Արխիւ

Հայաստանի վարչապետ Նիկոլ Փաշինեան երէկ Մոսկուայի մէջ հանդիպում մը ունեցաւ Ռուսաստանի նախագահ Վլատիմիր Փութինի հետ։ Պաշտօնական աղբիւրներու հաղորդումներով, երկու նախագահները քննարկեցին Հայաստանի եւ Ռուսաստանի միջեւ երկկողմանի ու բազմակողմանի ձեւաչափով համագործակցութեան օրակարգին վերաբերեալ հարցեր։

Նորին Սուրբ Օծութիւն Տէր Տէր Գարեգին Բ. Ծայրագոյն Պատրիարք եւ Ամենայն Հայոց Սրբազնագոյն Վեհափառ Կաթողիկոսի օրհնութեամբ եւ հրամանով:
Առաջին անգամ ԺԱՄԱՆԱԿ օրաթերթի հիմնադիր Միսաք Գօչունեանի կողմէ աշխարհաբարի վերածուած՝ Սուրբ Գրիգոր Նարեկացիի «Մատեան ողբերգութեան» աղօթագիրք-երկը
վերահրատարակուեցաւ՝ Տ. Արարատ Քհնյ. Պօղոսեանի ջանքերով եւ յայտնի պատմաբան փրոֆեսէօր Հրաչիկ Միրզոյեանի խմբագրմամբ: 

ԺԱՄԱՆԱԿ-ի հիմնադիր Միսաք Գօչունեանի կողմէ առաջին անգամ աշխարհաբարի վերածուած Նարեկի վերահրատարակութեան առթիւ որդիական զգացումներով կու գանք մեր ամենախորին երախտագիտութիւնը յայտնել Ն.Ս.Օ.Տ.Տ. Գարեգին Բ. Ամենայն Հայոց Սրբազնագոյն Կաթողիկոսին, որու օրհնութիւնով ու հրամանով վերահրատարակուած է գիրքը։ Վեհափառ Հայրապետի ցուցաբերած վերաբերմունքը մեզ կը խրախուսէ Քասիմի աւանդին հաւատարիմ մնալու ճանապարհին։

Հայաստանի Հանրապետութեան վարչապետ Նիկոլ Փաշինեան այսօր Մոսկուայի մէջ կը տեսակցի Ռուսաստանի նախագահ Վլատիմիր Փութինի հետ:
Բանբեր Մարիա Զախարովա. «Քրեմլին կ՚ընէ իրմէ կախեալ ամէն ինչ՝ Լեռնային Ղարաբաղի հակամարտութեան կարգաւորումը ապահովելու համար»:

Ս. ՄԱՀՍԷՐԷՃԵԱՆ

Հայաստանի մէջ Ազգային ժողովի ընտրութիւններուն ու արդիւնքներուն շուրջ բարձրացած փոթորիկը տակաւին չէ խաղաղած. քաղաքական բեմն ու անոր հետեւող մամուլը ամէն օր նորութիւն կը փնտռեն, եւ կը գտնեն, գնահատելու այս քայլը կամ դատափետելու մէկ այլ որոշում՝ սկսելով նոր խորհրդարանի դիւանին, յանձնաժողովներուն, նախարարութեանց եւ յարակից հարցերէն, ներքին ու արտաքին ընդդիմադիր ճակատներու ձեւաւորումէն, մինչեւ՝ իրաւական հետապնդումներ եւ գողօններու վերադարձ: Այս բոլորը «ներքին կարգով» քննարկելի եւ լուծելի հարցեր են, կը ստեղծեն իրաւ կամ խոշորացոյցով դիտուող մտահոգութիւններ:

Թոփգաբուի Լեւոն-Վարդուհեան վարժարանի աշակերտները Ամանորի եւ Ս. Ծննդեան տօնին ընդառաջ երէկ անցուցին հաճելի օր մը։ Տղաքը հաւաքաբար այցելեցին «Աքուափարք», Ֆլորիա։

Ամենայն Հայոց Տ.Տ. Գարեգին Բ. Կաթողիկոսը Ամանորի եւ Ս. Ծննդեան սեմին մէկտեղուեցաւ մանուկներու եւ տարեցներու հետ:
Նորին Սրբութիւնը այցելեց Էջմիածնի բարեգործական ճաշարանն ու «Քիւրքճեան» երեխաներու աջակցութեան կեդրոնը, ուր յանձնեց նուէրներ:

Արեւմտեան Եւրոպայի Հայրապետական պատուիրակ Տ. Խաժակ Արք. Պարսամեան վերջերս այցելեց Սպանիա, ուր ջերմ վերաբերմունքի արժանացաւ տեղւոյն հայութեան կողմէ։ Սպանիոյ մէջ հայութեան հետքերը կը հասնին մինչեւ 16-րդ դար։

Արտաքին գործոց նախարար Մեւլիւտ Չավուշօղլու յայտարարեց, որ Թուրքիա կը շարունակէ վճռակամ մնալ՝ Եփրատի արեւելքը ահաբեկիչներէն մաքրագործելու ուղղութեամբ։ Ան աւելցուց, որ Թուրքիա ի վիճակի է առանձինն չէզոքացնելու ԻՇԻՊ-ը («Իրաք-Շամի իսլամական պետութիւն» ահաբեկչական խմբաւորում)։