Թրքահայ կեանք

Պա­քըր­գիւ­ղի ըն­տա­նի­քը ներ­կայ կրթա­կան շրջա­նի եզ­րա­փա­կիչ փու­լին ո­գե­ւոր շրջան մը կ՚ապ­րի ի­րե­րա­յա­ջորդ ձեռ­նարկ­նե­րով։ Այս­պէս, շա­բա­թա­վեր­ջին, Տա­տեան սա­նուց միու­թեան նա­խա­ձեռ­նու­թեամբ, Ա­թա­գիւ­ղի «Եու­նուս Էմ­րէ» մշա­կոյ­թի կեդ­րո­նին մէջ տե­ղի ու­նե­ցաւ պա­լէի ներ­կա­յա­ցում­նե­րու եւ դաշ­նա­կի նուագ­նե­րու ձեռ­նարկ մը։

Քա­ղա­քիս Պուլ­կար Ուղ­ղա­փա­ռաց էկ­զար­քու­թեան մէջ շա­բա­թա­վեր­ջին տե­ղի ու­նե­ցաւ քէր­մէս մը։ «Քուքս քոռ­նըր չա­րի­թի պա­զար» մի­ջազ­գա­յին բա­րե­գոր­ծա­կան ցան­ցին կող­մէ կազ­մա­կերպուած ձեռ­նարկ մըն էր այս մէ­կը, որ տե­ղի ու­նե­ցաւ ու­րոյն մթնո­լոր­տի մը մէջ։

«Մե­զո­փո­թա­միա» բժշկա­կան միու­թիւնն ու Վան-Հաքքեա­րի բժշկա­կան հիմ­նար­կը միաս­նա­բար կազ­մա­կեր­պե­ցին բժշկա­գի­տա­կան, ա­տամ­նա­բու­ժա­կան եւ դե­ղա­գոր­ծա­կան ե­րեք ան­ջատ գի­տա­ժո­ղով­ներ։ 4-6 Յու­նիս թուա­կան­նե­րու մի­ջեւ Վա­նի մէջ տե­ղի ու­նե­ցած այս հա­ւաք­նե­րուն մաս­նա­կից դար­ձան 13 եր­կիր­նե­րէ ա­ւե­լի քան 700 մաս­նա­գէտ­ներ։

Գո­հու­նա­կու­թեամբ վե­րա­հա­սու կ՚ըլ­լանք, թէ «Ա­լէֆ» հրա­տա­րակ­չա­տու­նը լոյս ըն­ծա­յած է ար­ժէ­քա­ւոր լու­սան­կա­րիչ Նուր­ան Աք­քա­յա­յի գիր­քը, որ կը կո­չուի «Հա­յեր»։ Նուր­ան Աք­քա­յա­յի «Հա­յեր»ը ար­դիւնքն է շուրջ եօթ տա­րուան բազ­մա­կող­մա­նի աշ­խա­տան­քի մը։

Պա­քըր­գիւ­ղի Տա­տեան վար­ժա­րա­նի՝ գե­ղա­րուես­տի զա­նա­զան ճիւ­ղե­րու հե­տա­մուտ սա­նե­րը վեր­ջերս Սա­մա­թիոյ «Հրա­չեայ Ա­ճա­ռեան» սրա­հին մէջ հան­դէս ե­կան եր­կու ներ­կա­յա­ցում­նե­րով, ո­րոնք ըստ էու­թեան եր­գի ու պա­րի ձօնուած ե­րե­կոյթ­ներ էին։ Ծնունդ Ս. Աս­տուա­ծա­ծին ե­կե­ղեց­ւոյ թա­ղա­յին խոր­հուր­դի ա­տե­նա­պետ Մե­սուտ Էօզ­տէ­միր եւ իր ըն­կեր­նե­րը եւ Պա­քըր­գիւ­ղի ըն­տա­նի­քէն յա­րա­կից մար­մին­նե­րու ներ­կա­յա­ցու­ցիչ­ներ հա­ճոյ­քով մաս­նակ­ցու­թիւն բե­րին այս ձեռ­նարկ­նե­րուն։

