Վրաստանի նախագահ Սալոմէ Զուրապիշվիլի երկօրեայ պաշտօնական այցելութիւն մը կու տայ Երեւան՝ Հայաստանի Հանրապետութեան նախագահ Արմէն Սարգսեանի հրաւէրին ընդառաջ։ Երեւանի Զուարթնոց օդակայանին մէջ բարձրաստիճան հիւրը դիմաւորուեցաւ Հայաստանի փոխ-վարչապետ Տիգրան Աւինեանի կողմէ։
Երէկ, Մեծի Տանն Կիլիկիոյ Տ.Տ. Արամ Ա. Կաթողիկոսը Անթիլիասի մէջ հիւրընկալեց Հայկական բարեգործական ընդհանուր միութեան (ՀԲԸՄ) Կեդրոնական վարչութեան նախագահ Պերճ Սեդրակեանը։ Մտերմիկ մթնոլոտի մը մէջ տեղի ունեցաւ զրոյցը, որ տեւեց բաւական երկար։
ԵԱՀԿ-ի շրջանային նախագահ երկրի՝ Սլովաքիոյ Արտաքին գործոց նախարար Միրոսլաւ Լայչաք այսօր շփումներ կ՚ունենայ Երեւանի մէջ։ Հայաստանի Արտաքին գործոց նախարար Զօհրապ Մնացականեան այս առաւօտ հիւրընկալեց իր պաշտօնակիցը։
Իսթանպուլի կուսակալ Ալի Եէրլիքայա եւ գլխաւոր քաղաքապետ Մեւլիւտ Ույսալ ցաւակցական այցելութիւն մը տուին Գումգաբու։ Երէկ երեկոյեան հեռախօսազրոյց մը տեղի ունեցաւ Տ.Տ. Գարեգին Բ. Ամենայն Հայոց Վեհափառ Հայրապետին եւ Պատրիարքական ընդհանուր փոխանորդ Տ. Արամ Արք. Աթէշեանի միջեւ։ Շաբաթավերջի յուղարկաւորութեան ընթացքին Մայր Աթոռ Սուրբ Էջմիածինը պիտի ներկայացնեն՝ Արեւմտեան Եւրոպայի Հայրապետական պատուիրակ եւ Վատիկանի մօտ Հայաստանեայց Առաքելական Եկեղեցւոյ մշտական ներկայացուցիչ Տ. Խաժակ Արք. Պարսամեան, Գուգարաց թեմի առաջնորդ Տ. Սեպուհ Արք. Չուլճեան եւ դիւանապետ Տ. Արշակ Եպսկ. Խաչատրեան։ Մելքոն Քարաքէօսէի կողմէ գլխաւորուած կարգադիր յանձնախումբը գործի ձեռնարկած է՝ շարժման անցընելով մանաւանդ համայնքի երիտասարդ տարրերը։ Կաթողիկէ հայոց վիճակաւոր Զեքիեան Գերապայծառ եւ վերապատուելի Գրիգոր Աղապալօղլու եւս յայտնեցին իրենց վշտակցութիւնն ու բարոյական զօրակցութիւնը։ Տեղական ինքնակառավարման մարմիններու ներկայացուցիչներ ալ այցելեցին Պատրիարքարան։ Այս առաւօտ Սուրբ Փրկիչ Ազգային հիւանդանոցի մէջ VADİP գումարեց արտահերթ ժողով մը։
Թրքահայութիւնը զօրակոչի ենթարկուած է կազմակերպչական բոլոր աշխատանքները անթերիօրէն ի կատար ածելու եւ իր վախճանեալ Հոգեւոր պետին պատշաճ շուքով հրաժեշտ տալու համար։ Մեսրոպ Պատրիարքի նկատմամբ հաւատացեալ ժողովուրդը վերջին յարգանքը պիտի կարողանայ մատուցել հինգշաբթի եւ ուրբաթ, Սուրբ Աստուածածին Աթոռանիստ Մայր եկեղեցւոյ Սրբազան կամարներուն ներքեւ։ Մեր ժողովուրդը բարձր կը գնահատէ Պատրիարքական Աթոռի 84-րդ գահակալին կողմէ բերուած նպաստը եւ ներդրուած եռանդը՝ պոլսահայ ազգային-եկեղեցական կեանքի կենսունակութեան ուղղութեամբ։
