Արխիւ

Կիւմրիի Վ. Աճեմեան անուան պետական տրամաթիքական թատրոնը յառաջիկայ Նոյեմբերի 1-ին եռօրեայ հիւրախաղերով հանդէս կու գայ Երեւանի մէջ։ Մայրաքաղաքին մէջ իրականացուելիք ելոյթները կը նուիրուին բեմադրիչ Հայաստանի ժողովրդական արուեստագէտ Փրոֆ. Նիքոլայ Ծատուրեանի յոբելեանին (ծննդեան 70-ամեակը լրացած է 2015 թուականին)։ Սոյն հիւրախաղերուն կ՚աջակցի Հայաստանի Մշակոյթի նախարարութիւնը։

Արժանթինի մօտ Հայաստանի դեսպանատան մէջ, Հոկտեմբերի 18-ին, տեղի ունեցած է Հայաստանի եւ Արցախի մեծ բարերարներ, Արժանթինի մօտ Հայաստանի դեսպանատան շէնքի նուիրատուներ Ատրիանա եւ Էտուարտօ Սեֆերեաններու անուան սրահի բացման արարողութիւնը։

Հայաստանի մէջ արդէն երրորդ անգամ տեղի կ՚ունենայ «Աշխարհի գոյները» փառատօնը՝ «Խճանկար» խորագրով։ Փառատօնի կազմակերպիչներէն Արման Կարապետեան նախընթաց օր կայացած մամլոյ ասուլիսին ընթացքին նշեց, որ ան պիտի ըլլայ երաժշտական փառատօն։

Հայաստանի Վարչապետ Կարէն Կարապետեանին հրաւէրին ընդառաջ՝ յառաջիկայ շաբաթ Ռուսաստանի Վարչապետ Տիմիթրի Մետվետեւ պաշտօնական այցելութիւն մը պիտի տայ Երեւան։ «Արմէնփրէս»ի հաղորդումներով, ռուս վար-չապետին պաշտօնական այցը նախատեսուած է Երեքշաբթի, 24 Հոկտեմբերին։

Գործարար Օսման Քավալայի հսկողութեան տակ առնուելուն արձագանգները կը շարունակուին։ «Անատոլու քիւլթիւր» ընկերութեան վարչութեան ղեկավար Քավալա նախընթաց օր Կազիանթէպէ Իսթանպուլ վերադարձին Եշիլգիւղի «Աթաթիւրք» օդակայանին մէջ հսկողութեան տակ առնուելով տարուած էր հարցաքննութեան։

Գերմանիոյ նախագահ Շթայնմայէր երէկ հիւրընկալեց Արեւելեան Ուղղափառ եկեղեցիներու պետերը:
Ամենայն Հայոց Տ.Տ. Գարեգին Բ. Կաթողիկոսը գերմանահայ հաւատացեալներուն փոխանցեց իր օրհնութիւնները:

Կը տեղեկանանք, որ Սկիւտարի Ս. Խաչ եկեղեցւոյ թաղային խորհուրդը յաջողած է դրական ենթագետին մը պատրաստել Իսթանպուլի Քաղաքի մասնաւոր վարչութեան հետ վերջին տարիներուն ձեռնարկած համատեղ աշխատանքին շնորհիւ։ Թաղային խորհուրդի ատենապետ Յովհաննէս Կոպոյեան մեզի յայտնեց, որ մօտաւորապէս հինգ տարիէ ի վեր Քաղաքի մասնաւոր վարչութեան հետ ծաւալուն աշխատանք կը տանին՝ ապահովելու համար Ս. Խաչ եկեղեցւոյ շէնքի վերանորոգութիւնը։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Երբ կը բոլորենք մշակոյթի շաբաթը եւ ոգեւորութեամբ կ՚ապրինք մշակոյթի բարիքները, կարելի չէ՛ չյիշել Ս. Գրիգոր Նարեկացին, որ հայ գիրը գործածած է կարծես ձայնագրութիւն, լեզուին տուած է երաժշտական նկարագիր եւ իր գործերով, մանաւանդ «Նարեկ» աղօթամատեանով, հայ լեզուն եւ գիրը հասցուցած է իր գագաթնակէտին՝ ցոլացուցած է անոր իսկական գեղեցկութիւնը իր ամբողջ էութեամբը։

Արցախի Պատմութեան եւ մշակոյթի անշարժ յուշարձաններու ցուցակին մէջ ներկայիս հաշուառուած է շուրջ չորս հազար յուշարձան։ Ինչպէս «Արմէնփրէս»ին տեղեկացուցին Հայաստանի Մշակոյթի նախարարութեան Պատմամշակութային արգելոց-թանգարաններու եւ պատմական միջավայրի պահպանութեան ծառայութենէն (ՊՈԱԿ), Արցախի Մշակոյթի նախարարութեան Պատմական միջավայրի պահպանութեան պետական ծառայութեան (ՊՈԱԿ) գիտական գծով փոխ-տնօրէն, պատմական գիտութիւններու թեկնածու Նժդեհ Երանեան կը կարեւորէ Արցախի տարածքէն ներս յուշարձաններու մանրամասն հետազօտութիւնը։