութեան ի նպաստ ծառայել։
Պատրիարքական տեղապահ Տ. Սահակ Եպսկ. Մաշալեան երէկ առաւօտեան ժամերուն ընդունեց Էսաեան սանուց միութեան «Մարալ» երգի-պարի համոյթի վարչայինները։ Այսպէս, տեղապահ ընտրուելուն առթիւ համոյթի գեղարուեստական ղեկավար Կարպիս Չափքան եւ պատասխանատուներէն Տիգրան Տիւլկէրեան եւ Տայք Միրիճանեան շնորհաւորութիւններ յղեցին նորին սրբազնութեան։
Գոհունակութեամբ վերահասու կ՚ըլլանք, որ մեր համայնքի արժէքաւոր երիտասարդներէն Սեւան Յարզուարթեան համալսարանէն վկայուած է որպէս ատամնաբոյժ։
Սեւան Յարզուարթեան ծնած է 1994 թուականին։
Տեղապահի ընտրութեան ժամանակ յառաջ քշուած պնդումներուն արձագանգները:
Տ. Պետրոս Քահանայ Պուլտուքեանի յայտարարութիւնները նոր հարթութեան վրայ կը դնեն հարցերը:
Պատրիարքական տեղապահ Տ. Սահակ Եպսկ. Մաշալեան երէկ այցելեց մայրաքաղաք Անգարա։ Նորին սրբազնութիւնը կիրակի երեկոյեան ցամաքային ճամբով Իսթանպուլէն մեկնեցաւ՝ ընկերակցութեամբ Տ. Շիրվան Քհնյ. Միւրզեանի։
Կրօնական ժողովի ատենապետ Տ. Արամ Արք. Աթէշեան երէկ Սկիւտարի Ս. Խաչ եկեղեցւոյ մէջ նախագահեց կիրակնօրեայ արարողութիւններուն եւ տուաւ օրուան պատգամը։ Օրուան Ս. Պատարագը մատոյց հոգեւոր հովիւ Տ. Յուսիկ Քհնյ. Հերկելեան։
