ԱՐԱՄ ԳԱՄՊՈՒՐԵԱՆԷՆ ՍԷՐՎԱՆԴԷՍ
Իսթանպուլահայ երէց սերունդի մտաւորականներէն Արամ Գամպուրեան ներկայիս մեր գրասէրներու տրամադրութեան տակ դրած է աշխարհահռչակ Սէրվանդէսի «Պրունօ Ֆրանք» գործին հայերէն թարգմանութիւնը։ Սէրվանդէսի մահուան 400-րդ տարելիցի շրջանին զուգադիպած է այս գործին հրատարակութիւնը։ Արամ Գամպուրեան գերմաներէնէ հայերէնի թարգմանած է Սէրվանդէսի գործը եւ այս աշխատութիւնը ձօնած է՝ Մխիթարեան վարժարանի իր գերմաներէնի ուսուցչին՝ հոգելոյս Հայր Հմայեակ Ծ. Վրդ. Համբարեանի յիշատակին։