«Ի խորոց սրտի կը հայցենք առ Ամենողորմ Տէրը, որ երկնային բարձունքներու վրայ խաղաղութեան եւ հանգստութեան մէջ ընդունի հոգին հաւատարիմ իր սպասաւորին՝ Տ. Մեսրոպ Արք. Մութաֆեանի։ Մենք այսօր աղօթական ոգիով կ՚ուղեկցինք վախճանեալ պատրիարքին դէպի յաւերժական կեանքի ճանապարհ»:
Ամենայն Հայոց Վեհափառ Հայրապետի նախագահութեամբ Մայր Աթոռ Սուրբ Էջմիածնի մէջ հոգեհանգստեան կարգ տեղի ունեցաւ Պատրիարքական Աթոռի նորոգ հանգուցեալ գահակալին համար:
Հանրապետութեան նախագահը անձամբ վշտակցութիւն յայտնեց պատրիարքական ընդհ. փոխանորդին:
էրտողանի առընթեր Տ. Արամ Արք. Աթէշեանի հետ կապ հաստատեցին նաեւ արտաքին գործոց
նախարար Մեւլիւտ Չավուշօղլու եւ ներքին գործոց նախարար Սիւլէյման Սոյլու: Իսթանպուլի կուսակալ Ալի Եէրլիքայա եւ գլխաւոր քաղաքապետ Մեւլիւտ Ույսալ այսօր կէսօրին կ՚այցելեն Գումգաբու:
Հայաստանի պետական աւագանին շաբաթավերջին ցաւակցականներ հրապարակեց Ամեն. Ս. Պատրիարք Հօր վախճանման կապակցութեամբ։ Հանրապետութեան նախագահ Արմէն Սարգսեան եւ վարչապետ Նիկոլ Փաշինեան պատգամներով հանդէս եկան՝ արտայայտելով իրենց ցաւը։
Ուղղափառ եկեղեցւոյ ծայրագոյն պատրիարք Տ.Տ. Պարթոլոմէոս Ա. երէկ յետմիջօրէին ցաւակցական այցելութեան մը փութաց Գումգաբու։ Պատրիարքարանի մուտքին ան դիմաւորուեցաւ Կրօնական ժողովի ատենապետ Տ. Սահակ Եպսկ. Մաշալեանի կողմէ։
Կրօնական Ժողովը 9 Մարտ 2019, Շաբաթ, ժամը 23.00-ին գումարուեցաւ Պատրիարքարանի մէջ, նախագահութեամբ Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեանի։
Համայնքը խոր սուգի մէջ. ոչ եւս է Թուրքիոյ հայոց 84-րդ պատրիարք Ամենապատիւ Տէր Մեսրոպ Սրբազան Արքեպիսկոպոս Մութաֆեան։
Շուրջ 11 տարուան ծանր հիւանդութենէ վերջ ամեն. Ս. Պատրիարք հայրը երէկ կէսօրուան ժամերուն ի տէր հանգաւ սուրբ փրկիչ ազգային հիւանդանոցի մէջ, ուր կը խնամուէր երկար ժամանակէ ի վեր։
Նորին ամենապատուութեան մահուան լուրը անմիջապէս հաղորդուեցաւ Մայր Աթոռ Սուրբ Էջմիածին։ Տ. Արամ Արք. Աթէշեան հեռախօսազրոյց մը ունեցաւ Ամենայն Հայոց Վեհափառ Հայրապետին հետ, որ փոխանցեց իր բարոյական զօրակցութիւնը։ Հանրապետութեան նախագահ Էրտողանն ալ ընդհանուր փոխանորդին հետ հեռաձայնով կապ հաստատեց՝ յայտնելով իր ցաւակցութիւնները։ Այսօր երեկոյեան Գումգաբուի մէջ տեղի կ՚ունենայ Կրօնական ժողովի նիստ մը, որով կը ճշդուի յառաջիկայ սուգի օրերու ընթացքը։
Ամեն. Ս. Պատրիարք Հօր մարմինը երէկ յետմիջօրէին Սուրբ Փրկիչ Ազգային հիւանդանոցէն փոխադրուեցաւ Սուրբ Աստուածածին Աթոռանիստ Մայր եկեղեցի։ Եւ առաջին աղօթքը։ Արարողութեան հանդիսապետեց Պատրիարքական Աթոռի լուսարարապետ Տ. Թաթուլ Ծ. Վրդ. Անուշեան։ Զանազան թաղերէ հաւատացեալներ բօթը լսելով համախմբուեցան Գումգաբուի մէջ։
