Լրահոս

Ան­ջա­տո­ղա­կան ա­հա­բեկ­չա­կան ՓՔՔ կազ­մա­կեր­պու­թիւ­նը ե­րէկ բռնա­րարք մը կա­տա­րեց այն ցա­մա­քու­ղիին վրայ, որ կը միաց­նէ Վա­նի Չալ­տը­րան եւ Աղ­րըի Տո­ղու­պէ­յա­զըտ գա­ւա­ռակ­նե­րը։ Ճա­նա­պար­հի եր­թե­ւե­կու­թիւ­նը ար­գե­լա­փա­կած ա­հա­բե­կիչ­նե­րը Սո­ղուք­սուի շրջա­նէն ներս հրկի­զե­ցին տասն բեռ­նա­տար­ներ։

Գարակէօզեան Տան սեփականութիւնը՝ KEY PLAZA-ի չորրորդ յարկին վրայ պաշտօնապէս գործել սկսաւ Վաքըֆներու խորհուրդին մօտ փոքրամասնութեանց ներկայացուցչին գրասենեակը, որու երէկուան բացման հանդիսաւոր արարողութեան ներկայ գտնուեցաւ Պատրիարքական Ընդհանուր Փոխանորդ Տ. Արամ Արք. Աթէշեան - Խորհրդանշական կարմիր ժապաւէնը հատուեցաւ բարեմաղթութիւններով եւ ծափողջոյններով:​
Վաքըֆներու ընդհանուր տնօրէն Տքթ. Ատնան Էրթէմ ջերմ մթնոլորտի մը մէջ համախմբուեցաւ ոչ-իսլամ համայնքներու հաստատութիւններու ղեկավարներուն հետ: Ֆէրիգիւղի յունաց եկեղեցւոյ յարակից սրահին մէջ սարքուած ճաշկերոյթին ընթացքին անմիջական զրոյց ծաւալուեցաւ բոլոր ներկաներուն միջեւ:

Մա­յիսի 22-ին՝ աշ­խար­հահռ­չակ ֆրան­սա­հայ եր­գիչ, եր­գա­հան, բա­նաս­տեղծ, գրող ու դե­րա­սան Շարլ Ազ­նա­ւուր դար­ձաւ 92 տա­րե­կան։ Այս առ­թիւ Շարլ Ազ­նա­ւու­րի 92-­րդ տա­րե­դար­ձը հա­յաս­տան­ցի հան­դի­սա­տե­սի կեան­քին մէջ նշա­նա­ւո­րուե­ցաւ համեր­գով մը: Շարլ Ազ­նա­ւու­րի անուան հրա­պա­րա­կին վրայ կազ­մա­կեր­պուե­ցաւ բա­ցօ­թեայ համերգ մը՝ նուիրուած աշ­խար­հահռ­չակ եր­գի­չին 92-ա­մեա­կին:

Հայ­կա­կան ար­մատ­նե­րով ա­մե­րի­կեան հան­րա­յայտ երգ­չու­հի եւ դե­րա­սա­նու­հի Շեր (Շե­րի­լին Սարգ­սեան) Մա­յի­սի 20-ին նշեց իր ծննդեան 70-ա­մեա­կը:

Թէ­քէեան մշա­կու­թա­յին միու­թեան (ԹՄՄ) Միա­ցեալ Նա­հանգ­նե­րու եւ Գա­նա­տա­յի Կեդ­րո­նա­կան վար­չու­թիւ­նը, խորհր­դակ­ցա­բար Ռամ­կա­վար ա­զա­տա­կան կու­սակ­ցու­թեան Վե­րա­կանգ­նու­մի ու միու­թեան շար­ժու­մին եւ ՌԱԿ-ի Հան­րա­պե­տա­կան վար­չու­թեան հետ, իր վեր­ջին նիս­տին ո­րո­շած է 50 հա­զար տո­լա­րի դրա­մա­կան օգ­նու­թիւն տրա­մադ­րել ապ­րի­լեան պա­տե­րազ­մին ըն­թաց­քին Ար­ցա­խի մէջ զոհուած ա­զա­տա­մար­տիկ­նե­րու ըն­տա­նիք­նե­րուն:

