Լրահոս

Այս տարուան մրցանակաբաշխութիւնը ձօնուած էր «Սունդուկեան» թատրոնի 100-ամեայ յոբելեանին:
Հայաստանի Թատերական գործիչներու միութեան նախաձեռնութեամբ կազմակերպուած տարեկան պարգեւատրումը:

Վատիկանի մօտ Թուրքիոյ դեսպան Լիւթֆուլլահ Կէօքթաշին շնորհուեցաւ Ս. Աթոռի բարձրաստիճան պետական շքանշաններէն մին։ Առաքելական պալատէն ներս կազմակերպուած հանդիսաւոր ձեռնարկի մը ընթացքին այդ շքանշանը դեսպան Կէօքթաշին յանձնուեցաւ՝ Վատիկանի փոխ-վարչապետ Էտկար Փենա Փարրա Արքեպիսկոպոսին կողմէ։

Երբ 44-օրեայ պատերազմէն վերջ դարձեալ Ատրպէյճանի քայլերուն հետեւանքով տագնապալի վիճակ եւ լարուածութիւն, բախումներ եւ շփման գծի խախտումներ տեղի կ՚ունենան Արցախի մէջ, ստեղծուած ծանր իրավիճակին ներքեւ երէկ հեռախօսազրոյց մը տեղի ունեցաւ Հայաստանի վարչապետ Նիկոլ Փաշինեանի եւ Ռուսաստանի նախագահ Վլատիմիր Փութինի միջեւ։

Ռուսաստան-Ուքրայնա առկայ պատերազմի մթնոլորտին մէջ, երէկ, Հանրապետութեան նախագահ Ռեճեփ Թայյիպ Էրտողան հեռախօսազրոյց մը ունեցաւ Ուքրայնայի նախագահ Վլատիմիր Զելենսքիի հետ։ Անգարա երկար ժամանակէ ի վեր ջանքեր կը գործադրէ Ռուսաստանի եւ Ուքրայնայի ղեկավարները մէկտեղելու համար։

Ռուս խաղաղապահներու անգործութեան մթնոլորտին մէջ Ատրպէյճանի զօրքերը հրադադարը կը խախտեն Արցախի շփման գծին վրայ եւ կը յառաջանան՝ նոր տարածքներ վերահսկողութեան տակ առնելով:
Փաշինեան կը պնդէ, որ Պաքու կը ջանայ Հայաստանը շեղել խաղաղութեան օրակարգէն: Միրզոյեան հեռախօսազրոյց մը ունեցաւ Տենֆրիտի հետ: Երեւանէն հնչած յայտարարութիւնները ունին անճարութեան խոստովանութեան բնոյթ:

Պրիւքսելի մէջ ՆԱԹՕ-ի գագաթաժողով՝ մինչ Ռուսաստան-Ուքրայնա պատերազմը կը շարունակուի:
Արեւմուտքը առկայ ծանր ու ճակատագրական փուլին Քիեւին կը խոստանայ՝ քաղաքական ու գործնական աջակցութեան տեւականացում: Նախագահ Էրտողան ընդգծեց, որ Թուրքիա ներկայիս կը գտնուի բացառիկ եւ առանձնայատուկ դիրքի մը վրայ:

Խոր ցաւով վերահասու եղանք, որ Երեւանի մէջ իր մահկանացուն կնքած է սփիւռքահայ յայտնի ձեռներէց եւ ազգային գործիչ Նուպար Ճիվանեան։ Սուրիոյ մէջ ծնած եւ երկար տարիներ ապրած Նուպար Ճիվանեան այդ երկրի արտաքին առեւտուրին գծով կարեւոր դերակատարութիւն ունեցած էր՝ հայր Էսատի իշխանութեան տարիներուն։

Հայաստանի եւ Ամերիկայի Միացեալ Նահանգներու միջեւ նախընթաց օր տեղի ունեցաւ ռազմավարական երկխօսութեան նիստ։ Սա այս ձեւաչափին մէջ երկրորդ ժողովն էր, որ կազմակերպուեցաւ առցանց։

Իրանի Արտաքին գործոց նախարար Ամիր Ապտուլլահիան երէկ այցելեց Դամասկոս, ուր հիւրընկալուեցաւ Սուրիոյ նախագահ Պեշար Էսատի կողմէ։ Հարկ է նշել, որ մօտաւոր անցեալին Պեշար Էսատ այցելած էր նաեւ Արաբական Միացեալ Էմիրութիւններ։

Ամերիկեան «Moderna» ընկերութիւնը տեղեկացուց, որ իր կողմէ «Covid-19»ի դէմ մանուկներու համար արտադրուած պատուաստանիւթը՝ չափահասներու համար արտադրուածին հաւասարազօր դրական արդիւնքներ կու տայ։ Երկու պարագային ալ պատուաստուածներու մարմնի դիմադրութիւնը կ՚ամրապնդուի՝ անհրաժեշտ համեմատութեամբ հակամարմիններու գոյացումով։