Չորեքշաբթի 5, Մարտ 2025
Արխիւ
Շաբաթ, Յունիս 24, 2017
Երէկ երեկոյեան, Գումգաբուի մէջ կազմակերպուած փայլուն հանդիսութիւնով մը Կեդրոնականի ընտանիքը հրաժեշտ տուաւ վարժարանի 2016-2017 կրթական շրջանի ընթացաւարտներուն։ Աթոռանիստ Մայր Եկեղեցւոյ համալիրէն ներս այս առթիւ ստեղծուեցաւ մեծ ոգեւորութիւն։
Ուրբաթ, Յունիս 23, 2017
Պատրիարքական ընտրութեան նախապատրաստական գործընթացը յառաջ կը տարուի բազմակողմանի խորհրդակցութիւններով, որոնց արդիւնքով աստիճանաբար կը բիւրեղանան համայնքային շրջանակներու սպասումները եւ կը յստակենայ հերթականութիւնը այն շփումներուն, որոնք պիտի մշակուին պատկան իշխանութիւններուն հետ:
Ուժերու գործնական համախմբում: Կրօնական ժողովէն վերջ, թրքահայ գլխաւոր աշխարհական վարիչներն ալ անվերապահ զօրակցութիւն յայտնեցին տեղապահ սրբազան հօր նկատմամբ: Գումգաբուի երէկուան հանդիպման զուգահեռ՝ Տ. Գարեգին Արք. Պեքճեան այսօր դարձեալ կը մէկտեղուի իր անմիջական շրջապատի դէմքերուն հետ: Նորին սրբազնութիւնը վաղը պատրիարքարանի երդիքին տակ պիտի տեսակցի նաեւ Տ. Արամ Արք. Աթէշեանի հետ:
Ատենապետ Պետրոս Շիրինօղլուի եւ Թորոս Ալճանի միջոցաւ պետական մարմիններէն փոխանցուած դրական ազդանշանները կը շարունակուին: Իսլամաց մօտալուտ Ռամազան տօնի արձակուրդէն անմիջապէս վերջ Իսթանպուլի կուսակալութեան պիտի ներկայացուի առաջին դիմումը: Ամուր հիմքեր կը ստեղծուին՝ նոր նախաձեռնարկ մարմին մը կազմելու նպատակով:
Ուրբաթ, Յունիս 23, 2017
Արցախի ճակատին վրայ լարուածութիւնը կը մնայ առկայ։ Ատրպէյճանի բանակին կողմէ ձեռնարկուած ռազմափորձերու մթնոլորտին մէջ անցեալ շաբաթավերջին սաստկացած էին հրադադարի խախտումները եւ ազէրի զօրքերուն կողմէ կատարուած յարձակումներուն զոհ գացած էր չորս հայ զինուոր։
Ուրբաթ, Յունիս 23, 2017
Երէկ երեկոյեան Էսաեան վարժարանին մէջ տեղի ունեցաւ 2016-2017 կրթական շրջանի ընթացաւարտներու հրաժեշտի հանդիսութիւնը։ Դպրոցէն ներս մեծ խանդավառութիւն ստեղծեց շրջանաւարտներուն ի պատիւ կազմակերպուած այս ձեռնարկը եւ Էսաեանի ընտանիքը յարատեւ յաջողութեան մաղթանքով հրաժեշտ տուաւ ընթացաւարտներուն։
Ուրբաթ, Յունիս 23, 2017
ԳԷՈՐԳ ՊԵՏԻԿԵԱՆ
Կրկին ուրախ լուր: Այս անգամ Հայկը մեր քովն է: Նոր խապրիկ: Վեց եւ քիչ մը աւելի տարիք ունեցող մեր թոռնիկը այս շաբթուան բոլոր օրերը մեզի հետ պիտի անցընէր, որովհետեւ իր հայրն ու մայրը, իր չար բախտէն, իսկ մեր բարի բախտէն՝ իրենց աշխատանքին կամ գործի բերումով քաղաքէն պիտի բացակայէին եւ իրարմէ տարբեր նահանգներու մէջ սեմինարներու ներկայ պիտի ըլլային պարտադրաբար: Զուգադիպութիւն:
Ուրբաթ, Յունիս 23, 2017