Ե­րէկ ե­րե­կո­յեան Ֆէ­րի­գիւ­ղի «Շի­րի­նօղ­լու» սրա­հին մէջ տե­ղի ու­նե­ցաւ թա­ղի Վար­դա­նանց Դպրաց Դաս-երգ­չա­խում­բի նո­րաս­տեղծ ման­կա­պա­տա­նե­կան կազ­մի անդ­րա­նիկ հա­մեր­գը, որ ստեղ­ծեց մեծ ո­գե­ւո­րու­թիւն։ Վեր­ջին քա­նի մը ա­միս­նե­րուն ըն­թաց­քին ձեռ­նար­կուած աշ­խա­տան­քի անդ­րա­նիկ պտուղն էր այս հա­մեր­գը, որ մեծ յու­զում յա­ռա­ջա­ցուց Ֆէ­րի­գիւ­ղի ըն­տա­նի­քին մօտ։

Պէ­յա­զը­տի «Փրե­զի­տընթ» պան­դո­կին մէջ ե­րէկ ե­րե­կո­յեան տե­ղի ու­նե­ցաւ Սա­մա­թիոյ Սա­հա­կեան-Նու­նեան վար­ժա­րա­նի այս տարուան միջ­նա­կար­գի շրջա­նա­ւարտ­նե­րուն ի պա­տիւ ընթ­րիք մը։ Ո­գե­ւոր մթնո­լոր­տի մը մէջ ըն­թա­ցաւ ե­րե­կոյ­թը, ո­րու ըն­թաց­քին Սա­մա­թիոյ ըն­տա­նի­քին կող­մէ տղա­քը խրա­խու­սուե­ցան՝ ի­րենց կրթա­կան կեան­քի այս կա­րե­ւոր ճամ­բա­բա­ժա­նին։

2014-2015 կրթա­կան շրջա­նի եզ­րա­փա­կիչ փու­լին Կէ­տիկ­փա­շա­յի «Հրանդ Տինք» վար­ժա­րա­նին մէջ ստեղ­ծուած խան­դա­վա­ռու­թիւ­նը կը շա­րու­նա­կուի։ Ան­ցեալ շա­բա­թա­վեր­ջին տե­ղի ու­նե­ցած անդ­րա­նիկ շրջա­նա­ւարտ­նե­րու հրա­ժեշ­տի ա­րա­րո­ղու­թե­նէն վերջ, ե­րէկ, այս դպրո­ցին մէջ տե­ղի ու­նե­ցաւ ման­կա­պար­տէ­զի փոք­րիկ­նե­րուն տա­րե­վեր­ջի հան­դի­սու­թիւ­նը։

Պէզ­ճեան Մայր վար­ժա­րա­նի մէջ ե­րէկ տե­ղի ու­նե­ցաւ թե­տե­րա­կան ներ­կա­յա­ցում մը։ Դպրո­ցի թա­տե­րա­խում­բը բե­մադ­րեց «Հա­պա­պամ սը­նը­ֆը» ա­նուն յայտ­նի զա­ւեշ­տը, ու­սուց­չու­հի­նե­րէն Նե­տի­մէ Ա­քա­յի բե­մադ­րու­թեամբ։ Թեք­նիկ պա­տաս­խա­նա­տուու­թիւ­նը ստանձ­նած էր Գա­րօ­լին Է­զի­քօղ­լու։

Է­սաեան վար­ժա­րա­նի ու­թե­րորդ դա­սա­րա­նի ա­շա­կերտ­նե­րը ան­ցեալ շա­բա­թա­վեր­ջին տա­րե­վեր­ջի շրջապ­տոյտ մը ի­րա­կա­նա­ցու­ցին դէ­պի Քու­շա­տա­սը։ Ու­ղե­ւո­րու­թեան ըն­թաց­քին ա­նոնք հանգ­րուա­նե­ցին նաեւ Ե­փե­սո­սի ա­ւե­րակ­նե­րուն եւ Շի­րին­ճէ գիւ­ղին մէջ։