Թուրքիոյ եւ Հայաստանի միջեւ մօտաւոր ապագային կը նախատեսուի Կարս-Կիւմրի երկաթուղիի վերագործարկման հարցին վերաբերեալ հանդիպում մը։ Անգարա-Երեւան յարաբերութիւններու բնականոնացման ուղղեալ բանակցային գործընթացի շրջանակներէն ներս կ՚առնուի այս քայլը։
Գոհունակութեամբ վերահասու կ՚ըլլանք, թէ սփիւռքահայ երէց սերունդի մտաւորականներէն Գէորգ Պետիկեան արժանացած է պատուաբեր մրցանակի մը։ Ան վեթերան սիւնակագիր մըն է, որ արեւմտահայերէնով լրատուամիջոցներու ընթերցողներու յարգանքն ու համակրանքը կը վայելէ, նաեւ թերթիս պատուակալ աշխատակիցներու շարքին է։
Եւրոմիութիւնը Կեդրոնական Ասիա ուղղուելու ճանապարհին յատուկ նշանակութիւն մը կու տայ Թուրքիոյ՝ մինչ Հայաստան-Ատրպէյճան խաղաղութիւնը կը խթանէ ծրագրերը:
Երեւան կ՚առաջարկէ, որ «Խաղաղութեան խաչմերուկ»ը եւ TRIPP-ը ներառուին Պրիւքսէլի «Կլոպալ դարպասներ» նախաձեռնութեան. պարզ խօսքերէ կամ յաւակնոտ տեսլականէ անդին՝ հրամայական:
Այսօր, Լիւքսեմպուրկի մէջ տեղի կ՚ունենայ Եւրոմիութեան՝ «Միջտարածաշրջանային անվտանգութիւն եւ փոխկապակցուածութիւն» նիւթով նախարարական հանդիպումը։ Սա, ըստ էութեան, ԵՄ-ի անդամ երկիրներու արտաքին գործոց նախարարներու հաւաքն է՝ ընդլայնուած կազմով։
Հռոմէական Կաթոլիկ եկեղեցին երէկ սրբադասեց հայ կաթողիկէ կղերէն 1915-ի նահատակ Իգնատիոս Արք. Մալոյեանը, որու առընթեր եւս վեց հոգի մաս կազմեց երանելիներու շարքին։ Վատիկանի Ս. Պետրոսի հրապարակին վրայ, հանդիսաւոր պայմաններու ներքեւ տեղի ունեցաւ սրբադասումը՝ Լեւոն ԺԴ. Սրբազան Քահանայապետի հանդիսապետութեամբ։
Թուրքիա-Գերմանիա յարաբերութիւնները կ՚ընթանան թէ՛ երկկողմանի համագործակցութեան խորացման որոնումներով եւ թէ Եւրոմիութեան վերաբերեալ ծալքերով։ Արտաքին գործոց նախարար Հաքան Ֆիտան երէկ հիւրընկալեց իր պաշտօնակիցը՝ Եոհան Տաւիտ Ուատեփուլը։
Ամերիկայի Միացեալ Նահանգներու նախագահ Տանըլտ Թրամփ եւ Ռուսաստանի նախագահ Վլատիմիր Փութին երէկ ունեցան հեռախօսազրոյց մը, որու զուգահեռ օրակարգի վրայ եկաւ նաեւ անոնց միջեւ դէմ առ դէմ նոր հանդիպման մը հեռանկարը։
Մոսկուա ի զօրու կը պահէ Երեւանի եւ Պաքուի ուղղեալ իր առաջարկը՝ խաղաղութեան համաձայնագրի վերջնական ստորագրման հարթակ տրամադրելու համար։
Անգարա-Պերլին առանցքին վրայ այսօր նախատեսուած է բարձր մակարդակի շփում մը։ Արտաքին գործոց նախարար Հաքան Ֆիտանի հրաւէրին ընդառաջ՝ Թուրքիա կ՚այցելէ Գերմանիոյ արտաքին գործոց նախարար Եոհան Տաւիտ Ուատեփուլ։
Ֆրանսայի մէջ նոր կառավարութիւնը ի վերջոյ ստացաւ վստահութեան քուէ։ Վարչապետի իրերայաջորդ փոփոխութիւնները արդէն երկմտութեան տեղ չեն թողուր, թէ երկրէն ներս ներքին քաղաքական տագնապ մը յառաջացած է:
