ՊՈԼԹԸՆ ԵՐԵՒԱՆ ՊԻՏԻ ԱՅՑԵԼԷ
Ամերիկայի Միացեալ Նահանգներու նախագահ Տանըլտ Թրամփի Ազգային անվտանգութեան հարցերով խորհրդական Ճոն Պոլթըն յառաջիկայ շաբթուան վերջաւորութեան տարածքաշրջանային այցելութեան մը պիտի ձեռնարկէ դէպի Ռուսաստան եւ Հարաւային Կովկաս։ Հոկտեմբերի 20-ին պիտի սկսի Ճոն Պոլթընի ուղեւորութիւնը, որու ծիրէն ներս ան շփումներ պիտի ունենայ Հայաստանի, Վրաստանի, Ատրպէյճանի եւ Ռուսաստանի մէջ։
Ֆրանսախօսութեան միջազգային կազմակերպութեան 17-րդ գագաթաժողովը այսօր կ՚եզրափակուի:
Պատանեկան ողիմպիական խաղերու ծիրէն ներս Հայաստան նուաճեց ոսկէ մետայլ մը։ Այս տարի երրորդ անգամ տեղի կ՚ունենան այս ամառնային ողիմպիականները, որոնց ընթացքին 77 քիլօկրամի դասաւորման մէջ Հայաստանը ներկայացնող ծանրաբարձ Կարէն Մարգարեան արժանացաւ ոսկէ մետայլի։
Ֆրանսախօսութեան միջազգային կազմակերպութեան գագաթաժողովը այս առաւօտ սկսաւ Երեւանի մէջ:
Ատրպէյճանի նախագահ Իլհամ Ալիեւ յայտարարեց, որ Լեռնային Ղարաբաղի հիմնախնդրի կարգաւորման շուրջ բանակցութիւնները տեղի պիտի ունենան բացառապէս Պաքուի եւ Երեւանի միջեւ։ «Ազատութիւն» ռատիօկայանի հաղորդումներով, Իլհամ Ալիեւ պնդեց, որ հայկական կողմը փորձած է բանակցութիւններու ձեւաչափը փոփոխութեան ենթարկել, սակայն այդ ջանքերը յաջողութեան պիտի չհասնին։
Ֆրանսախօսութեան միջազգային կազմակերպութեան գագաթաժողովի շրջանակներէն ներս Երեւանի մէջ այս օրերուն տեղի կ՚ունենան մշակութային բազմակողմանի ձեռնարկներ։ Այս ծիրին մէջ բացուած է նաեւ ֆրանսահայ նկարչուհի Ասիլվայի ցուցահանդէսը, որ կ՚արժանանայ գեղարուեստասէրներու մօտիկ հետաքրքրութեան։
Ֆրանսախօսութեան միջազգային կազմակերպութեան Երեւանի գագաթաժողովի ծիրէն ներս հաւաքներ:
Դեկտեմբերի 9-ին խորհրդարանական արտահերթ ընտրութիւններ կը նախատեսուին Հայաստանի մէջ: