Ամենայն Հայոց Տ.Տ. Գարեգին Բ. Կաթողիկոսի օրհնութեամբ, Մայր Աթոռ Սուրբ Էջմիածնի հրատարակչութեան բաժինը գրասէրներու տրամադրութեան տակ դրաւ նոր գիրք մը։ Մայր Աթոռ Սուրբ Էջմիածնի միաբան Տ. Մեսրոպ Արք. Տէր-Մովսիսեանի «Պատմութիւն Սուրբ Գրոց հայկական թարգմանութեան» աշխատութիւնն է այս մէկը, որ ռուսերէնէ թարգմանուած է Սուսաննա Նահապետեանի կողմէ։
Հայաստանի վարչապետ Նիկոլ Փաշինեան այսօր պաշտօնական այցելութիւն մը կու տայ Թեհրան։ Իրեն կ՚ընկերանան տիկինը՝ Աննա Յակոբեան եւ այլ բարձրաստիճան պաշտօնատարներ։
Հնդկաստանի եւ Փաքիստանի միջեւ երէկ յանկարծ աննախընթաց լարուածութիւն մը ծագեցաւ եւ այդ մէկը կը հասնի պատերազմական իրավիճակի մը եզրին։ Իսլամապատի եւ Նիւ Տելհիի ղեկավարութիւններուն միջեւ շուրջ երկու շաբաթէ ի վեր տարաձայնութիւնները հասած էին լուրջ համեմատութեան։
Անգլիոյ վարչապետ Թերեզա Մէյ երէկ խորհրդարանին մէջ հերթական անգամ ելոյթով մը հանդէս եկաւ BREXIT-ի շուրջ։ Ան յայտնեց, որ եթէ Եւրոմիութեան հետ՝ վերատեսութեան ենթարկուած ու համաձայնեցուած BREXIT-ի համաձայնութեան տարբերակն ալ մերժուի խորհրդարանին կողմէ, ապա օրակարգի վրայ պիտի գան առանց համաձայնութեան բաժանումի եւ կամ BREXIT-ի ժամկէտի յետաձգման վարկածները։
«Հայաստանի ստացած դրամական աջակցութեան չափը էապէս պիտի աւելնայ յառաջիկայ շրջանին»:
Երեւանի եւ Եւրոմիութեան ապագայ համագործակցութեան ճանապարհային քարտէսը պիտի յստականայ մինչեւ մարտի վերջը:
Երեւանի Օփերայի երդիքին տակ երէկ երեկոյեան տեղի ունեցաւ հանդիսաւոր նուագահանդէս մը։ Յայտնի դաշնակահար Սվետլանա Նաւասարդեան հանդէս եկաւ համերգով մը, որ արժանացաւ երաժշտասէրներու անմիջական ուշադրութեան։
Եւրոմիութեան օժանդակութեամբ Կազիանթէպի մէջ պիտի հիմնուի Անատոլուի Հնագիտութեան եւ մշակութային ժառանգութեան կաճառը։ «Անատոլու» գործակալութեան հաղորդումներով, Եւրոմիութեան կողմէ 7.5 միլիոն եւրօ յատկացուած է այս ծրագրին համար։
Վաքըֆներու խորհուրդի մօտ փոքրամասնութեանց ներկայացուցիչ Մորիս Լեւի երէկ յայտարարութիւնով մը հանդէս եկաւ Պալաթի Ս. Հրեշտակապետ եկեղեցւոյ դէմ շաբաթավերջին կատարուած տգեղ արարքին կապակցութեամբ, որով եկեղեցւոյ մայր դրան եւ պատերուն վրայ ներկով անարգական արտայայտութիւններ գրուած էին։ Թուրիքոյ Հանրապետութեան հանրային կարծիքին ուղղեալ այս յայտարարութեան մէջ նշուած է, որ եկեղեցւոյ թաղային խորհուրդը այս հարցին բերումով դիմած է Անվտանգութեան տնօրէնութեան։
Սամաթիոյ ընտանիքը ցաւ ի սիրտ հրաժեշտ տուաւ անժամանակ մահացած հարազատին:
Նորոգ հանգուցեալ Աւետիս Արզումանի փառաշուք յուղարկաւորութիւնը՝ Ս. Գէորգ եկեղեցւոյ մէջ:
Փաշինեանի եւ Ալիեւի միջեւ հանդիպում մը կազմակերպելու ուղղեալ ջանքեր. յստակ թուական չկայ:
Հայաստանի վարչապետը երէկ հեռախօսազրոյց մը ունեցաւ Ռուսաստանի նախագահ Վլատիմիր Փութինի հետ:
