Լրահոս

Իսթանպուլի մէջ շաբաթավերջին տեղի ունեցաւ Պալքաններու մարմնամարզի 27-րդ առաջնութիւնը:
Հայաստանի հաւաքականէն Լեւոն Աղասեան եւ Երուանդ Մկրտիչեան յաջողեցան դասուիլ դափնեկիրներու շարքին:

Արտաքին գործոց նախարար Մեւլիւտ Չավուշօղլու շաբաթավերջին այցելեց Պաքու, ուր ընդունուեցաւ Ատրպէյճանի նախագահ Իլհամ Ալիեւի կողմէ։ Այս կապակցութեամբ Չավուշօղլու ընկերային ցանցերու վրայ տեղեկացուց, որ երկու երկիրներու համագործակցութիւնը կ՚ամրապնդուի՝ համահունչ «Մէկ ազգ, երկու պետութիւն» կարգախօսով։

Աշխարհի վրայ կենսունակութեան հիմնական ցուցիչը շարժն է։ Եթէ երկրագունդը ինքնին նոյնաժամանակ երկու շրջանի մէջ է իր իսկ առանցքին եւ արեւուն շուրջ, ապա մարդը ինչպէ՞ս կրնայ անշարժ մնալ անոր վրայ։ Տեղափոխութիւնը վաղուց եղած է հաւաքական կեանքի մղիչ ուժը՝ շատ յաճախ դառնալով մեծ գործօն մը, որ պայմանաւորած է քաղաքակրթութեան սլացքը։ Շարժը նաեւ կը ձեւէ անհատը՝ նորութիւններու եւ զանազանութիւններու յորձանուտին մէջ։

Հայաստանի Արտաքին գործոց նախարար Արարատ Միրզոյեան երէկ հեռախօսազրոյց մը ունեցաւ Անգլիոյ Արտաքին գործոց նախարարութեան Եւրոպայի եւ Հիւսիսային Ամերիկայի հարցերու գծով նորանշանակ պետական նախարար Ճէյմս Քլեվըրլիի հետ։

ՍԱԳՕ ԱՐԵԱՆ

Ուքրայնայի աղիտալի պատերազմը կը շարունակուի 9 օրէ ի վեր. սպասելով «կարճ» հրադադարին:
Եւրոպա չի կրնար ապրիլ առանց Ռուսաստանի, որու համար էական դարձած է ռազմական առաւելութիւններ ապահովելը, իսկ Ամերիկայի Միացեալ Նահանգներու համար գերխնդիր է զայն ջլատել ու խզել Ռուսաստան-Եւրոպա կապերը:

Վահագն Խաչատուրեան Ազգային ժողովին կողմէ ընտրուեցաւ Հայաստանի Հանրապետութեան նախագահ:
Ըստ Սահմանադրութեան՝ երդման արարողութիւնը պէտք է տեղի ունենայ տասն օրուան ընթացքին: Փութինէն շնորհաւորական:

Հայաստանի վարչապետ Նիկոլ Փաշինեան երէկ յայտարարեց, որ կը սկսին Երեւան-Ջուլֆա-Օրտուպատ-Մեղրի-Հորատիզ երկաթուղիի՝ Մեղրիի հատուածի դաշտային աշխատանքները։ Հարաւային Կովկասի նոր իրադրութեան մէջ, երբ տարածաշրջանային հաղորդակցութիւններու ապաշրջափակման գործընթաց մը յառաջ կը տարուի, այս երկաթուղիի վերագործարկման շուրջ, ըստ երեւոյթին, ընդհանուր փոխըմբռնում մը գոյացած է Հայաստանի եւ Ատրպէյճանի միջեւ։

Ռուսաստան-Ուքրայնա առկայ պատերազմական գործողութիւններու իրավիճակին մէջ Վրաստանի ղեկավարութիւնը երէկ հանդէս եկաւ ուշագրաւ նախաձեռնութիւնով մը։ Այսպէս, երկրէ ներս իշխանութեան գլուխ գտնուող «Վրացական երազանք-ժողովրդավարական Վրաստան» կուսակցութեան ու կառավարութեան միջեւ տեղի ունեցած խորհրդակցութիւններու լոյսին տակ որոշուեցաւ, որպէսզի Թիֆլիզ դիմում ներկայացնէ Եւրոմիութեան անդամակցելու համար։

ՍԱԳՕ ԱՐԵԱՆ

Երէկ ամբողջ օր կը սպասուէր Ռուսաստան-Ուքրայնա բանակցային հանդիպման։ Ըստ «Ռէօյթըրզ» գործակալութեան, հանդիպումը նախատեսուած էր Սպիտակ Ռուիսոյ եւ Լեհաստանի սահմանային հատուածէն ներս, սակայն առանց յստակ պատճառներու բանակցութիւնները առկախուեցան։

Հայաստանի Արտաքին գործոց նախարար Արարատ Միրզոյեան երէկ յայտարարութիւններ ըրաւ Անգարա-Երեւան յարաբերութիւններու բնականոնացման գործընթացին շուրջ։ Երկրի խորհրդարանէն ներս երեսփոխաններու հարցումներուն պատասխանելու ժամանակ նախարար Միրզոյեան յայտնեց, որ Թուրքիոյ եւ Հայաստանի յատուկ ներկայացուցիչներու՝ Սերտար Քըլըչի եւ Ռուբէն Ռուբինեանի միջեւ Վիեննայի մէջ տեղի ունեցած վերջին հանդիպումը կը գնահատէ դրական։