ՆՈՒԱՐԴ ՄԱՏՈՅԵԱՆ-ՏԱՐԱԳՃԵԱՆ
Ֆրետերիք Ֆէյտին այն գիտնականն է, որ հայոց լեզուն ուսումնասիրած է ոչ միայն ելլելով լեզուի տեսութեան պահանջներէն, այլեւ փորձած է ճանչնալ հայոց դարաւոր մշակոյթը, գիրն ու գրականութիւնը, պատշաճ արժեւորումը տալ հայ ժողովուրդին։
Ուրբաթ, Յունիս 23, 2017
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Ստորեւ կը շարունակենք ներկայացնել Թովմա Ա. Քհնյ. Շիկահերի հպարտութեան մասին յօդուած-քարոզը՝ որ հրատարակուած է Պոլսոյ Քահանայից Միութեան կողմէ՝ 1931 թուականին, «Եօթն Մահացու Մեղքեր» հատորին մէջ։ Այս շահեկան յօդուածը առիթ մըն է անդրադառնալու «հպարտութեան» վա՜տ զգացումին, եւ սրբագրելու մեր սխալները այդ մասին, եթէ ունինք…։
Ուրբաթ, Յունիս 23, 2017
Պատրիարքական Տեղապահ Տ. Գարեգին Արք. Պեքճեան երէկ երեկոյեան մասնակցեցաւ Թուրքիոյ ոչ-իսլամ փոքրամասնական համայնքներու հաստատութիւններուն անունով կազմակերպուած իֆթարի սեղանին։ Ինչպէս ծանօթ է, վերջին շրջանին աւանդութիւն մը դարձած է նման ընթրիքներու կազմակերպումը։
Ուրբաթ, Յունիս 23, 2017
Պատրիարքական Աթոռը ընտրութեան հարցին շուրջ երէկ ի վերջոյ դիմում կատարեց պետութեան:
Տ. Գարեգին Արքեպիսկոպոս Պեքճեան եւ Տ. Սահակ Եպսկ. Մաշալեան ստորագրեցին կուսակալութեան ուղղեալ նամակը:
Հինգշաբթի, Յունիս 22, 2017
Պէշիկթաշի քաղաքապետութեան նախաձեռնութեամբ երէկ երեկոյեան իֆթարի սեղան մը սարքուեցաւ Չըրաղանի «Four Seasons» պանդոկին մէջ։ Պէշիկթաշի քաղաքապետ Մուրատ Հազինետարի տանտիրութեամբ ընթրիքի սեղաններու շուրջ համախմբուեցան զանազան յարանուանութիւններու եւ հասարակութեան զանազան շրջանակներու ներկայացուցիչներ։
Հինգշաբթի, Յունիս 22, 2017
Հայաստանի կառավարութիւնը կը նախատեսէ ապահովել 5 տոկոս տնտեսական աճ:
Վարչապետ Կարապետեան խորհրդարանի ամպիոնէն պատասխանեց երեսփոխաններու հարցումներուն:
Հինգշաբթի, Յունիս 22, 2017
Հայաստանի Հանրապետութեան նախագահ Սերժ Սարգսեան աշխատանքային այցելութիւն մը կու տայ Պրիւքսել։ Ան երէկ երեկոյեան Երեւանէն ուղեւորուեցաւ դէպի Պելժիոյ մայրաքաղաքը, ուր այսօր կ՚ունենայ շարք մը շփումներ։
Հինգշաբթի, Յունիս 22, 2017
ՍԱԳՕ ԱՐԵԱՆ
Բաւական խճճուած պատմութիւն ունի Քաթարը: Ալ Սանի գերդաստանի իշխաններով ղեկավարուող Քաթարը ոչ միայն Միջին Արեւելքի հեղուկ կազի մեծագոյն պաշարներով հարուստ երկիրն մըն է, այլ նաեւ քաղաքական առումով ու յատկապէս վերջին շրջանին ան դարձաւ մեծ դերակատարութիւն ունեցող առանցքային երկիր մը:
Հինգշաբթի, Յունիս 22, 2017
ԱՆԻ ԲՐԴՈՅԵԱՆ-ՂԱԶԱՐԵԱՆ
Ու ահա երազս.-
Սա՞րդ ես, ի՛նչ ես,
չէ՛, մտմտուքն է,
որ ոստայնով պատած է.
Հինգշաբթի, Յունիս 22, 2017
Տեսակցեցաւ՝ ԱՆՈՒՇ ԹՐՈՒԱՆՑ
Օքսֆորտի համալսարանի դասախօսներէն Հրաչ Չիլինկիրեան Երեւան այցելութեան օրերուն շահեկան հարցազրոյց մը տուաւ ԺԱՄԱՆԱԿ օրաթերթին:
Սփիւռքահայ գիտնականը կը մեկնաբանէ Մերձաւոր Արեւելքի քրիստոնէութեան առջեւ ծառացած երկու հիմնական խնդիրները՝ ապահովութիւնն ու անվտանգութիւնը:
Հինգշաբթի, Յունիս 22, 2017
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Մարդիկ, որ ընդհանրապէս հպա՜րտ երեւիլ կը փորձեն, ինքնահաւան ու մեծամիտ, արդեօք կը մտածե՞ն իրենք իրենց մասին, թէ իրապէ՛ս հպարտանալու համար ի՞նչ առաւելութիւն ունին ուրիշներու նկատմամբ։ Արդարեւ, եթէ ունին իսկ, պէ՛տք է գիտնան նաեւ, թէ ուրիշներ ալ իրենց նկատմամբ առաւելութիւններ ունին։
Հինգշաբթի, Յունիս 22, 2017
Կրօնական ժողովը նիստէն վերջ զօրակցութիւն յայտնեց տեղապահին, ինչ որ կարեւոր նշանակութիւն ունի պատրիարքական ընտրութեան գործընթացը նպատակասլաց ձեւով յառաջ տանելու առումով։
Մօտալուտ արձակուրդէն վերջ՝ Յունիսի 28-ին տեղի կ՚ունենայ եկեղեցական համագումար: Աշխատանքներ կը նախատեսուին Աթոռի տնտեսական, դիւանական եւ գոյքերը փոխանցման կազմակերպման ուղղութեամբ: Երէկ Տ. Արամ Արք. Աթէշեան հեռաձայնով կապ հաստատեց տեղապահ սրբազան հօր հետ։
Տ. Գարեգին Արքեպիսկոպոս Պեքճեան այս առաւօտ Գումգաբուի մէջ խորհրդակցութիւն մը ունեցաւ խումբ մը համայնքային գործիչներու եւ բարերարներու հետ։ Նորին Սրբազնութիւնը այսօր երեկոյեան կը մասնակցի ոչ-իսլամ փոքրամասնական համայքներուն կողմէ սարքուած իֆթարի սեղանին՝ պետական շրջանակներու ու մանաւանդ Վաքըֆներու ընդհանուր տնօրէնութեան բարձրաստիճան պաշտօնատարներուն համար։
Հինգշաբթի, Յունիս 22, 2017
Հայաստանի Մշակոյթի նախարարութեան աջակցութեամբ «Music of Armenia» կազմակերպութիւնը, երէկ Երաժշտութեան միջազգային օրուան առթիւ, իրականացուց շարք մը միջոցառումներ։
Հինգշաբթի, Յունիս 22, 2017
Հայաստանի մէջ աւարտեցաւ «Արտ ֆեստ» միջազգային երիտասարդական փառատօնը, որ տեղի ունեցաւ Յունիսի 8-19 թուականներուն միջեւ եւ կրեց «Մէկ տանիքի ներքոյ» խորագիրը: Այսպէս, լրագրողներու հետ հանդիպման ընթացքին փառատօնը ամփոփեցին կազմակերպիչներն ու դատակազմի անդամները:
Չորեքշաբթի, Յունիս 21, 2017
Պատրիարքարանի վարչամեքենան աստիճանաբար կը վերսկսի բանիլ լիարժէք ձեւով։ Շուրջ երեք ամսուան ընդհատումէ մը վերջ Գումգաբուի մէջ այս առաւօտ տեղի ունեցաւ Կրօնական ժողովի նիստ։
Տեղապահ Տ. Գարեգին Արք. Պեքճեան երէկ երեկոյեան շուրջ երկու ժամ յապաղումով հասաւ քաղաքս, ուր Եշիլգիւղի «Աթաթիւրք» օդակայանին մէջ դիմաւորուեցաւ Տ. Սահակ Եպսկ. Մաշալեանի եւ այլ ազգայիններու կողմէ։
Նորին Սրբազանութիւնը վաղը առաւօտ խորհրդակցութեան հրաւիրած է խումբ մը համայնքային գործիչներ։ Ան կը նախատեսէ փութով կազմել նախաձեռնարկ մարմին մը եւ թափ տալ պատրիարքական ընտրութեան նախապատրաստական աշխատանքներուն։
