Լրահոս

Հանրապետութեան նախագահ Ռեճեփ Թայյիպ Էրտողան այս առաւօտ Անգարայի մէջ հիւրընկալեց Եւրոյանձնաժողովի նախագահ Ուրսուլա ֆոտ տէր Լէյէնը։ Պեշթեփէի համալիրէն ներս տեղի ունեցաւ դիմաւորման պաշտօնական արարողութիւնը։

Ուաշինկթըն Դամասկոսի մէջ աւելի ազդու կրնայ ըլլալ՝ շնորհիւ ՆԱԹՕ-ի դաշնակից Անգարային:
ԱՄՆ-ի ընտրեալ-նախագահ. «Սուրիայէ ներս ապագային պատահելիքներու բանալին պիտի գտնուի Թուրքիոյ ձեռքը»:

Հայաստանի Ազգային ժողովի նախագահ Ալէն Սիմոնեան Նիւ Տելհիի մէջ ընդունուեցաւ Հնդկաստանի նախագահ Տրուփատի Մուրումի կողմէ։

Հայաստանի պաշտպանութեան նախարար Սուրէն Պապիկեան Փարիզի մէջ հանդիպում մը ունեցաւ Ֆրանսայի Հանրապետութեան նախագահի ռազմական խորհրդական զօրավար Ֆապիէն Մանտոյի հետ։

​Ատրպէյճանի արտաքին գործոց նախարար Ճէյհուն Պայրամով Պաքուի մէջ հիւրընկալեց Վատիկանի պետութիւններու հետ յարաբերութիւններու գծով քարտուղար Փոլ Ռիչըրտ Կալակհէր Արքեպիսկոպոսը։

Շաբաթավերջին Իսթանպուլէն անցաւ դասական երաժշտութեան աշխարհի տիրական դէմքերէն սոփրանօ փրոֆ. Էլէնա Փանքրաթովա, որու գլխաւորութեամբ կազմակերպուած էր վարպետութեան դասընթացք մը։ Աւստրիայէն ժամանած աշխարհահռչակ մեներգչուհին վարպետութեան դասերը իրականացուց Սաքըզաղաճի Ս. Աստուածածին հայ կաթողիկէ եկեղեցւոյ երդիքին տակ։

Վրաստանի մէջ յետընտրական կարճատեւ խմորումներէ ետք, երբ կը թուէր, թէ հանրային յուզումներու ալիքը դէպի մարում կ՚երթայ, ներքաղաքական իրավիճակը կրկին ահագնացաւ: Թիֆլիզ ցնցումներու մէջ է: Ուսումնասիրութիւններու լայն դաշտ մը բացուած է հոգեբաններուն, հասարակագէտներուն ու մարդաբաններուն առջեւ, թէպէտ վերջիններուս աւագ գործընկերները նման աշխատանքի գործնական փորձ բաւականաչափ կուտակած են՝ շարք մը երկիրներու մէջ յաջողելով ազդել մարդոց վարքագծի եւ հոգեբանութեան վրայ։

Երեւան ԵԱՏՄ-ի հարթակին վրայ եւս օրակարգի վրայ կը բերէ «Խաղաղութեան խաչմերուկ» նախաձեռնութիւնը:
Փաշինեան. «Հայաստանի մշակած այս նախագիծը բարենպաստ պայմաններ կ՚ապահովէ շահագրգիռ բոլոր պետութիւններուն համար»:

Նիւ Տելհիի մէջ նախընթաց օր տեղի ունեցաւ Հայաստան-Հնդկաստան-Իրան եռակողմանի ձեւաչափով խորհրդակցութիւն մը։ Իր տեսակին մէջ երկրորդ այս խորհրդակցութիւններուն ընթացքին Հայաստանի պատուիրակութիւնը գլխաւորեց արտաքին գործոց նախարարութենէն Անահիտ Կարապետեան։

Ֆրանսայի մէջ նոր կառավարութեան ձեւաւորման ուղղեալ աշխատանքները կը շարունակուին։ Երկրէն ներս տեղի ունեցած խորհրդարանական արտահերթ ընտրութիւններէն վերջ վարչապետ նշանակուած Միշէլ Պառնիէի կառավարութիւնը չէր կրցած վստահութեան քուէ առնել Ազգային ժողովէն։