Մետասաներորդ պահ. Իսթանպուլի կուսակալութեան կողմէ երէկ յետմիջօրէին Գումգաբու հասաւ պաշտօնական գրութիւն մը, որով կատարուեցաւ թուականի փոփոխութիւն:
Այսօրուան Եկեղեցականաց համագումարը, որով պիտի ընտրուէր պատրիարքական տեղապահը, յետաձգուեցաւ շաբաթ մը՝ 4 յուլիս 2019-ին, ինչ որ շատ լայն արձագանգ ստեղծեց հայաշխարհէ ներս:
Պատրիարքական ընդհանուր փոխանորդ Տ. Արամ Արք. Աթէշեան երէկուան անակնկալ իրադարձութիւններէն վերջ ընկերային ցանցերու վրայ հակիրճ յայտարարութիւնով մը հանդէս եկաւ տեղապահի ընտրութեան յետաձգման կապակցութեամբ։ Ըստ երեւոյթին, նորին սրբազնութեան այս յայտարարութեան պատճառ դարձած են Իսթանպուլի կուսակալութեան կողմէ Պատրիարքարան հասած պաշտօնագրին զուգահեռ՝ կարգ մը շրջանակներու կողմէ համայնքէն ներս տարածուած շշուկները, ըստ որոնց պետութիւնը տեղապահի ընտրութեան թուականի փոփոխութիւն պահանջած է անոր փափաքով։
Հայաստանի վարչապետ Նիկոլ Փաշինեան կը պատրաստուի այցելել Հեռաւոր Արեւելք։ Այսպէս, իր կողմէ գլխաւորուած պատուիրակութիւնը յառաջիկայ շրջանին ուղեւորութիւն մը պիտի իրականացնէ դէպի Վիեթնամ եւ Սինկափուր։
Թուրքիա եւ Միացեալ Նահանգներ առկայ տագնապալի վիճակին մէջ չեն շեղիր իրենց դիրքորոշումներէն:
Հուլուսի Աքարի եւ Մարք Էսփըրի Պրիւքսելի երէկուան տեսակցութենէն վերջ կը սպասուի նախագահներու հանդիպման:
Վրաստանի փոխ-վարչապետ Մայա Ցքիթիշվիլի այսօր երկօրեայ աշխատանքային այցելութիւն մը կու տայ Երեւան։ Հայաստան-Վրաստան առեւտրատնտեսական համագործակցութեան միջկառավարական յանձնաժողովի 10-րդ նիստին առթիւ կը կայանայ այս երկօրեայ այցելութիւնը։
Մալթայի Արտաքին գործոց եւ առեւտուրի խթանման նախարար Քարմելօ Ապելա այսօր աշխատանքային այցելութիւն մը կու տայ Երեւան, ուր կը հիւրընկալուի Հայաստանի Արտաքին գործոց նախարար Զօհրապ Մնացականեանի կողմէ։
Հայաստանի սփիւռքի գործերու նորանշանակ գլխաւոր յանձնակատարը առաջին հերթին պիտի թիրախաւորէ մեծագոյն համայնքը՝ ռուսահայութիւնը:
Զարեհ Սինանեան հայրենադարձութեան կարեւորագոյն նախապայմանը կը համարէ՝ արդար, քաղաքացիակեդրոն ու մարդակեդրոն հասարակարգի մը ստեղծումը:
Հայաստանի երկրորդ նախագահ Ռոպերթ Քոչարեան երէկուան դրութեամբ վերադարձաւ բանտ։ Ինչպէս ծանօթ է, Ռոպերթ Քոչարեան կը դատուի 1 մարտ 2008 թուականին տեղի ունեցած արիւնալի դէպքերուն բերումով։
Հուլուսի Աքար եւ Մարք Էսփըր կը քննարկեն Անգարայի եւ Ուաշինկթընի միջեւ ստեղծուած լարուածութիւնը:
ԱՄՆ-ի, Ռուսաստանի եւ Իսրայէլի մասնակցութեամբ անվտանգութեան եռակողմանի ժողով Սուրիոյ համար:
Իսթանպուլի 30-րդ Ծանր պատժական ատեանէն ներս երէկ շարունակուեցաւ Կեզի զբօսայգիի դէպքերու գործին դատավարութիւնը։ Սիլիվրիի կալանավայրի համալիրէն ներս տեղի ունեցաւ այս դատավարութիւնը, որու մեղադրեալները կ՚ամբաստանուին՝ Թուրքիոյ Հանրապետութեան կառավարութիւնը քանդելու նախաձեռնութեան մեղադրանքով։
