Արխիւ

Հայաստանի Արտաքին գործոց նախարար Զօհրապ Մնացականեան երէկ Փարիզի մէջ հանդիպում մը ունեցաւ Ֆրանսայի Ազգային ժողովի արտաքին յարաբերութիւններու յանձնաժողովի նախագահ Մարիէլ տը Սարնեզիի հետ։ Տեսակցութեան ընթացքին կարծիքներ փոխանակուեցան միջազգային եւ տարածքաշրջանային բնոյթով շարք մը հրատապ հարցերու շուրջ։

ԱՐԱ ԳՕՉՈՒՆԵԱՆ

Զատկի տօնէն վերջ սկիզբ պիտի առնէ պատրիարքական ընտրութեան գործընթացը։ Ինչ որ ալ ըլլան որոշ նեղ շրջանակներու տրամադրութիւնները (այս նիւթին երէկ անդրադարձած էինք այս սիւնակին մէջ), վերջին հաշուով թրքահայ իրականութեան մօտ այս պահուն կը տիրէ սպասողական վիճակ։

​Երէկ հոգեհանգստեան պաշտօն տեղի ունեցաւ երանաշնորհ Մեսրոպ Պատրիարքի Շիշլիի գերեզմանատան շիրմին վրայ՝ իր մահուան քառասնից լրման առթիւ:

ԳԷՈՐԳ ՔԷՕՇԿԷՐԵԱՆ

Ամերիկեան օրացոյցին մէջ կան իւրայատուկ օրեր, երբ պետական պաշտօնատեղիներն ու հանրային դպրոցները փակ կը մնան, յիշատակելու այդ օրերուն զուգադիպող տօները։ Օրինակ՝ Մարթին Լուտըր Քինկ օր, Նախագահներու օր, Նահատակաց օր, Բանուորական օր, Վեթերաններու օր եւ այլն։

Գրաբարէ թարգմանեց՝ 
ՎԱՐԱՆԴ ՔՈՐԹՄՈՍԵԱՆ

Իսկ այսօր, այսօրուան մեծ եւ հոյակապ օրը՝ Հինգշաբթին, կարգելով շարակարգեցինք խորհրդածութեան բացափայլութիւնը, որ նոյնինքն արարչագործութեան հինգերորդ օրուան օրինակն ու պատկերն է, որուն ընթացքին ջուրերը բղխեցան՝ Աստուծոյ հրամանով, բոլոր տեսակի կենդանիները՝ երկրի, երկինքի եւ ջուրերուն մէջ եղող, իւրաքանչիւր սեռրն ու տեսակները բաժնուած եւ որոշուած (իրարմէ), որոնք կ՚ընթանան ջուրերու շաւիղներէն. (անոնց) շնչառութիւնը՝ ռնգուքներով չեն կլաներ օդը, այլ ջուրէն կ՚արտաշնչեն, ինչպէս ցամաքայինները՝ օդը։ Հողմերը անոնց ըմպելիքներն են, ինչպէս ցամաքայիններունը՝ ջուրերը. որովհետեւ խորերէն դէպի վեր կ՚ընթանան օդ կլանելու. ինչպէս որ ցամաքայինները խեղդելով կը սպաննեն ջուրերը, նոյնպէս եւ ջրայինները՝ օդը։

Պատրիարքական ընդհանուր փոխանորդ Տ. Արամ Արք. Աթէշեան երէկ շնորհաւորական այցելութիւն մը տուաւ Ֆաթիհի նորընտիր քաղաքապետ Էրկիւն Թուրանին։ Գումգաբուի աղբիւրներու հաղորդումներով, նորին սրբազնութեան հետ էին Ֆաթիհի գաւառակէն ներս գտնուող մեր եօթ եկեղեցիներու թաղային խորհուրդներու ատենապետները կամ ներկայացուցիչները։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայկական բարեգործական ընդհանուր միութեան (ՀԲԸՄ) Պուէնոս Այրէսի մասնաճիւղի տիկնանց յանձնախումբի անդամուհիները, որոնց հետ էր նաեւ ՀԲԸՄ-ի բազմամեայ գործիչներէն, Մայր Աթոռ Սուրբ Էջմիածնի բարերար Ռուբէն Քեշիշեան։ Հանդիպման սկիզբին Ռուբէն Քեշիշեան ներկայացուց ուխտագնացութեան մասնակիցները՝ ուրախութիւն յայտնելով Հայաստանի մէջ գտնուելու կապակցութեամբ։

Հանրապետութեան նախագահ Էրտողան հիւրընկալեց Իրանի Արտաքին գործոց նախարար Զարիֆը:
Թեհրան կը ձգտի, որ Թուրքիա եւ Սուրիա ապագային լաւ յարաբերութիւններու մէջ ըլլան՝ որպէս հարեւան երկիրներ:

ՀԲԸՄ Նիւ Եորքի մէջ ճաշասեղանով մը պատուեց Հայաստանի վարչապետի տիկինը:
Աննա Յակոբեան ներկայացուց իր գլխաւորած բարեգործական հիմնադրամներուն գործունէութիւնը: