Արխիւ

Գերմանիա կը քննադատէ Ամերիկայի Միացեալ Նահանգներու կողմէ որդեգրուած քաղաքականութիւնը:
Կապրիէլ մտահոգ Թրամփի անըմբռնելի մարտաշունչ հռետորաբանութեան մասին՝ Հիւսիսային Քորէայի հարցին շուրջ:

Գրեց՝ ԱՆՈՒՇ ԹՐՈՒԱՆՑ

Հայաստանէն դէպի Յունաստան զբօսաշրջային ծրարներ առաջարկող երեւանեան բազում ընկերութիւններէն մէկուն գրասենեակն ենք: Տոմսակներ, հիւրանոցներ եւ պտոյտներ առաջարկելուն զուգահեռ, գրասենեակի աշխատակցուհին կը հարցնէ. «Իսկ մուշտակի թուրեր կ՚ուզէ՞ք»

Տիրամայր Մարի Մութաֆեանի դէմ Գումգաբուի մէջ որդեգրուած դիրքորոշումը տեղի տուաւ աղմուկի մը:
Պատրիարքարանը կը հերքէ մամլոյ հրապարակումները, իսկ Տ. Արամ Արքեպիսկոպոս Աթէշեան՝ Պատրիարքարանը:

ՏՔԹ. ՀՐԱՅՐ ՃԷՊԷՃԵԱՆ

Երեւի հայ «ըլլալու» եւ «մնալու» հրամայականը քիչ մը ամէն տեղ ինքզինք զգալի կը դարձնէ աշխարհի ամբողջ տարածքին: Աւստրալիոյ Սիտնի քաղաքը բացառութիւն պիտի չկազմէ: Եթէ քաղաքին գեղեցկութիւնը կը զգլխէ ու կ՚անցնի ամէն երեւակայութիւն, կը սքանչանաս եւ երեւի քիչ մըն ալ կը «նախանձիս» այն բոլորին, որոնք կ՚ապրին այդ գեղեցկութեան մէջ, բայց այդ քաղաքին մէջ առկայ է նաեւ հայկական գեղեցկութիւնը:

Պրիւքսելի «Կրան փլաս» հրապարակին մէջ, փռուած է հարիւր հազարաւոր կենդանի ծաղիկներէն հիւսուած գորգ մը: Երկու տարին անգամ մը Եւրոպայի ամենագեղեցիկ հրապարակներէն մէկը զարդարելու աւանդութիւնը յղացած է 1971 թուականին:

Հոլիվուտեան դերասան Լէոնարտօ տի Քափրիօ նկարիչ եւ գիտնական-գիւտարար Լէոնարտօ տա Վինչին կը մարմնաւորէ Վերածնունդի շրջանի հանճարի կենսագրութեան շարժապատկերին մէջ։

Արցախի ճակատին վրայ երէկ դարձեալ հայ զինուոր մը նահատակուեցաւ՝ Ատրպէյճանի կողմէ բացուած կրակին հետեւանքով։ Լեռնային Ղարաբաղի Պաշտպանութեան նախարարութեան հաղորդումներով, դէպքը պատահեցաւ Պաշտպանութեան բանակի հիւսիս-արեւելեան ուղղութեամբ տեղակայուած զօրամասերէն մէկուն մէջ, տեղական ժամով շուրջ 11-ին։

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Յիսուսի Այլակերպութիւնը կամ Պայծառակերպութիւնը, որուն յիշատակը կը տօնուի որպէս հինգ տաղաւար տօներէն երրորդը, Իր Աստուածային Բնութեան հաւաստո՛ւմն է։ Լերան վրայ պայծառակերպուեցաւ, եւ աշակերտները՝ Պետրոս, Յակոբոս եւ Յովհաննէս իրենց հասկացողութեան եւ կարողութեան չափով հիացմամբ դիտեցին Յիսուսի փառքը՝ Քրիստոս Աստուծո՛յ փառքը, որպէսզի երբ օր մը զԻնք խաչուած տեսնեն, հասկնան թէ Իր չարչարանքները կամաւոր էին եւ աշխարհին աւետեն, թէ Ան Հօր Աստուծոյ իսկական ճառագայթո՛ւմն է։ Եւ տեսնեն, թէ՝ Աստուած «լո՛յս» է։

ՍԱԳՕ ԱՐԵԱՆ

Շահան Շահնուր գրողէն  բացի գոյութիւն ունի այլ Շահնուր մը, որուն արեան եւ երակներուն մէջ մէջ հաւասարաչափ կիրքով կը վազէ հրապարակախօս մարդուն տագնապը: