Լրահոս

Հայաստանի վարչապետ Նիկոլ Փաշինեան պիտի մասնակցի Տաւոսի Համաշխարհային տնտեսական ֆորումին։ «Արմէնփրէս»ի հաղորդումներով, ան յառաջիկայ շաբաթ պիտի այցելէ Զուիցերիա, ուր Տաւոսի ֆորումը նախատեսուած է 22-25 յունուարին։

Մինչ Ամերիկայի Միացեալ Նահանգներու զօրքերու Սուրիայէ դուրսբերման հարցը առաջնահերթօրէն կը զբաղեցնէ օրակարգը, երէկ Մենպիչի մէջ ամերիկացի զինուորներու դէմ կատարուեցաւ յարձակում մը։ Մենպիչի ճաշարաններէն մէկուն առջեւ պայթեցաւ կենդանի ռումբ մը։

Հայաստանեայց Առաքելական Եկեղեցին այս օրերուն Երուսաղէմի մէջ ըստ Հին տոմարի կը տօնախմբէ Ամանորն ու Ս. Ծննդեան եւ Աստուածայայտնութեան տաղաւարը։ Կը տեղեկանանք, որ Իսթանպուլէն ուխտաւորներու զանազան խումբեր Սուրբ Քաղաք մեկնած են մասնակցելու համար աւանդական արարողութիւններուն։

Անգլիոյ խորհրդարանէն ներս երէկ վստահութեան քուէարկութիւն տեղի ունեցաւ՝ վարչապետ Թերեզա Մէյի կողմէ գլխաւորուած կառավարութեան համար։ Արդիւնքին, Թերեզա Մէյ ստացաւ խորհրդարանի վստահութեան քուէն։

Հայ յեղափոխական դաշնակցութեան (ՀՅԴ) 33-րդ ընդհանուր ժողովը այս օրերուն տեղի կ՚ունենայ Արցախի մէջ։ Կուսակցութեան ղեկավար կազմին մէջ փոփոխութիւններ կը նախատեսուին այս ընդհանուր ժողովով՝ հաշուի առնելով, որ Հայաստանի ներքին քաղաքական վերջին իրադարձութիւններուն ժամանակ որդեգրած դիրքորոշման բերումով ՀՅԴ կը դիմագրաւէ դժուարութիւններ։

Ընդհանուր սպայակոյտի նախագահ զօրավար Եաշար Կիւլէր երէկ Պրիւքսելի մէջ հանդիպում մը ունեցաւ Ամերիկայի Միացեալ Նահանգներու ընդհանուր սպայակոյտի նախագահ զօրավար Ճոզըֆ Տանֆորտի հետ։ «Անատոլու» գործակալութեան հաղորդումներով, ՆԱԹՕ-ի կեդրոնակայանէն ներս տեղի ունեցաւ այս դռնփակ հանդիպումը, որ տեւեց շուրջ ժամ մը։

Թուրքիոյ եւ Ամերիկայի Միացեալ Նահանգներու միջեւ մօտեցումները հետզհետէ կը հասուննան Սուրիոյ տագնապի լուծման շուրջ:
Հանրապետութեան նախագահ Րէճէպ Թայյիպ Էրտողան շատ դրական կը համարէ իր ամերիկացի պաշտօնակցին՝ Տանըլտ Թրամփի հետ ունեցած վերջին հեռախօսազրոյցը:

Հայաստանի Արտաքին գործոց նախարար Զօհրապ Մնացականեան այսօր Փարիզի մէջ հանդիպում մը կ՚ունենայ Ատրպէյճանի Արտաքին գործոց նախարար Էլմար Մամետեարովի հետ։ ԵԱՀԿ-ի Մինսքեան խմբակի համանախագահներու միջնորդութեամբ եւ մասնակցութեամբ։

Ա­մե­րի­կեան «The Intercept» կայ­քէ­ջը հա­ղոր­դեց, որ Սպի­տակ տան Ազ­գա­յին անվ­տան­գու­թեան խորհր­դա­կան Ճոն Պոլ­թըն հետզ­հե­տէ կ՚ա­ւելց­նէ իր ազ­դե­ցու­թիւ­նը Ա­մե­րի­կա­յի Միա­ցեալ Նա­հանգ­նե­րու ար­տա­քին քա­ղա­քա­կա­նու­թեան մէջ եւ ան կը ձգտի ռմբա­կո­ծել Ի­րա­նը։ «Ա­նա­տո­լու» գոր­ծա­կա­լու­թեան հա­ղոր­դում­նե­րով, Մեհ-­տի Հա­սա­նի ստո­րագ­րու­թեամբ լոյս տե­սած է այս լրա­տուու­թիւ­նը, ըստ ո­րու Պոլ­թըն ԱՄՆ-ի վար­չա­խում­բէն ներս լուրջ ու­ժի մը հա­սած է եւ կը ձգտի Ի­րա­նի դէմ պա­տե­րազ­մի։

Անգլիոյ Եւրոմիութենէն դուրս գալու գործընթացը՝ BREXIT վերածուեցաւ իսկական թնճուկի մը։ Լոնտոնի ղեկավարութեան եւ ԵՄ-ի միջեւ համաձայնեցուած BREXIT-ի համաձայնութիւնը չարժանացաւ Անգլիոյ խորհրդարանի հաւանութեան։