Լրահոս

Ատրպէյճանի նախագահ Իլհամ Ալիեւ յայտարարեց, որ իր երկիրը հասած է փափաքին, պատերազմ չ՚ուզեր եւ Հայաստան պէտք է վերջ տայ զինուելու։

Պուտափեշտի մէջ կազմակերպուած Եւրոպական քաղաքական համայնքի 5-րդ գագաթաժողովի արձագանգները կը շարունակուին։ Այս մեծ ժամադրութիւնը, միեւնոյն ժամանակ առիթ հանդիսացաւ Թուրքիա-Հայաստան յարաբերութիւններու բնականոնացման գործընթացէն ներս ամենաբարձր մակարդակի վրայ հաղորդակցութեան թարմացման։

Հանրապետութեան նախագահ Ռեճեփ Թայյիպ Էրտողան եւ Հայաստանի վարչապետ Նիկոլ Փաշինեան երէկ ոտքի վրայ զրոյց մը ունեցան Պուտափեշտի մէջ, ուր մասնակցեցան Եւրոպական քաղաքական համայնքի 5-րդ գագաթաժողովին, որ կազմակերպուած էր Հունգարիոյ տանտիրութեամբ։

Արտաքին գործոց նախարար Հաքան Ֆիտան այսօր պաշտօնական այցելութիւն մը կու տայ Աթէնք, ուր կը հիւրընկալւի Յունաստանի արտաքին գործոց նախարար Եորկօ Կերափեթրիտիսի կողմէ։ Մինչ Անգարա-Աթէնք առանցքին վրայ նոր կլիմայ մը ձեւաւորելու ուղղեալ ջանքերը կը շարունակուին, այցելութեան ընդառաջ երկու նախարարները փոխադարձ յայտարարութիւններ ըրին Թուրքիոյ եւ Յունաստանի յառաջատար լրատուամիջոցներուն։

Հայաստանի արտաքին գործոց փոխ-նախարար Վահան Կոստանեան վստահութիւն յայտնեց, թէ Երեւան-Ուաշինկթըն համագործակցութիւնը Սպիտակ տան նոր վարչախումբի ղեկավարման ժամանակ եւս բարեյաջող կ՚ընթանայ։

Ռուսաստանի անվտանգութեան խորհուրդի քարտուղար Սերկէյ Շոյկու յայտնեց, որ Հարաւային Կովկասէ ներս իրավիճակի բարելաւման նախադրեալներ կան։ «Արմէնփրէս»ի հաղորդումներով, ԱՊՀ-ի անդամ երկիրներու անվտանգութեան խորհուրդներու քարտուղարներու Մոսկուայի ժողովին ընթացքին Շոյկու նշեց, որ թէեւ տարածաշրջանի իրավիճակը կը շարունակէ մնալ բարդ, սակայն անոր բարելաւման նախադրեալները կան։

Երեւանի մօտ Իրանի դեսպան Մեհտի Սոպհանի յայտարարեց, որ իր երկիրը դէմ է ամէն ինչի, որ ունի միջանցքի տրամաբանութիւն։ «Արմէնփրէս»ի հաղորդումներով, դեսպանը երէկ Հայաստանի Կապան քաղաքին մէջ լրագրողներու հետ զրուցելու ընթացքին հերթական անգամ անդրադարձաւ «Զանգեզուրի միջանցք»ի հարցին եւ ըսաւ.

Հայաստանի Ազգային պատկերասրահի երդիքին տակ եզակի եւ ուշագրաւ էնսթալասիոն-կատարում:
Անմոռանալի արուեստագէտի 125-ամեակին առթիւ կը ցոլանայ՝ իր պատկերային ու տարածական մտածողութիւնը:

ՍԱԳՕ ԱՐԵԱՆ

Հայաստան-Ամերիկայի Միացեալ Նահանգներ յարաբերութիւններու կապակցութեամբ սպասումներ:
Երեւանի դիմագրաւած «Զանգեզուրի միջանցք»ի սպառնալիքին շուրջ համակարծիք պիտի մնա՞ն Ուաշինկթընն ու Թեհրանը:

Գոհունակութեամբ վերահասու կ՚ըլլանք, թէ Ժընեւի համալսարանի հայկական ուսմանց 50-ամեայ յոբելեանը պիտի նշուի յառաջիկայ շաբթուան մէջ։ Այսպէս, նոյեմբերի 13-ին, Ժընեւի համալսարանին մէջ, այս յոբելեանին առթիւ նախատեսուած է կլոր սեղան մը՝ «Պատմութիւն, սիներժի եւ մարտահրաւէրներ» խորագրին ներքեւ։