Թրքահայ կեանք

ԱՔ կու­սակ­ցու­թեան Սկիւ­տա­րի մաս­նա­ճիւ­ղի ղե­կա­վա­րու­թիւ­նը ե­րէկ ե­րե­կո­յեան նա­ւապ­տոյտ մը կազ­մա­կեր­պեց Վոս­փո­րի մէջ։ Յու­նիս 7-ին կա­յա­նա­լիք խորհր­դա­րա­նա­կան ընտ­րու­թիւն­նե­րու նա­խօ­րեա­կին զու­գա­դի­պած այս ծո­վապ­տոյ­տին ներ­կայ գտնուե­ցաւ նաեւ նոյն կու­սակ­ցու­թեան կող­մէ ե­րես­փո­խա­նի թեկ­նա­ծու ա­ռա­ջադ­րուած Մար­գար Է­սաեան։

Է­սաեան սա­նուց միու­թեան վար­չու­թեան նա­խա­ձեռ­նու­թեամբ ե­րէկ պտոյտ մը կազ­մա­կեր­պուե­ցաւ դէ­պի Պահ­չէ­գիւղ։ Տեղ­ւոյն զբօ­սա­րան­նե­րէն մէ­կուն մէջ մե­ծա­մաս­նու­թիւ­նը Է­սաեան վար­ժա­րա­նէ շրջա­նա­ւարտ խումբ մը տի­կին­ներ ան­ցու­ցին հա­ճե­լի օր մը։

Թոփ­գա­բուի Լե­ւոն-Վար­դու­հեան վար­ժա­րա­նի ա­շա­կերտ­նե­րը ե­րէկ ո­գե­ւոր օր մը ապ­րե­ցան՝ դպրո­ցէն ներս կազ­մա­կեր­պուած բա­նաս­տեղ­ծու­թեան եւ ե­րաժշ­տու­թեան փա­ռա­տօ­նին առ­թիւ։ Թա­ղի Ս. Նի­կո­ղա­յոս ե­կե­ղեց­ւոյ յա­րա­կից «Իլգգան» սրա­հին մէջ կեան­քի կո­չուե­ցաւ օ­րուան յայ­տա­գի­րը։

​Առողջապահութեան նախարարութեան քննիչները մանրակրկիտ ընդհանուր քննութիւն մը կատարեցին Գթութեան յարկէն ներս:
Ս. Փրկիչ Ազգային հիւանդանոցի պարագային 98 առ հարիւր համեմատութեամբ յաջողութեան վարկանիշ մը սահմանուեցաւ: Մատուցուած ծառայութիւններու մասնագիտական արժեւորման արդիւնքը կ՚արդարացնէ հոգաբարձութեան կողմէ որդեգրուած ուղղութիւնը եւ անձնակազմին զոհողութիւնները:

Պա­քըր­գիւ­ղի Ծնունդ Ս. Աս­տուա­ծա­ծին ե­կե­ղեց­ւոյ մշա­կոյ­թի յանձ­նա­խում­բին կող­մէ կազ­մա­կեր­պուած ձեռ­նարկ­նե­րու շար­քը ե­րէկ շա­րու­նա­կուե­ցաւ Ա­թա­գիւ­ղի «Եու­նուս Էմ­րէ» մշա­կոյ­թի կեդ­րո­նին մէջ։ Այս տա­րի Պա­քըր­գիւ­ղի ըն­տա­նի­քը Ա­րամ Կոս­տա­նեա­նի բե­մադ­րու­թեամբ ներ­կա­յա­ցուց «Երգ պան­դուխ­տի»ն, որ պատ­րաս­տուած է հրա­պա­րա­կա­գիր Բագ­րատ Էս­դու­գեա­նի հա­մա­նուն գիր­քին հի­ման վրայ։

ՃՀՓ­-ի կող­մէ ե­րես­փո­խա­նի թեկ­նա­ծու ա­ռա­ջադ­րուած Շիշ­լիի նախ­կին քա­ղա­քա­պետ Մուս­թա­ֆա Սա­րը­կիւլ կը շա­րու­նա­կէ իր նա­խընտ­րա­կան քա­րո­զար­շա­ւը։ Այս շրջագ­ծով ան ե­րէկ այ­ցե­լեց Թաք­սիմ մար­զա­կումբ։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան ե­րէկ հիւ­րըն­կա­լեց Պէ­յօղ­լուի Լու­սա­ւո­րիչ Դպրաց Դաս-երգ­չա­խում­բի նո­րըն­տիր տնօ­րէն խոր­հուր­դը։ Այս առ­թիւ Նո­րին Սրբազ­նու­թիւ­նը տուաւ իր օրհ­նու­թիւ­նը նո­րա­կազմ տնօ­րէն խոր­հուր­դի ան­դամ­նե­րուն եւ հայ­րա­կան վե­րա­բեր­մուն­քով յղեց յա­ջո­ղու­թեան մաղ­թանք­ներ։

Ե­րէկ, Կէ­տիկ­փա­շա­յի «Հրանդ Տինք» վար­ժա­րա­նին մէջ տե­ղի ու­նե­ցաւ տա­րե­վեր­ջի հան­դի­սու­թիւն։ Հա­յաս­տա­նէն ար­տա­գաղ­թե­լով Իս­թան­պուլ հաս­տա­տուած ըն­տա­նիք­նե­րու զա­ւակ­նե­րը իր եր­դի­քին տակ կը հիւ­րըն­կա­լէ այս վար­ժա­րա­նը, ուր ե­րէկ ապրուե­ցաւ տօ­նա­կան օր մը։

Բան­կալ­թըի Մխի­թա­րեան վար­ժա­րա­նէն խումբ մը երկ­սեռ ա­շա­կերտ­ներ, ա­ռաջ­նոր­դու­թեամբ հա­յե­րէ­նի ու­սու­ցիչ Սե­ւան Տէ­յիր­մեն­ճեա­նի ու պատ­մու­թեան ու­սուց­չու­հի Իք­պալ Փո­լա­տի, «SALT-Galata» մշակոյթի կեդրոնին մէջ դի­տե­ցին Նե­ֆին Տին­չի ու Հեր­քիւլ Միլ­լա­սի կող­մէ պատ­րաս­տուած ու նկա­րա­հա­նուած «Միւս գիւ­ղա­քա­ղա­քը» խո­րագ­րով վա­ւե­րագ­րա­կան ժա­պա­ւէ­նը։

Հան­րա­պե­տու­թեան նա­խա­գահ Րէ­ճէպ Թայ­յիպ Էր­տո­ղա­նի մաս­նակ­ցու­թեամբ շա­բա­թա­վեր­ջին քա­ղա­քիս մէջ տե­ղի ու­նե­ցաւ Պէ­յօղ­լուի քա­ղա­քա­պե­տա­րա­նի վե­րա­նո­րո­գեալ շէն­քին բաց­ման հան­դի­սա­ւոր ա­րա­րո­ղու­թիւ­նը։ Հա­ւա­քոյ­թին հրա­ւի­րուած էր նաեւ Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան։ Պաշ­տօ­նա­կան ճա­ռե­րէն վերջ, Էր­տո­ղա­նի գլխա­ւո­րու­թեամբ պա­տուոյ հիւ­րե­րը միաս­նա­բար հա­տե­ցին վե­րա­նո­րո­գեալ պատ­մա­կան շէն­քի մուտ­քին պար­զուած խորհրդան­շա­կան կար­միր ժա­պա­ւէ­նը։