ԱՔ կուսակցութիւնը շաբաթավերջի արտահերթ համագումարի արդիւնքին ընտրեց իր նոր ղեկավարը:
Հանրապետութեան նախագահ Էրտողան կառավարութիւն կազմելու համար պաշտօնի կոչեց նորընտիր կուսակցապետը:

ՍԱԳՕ ԱՐԵԱՆ

​Ա­մէն բան սկիզբ կ­­՚առ­նէր, երբ բրի­տա­նա­կան The Independant պար­բե­րա­կա­նը կը գրէր, թէ Նիւ Եոր­քի նախ­կին քա­ղա­քա­պետ Ռու­տի Ճիւ­լիա­նի սէուտ­ցի իշ­խա­նէ մը 10 մի­լիոն ա­մե­րի­կեան տո­լար ստա­նա­լու խոս­տում մը ստա­ցած էր: Սէուտ­ցի իշ­խա­նը, ո­րուն ա­նու­նը ցարդ կը մնայ ան­յայտ, Ճիւ­լիա­նիէն կը պա­հան­ջէր կա­րե­ւոր ճնշում­ներ ի­րա­գոր­ծել 2001 թուա­կա­նին Նիւ Եոր­քի Twin Tower-ի յար­ձակ­ման հետ սէուտ­ցի ա­հա­բե­կիչ­նե­րու ա­ռըն­չու­թեան մա­սին բո­լոր տե­ղե­կու­թիւն­նե­րը թաքց­նե­լու հա­մար:

Իս­թան­պու­լի մէջ այ­սօր սկսաւ ՄԱԿ-ի Հա­մաշ­խար­հա­յին մար­դա­սի­րա­կան գա­գա­թա­ժո­ղո­վը, որ կ՚եզ­րա­փա­կուի վա­ղը։ Հան­րա­պե­տու­թեան նա­խա­գահ Րէ­ճէպ Թայ­յիպ Էր­տո­ղա­նի եւ ՄԱԿ-ի ընդ­հա­նուր քար­տու­ղար Պան Քի Մու­նի հա­մա­տեղ տան­տի­րու­թեամբ կազ­մա­կեր­պուած է այս գա­գա­թա­ժո­ղո­վը, որ աշ­խար­հի 60 եր­կիր­նե­րէ ղե­կա­վար­ներ հա­մախմ­բած է Իս­թան­պու­լի մէջ։

Սու­րիոյ ներ­քին պա­տե­րազ­մի մթնո­լոր­տին մէջ կը շա­րու­նա­կեն տու­ժել նաեւ երկ­րի հայ հա­մայն­քի ան­դամ­նե­րը։ «Ար­մէնփ­րէս» գոր­ծա­կա­լու­թիւ­նը Բե­րիոյ Թե­մի Ա­ռաջ­նոր­դա­րա­նի աղ­բիւր­նե­րու հա­ղոր­դում­նե­րու հի­ման վրայ տե­ղե­կա­ցուց, որ Գա­միշ­լիի մէջ շա­բա­թա­վեր­ջին տե­ղի ու­նե­ցած է ա­հա­բեկ­չա­կան պայ­թում մը, ո­րու հե­տե­ւան­քով վի­րա­ւո­րուած է հայ մը։

Հա­յաս­տա­նի Ար­տա­քին գոր­ծոց նա­խա­րար Ե­դուարդ Նալ­պան­տեան այ­սօր շփում­ներ կ՚ու­նե­նայ Պրիւք­սէ­լի մէջ։ Պաշ­տօ­նա­կան աղ­բիւր­նե­րու հա­ղոր­դում­նե­րով, ան կը մաս­նակ­ցի Եւ­րո­պա­կան Միու­թեան եւ ա­նոր Ա­րե­ւե­լեան գոր­ծըն­կե­րու­թեան մաս­նա­կից եր­կիր­նե­րու ար­տա­քին գոր­ծոց նա­խա­րար­նե­րու ժո­ղո­վին։