Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Աշխարհը թանկագին միջավայր մըն է. հո՛ն է որ մարդկային սերունդը կ՚արտայայտէ ինքզինք՝ իր սքանչելի՜ կարողութիւններով, այդ աշխարհը պէտք է ըլլայ լուսաւոր, որպէսզի միակողմանի ըլլայ մարդկային արտայայտութիւնը. մեր կարողութիւններուն մէկ մասը պէտք չէ՛ մնայ խաւարի մէջ, մեր բարոյական ուժերը եւ ազնուութիւնները պէտք չէ՛ որ անտեսուին եւ մոռցուին՝ մեր նիւթական զբաղումներու բազմութեան մէջ, քանի որ միայն մարմնի ուժը եւ գեղեցիկ աճումը, բարիի ձգտումը բոլորովին մարմնական նկատումներով կարելի չէ՛ որ կեանքին բուն նպատակը ըլլայ։

Հայաստան հետամուտ՝ անվտանգութեան ու պաշտպանութեան համապարփակ համակարգ մը հաստատելու:
«Միւնիխի մէջ վերահաստատուեցաւ Փրակի եւ Պրիւքսէլի պայմանաւորուածութիւններուն նկատմամբ հաւատարմութիւնը»:

Գոհունակութեամբ վերահասու կ՚ըլլանք, թէ մեր համակրելի մեներգչուհիներէն Սիպիլ կը պատրաստուի այցելել Աւստրալիա։ Իր ուղեւորութիւնը տեղի կ՚ունենայ Հայկական բարեգործական ընդհանուր միութեան (ՀԲԸՄ) հրաւէրով։

Միւնիխի Անվտանգութեան համաժողովի շրջանակներէն ներս, Օլաֆ Շոլց շաբաթավերջին մէկտեղեց Նիկոլ Փաշինեանն ու Իլհամ Ալիեւը, որոնք շուրջ վեց ամսուան ընդհատումէ մը վերջ ուղիղ շփում մը ունեցան, ինչ որ առիթ դարձաւ դրական պատգամներու հնչեցման, սակայն միշտ կան նաեւ մեղադրանքներ:
Երեւան-Պաքու առանցքին վրայ հերթական աշխուժութիւնը ապահովուեցաւ դարձեալ Արեւմուտքի դերակատարի մը միջնորդութեամբ: հայաստանի եւ Ատրպէյճանի արտաքին գործոց նախարարներուն միջեւ նոր հանդիպում մը կը նախատեսուի՝ ենթադրեալ խաղաղութեան պայմանագրին վրայ քննարկումներու շարունակման համար:
Վարչապետ. «Արձանագրուեցաւ, թէ կողմերը հաւատարիմ կը մնան իրենց պայմանաւորուածութիւններուն, 9 նոյեմբերի փաստաթուղթին մէջ չկայ որեւէ կէտ, որով Ռուսաստան պէտք է որեւէ բան վերահսկէ»:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Կէտիկփաշայի Ս. Յովհաննէս եկեղեցւոյ մէջ նախագահեց Մեծ պահոց Արտաքսման կիրակիի արարողութիւններուն։ Օրուան Ս. Պատարագը մատոյց Տ. Տրդատ Աւ. Քհնյ. Ուզունեան։

ՎԱՐԱՆԴ ՔՈՐԹՄՈՍԵԱՆ

Մեծ պահքի ութերորդ օրն է:
Համատեսական Աւետարաններուն մէջ կը կարդանք, թէ Տէր Յիսուս Քրիստոս քառասուն օր եւ քառասուն գիշեր ծոմապահութեան շրջան մը անցուց, որու աւարտին փորձութեան ենթարկուեցաւ (Մտ 4.1-11: Մր 1.12-13: Ղկ 4.1-13):

ՊԻԱՆՔԱ ՍԱՐԸԱՍԼԱՆ

Ցաւալի երեւոյթ է, թէ միայն քիչեր կը գնահատեն ուսանողներու մտածողութեան հմտութիւններու զարգացման արժէքը։ Ըստ Ամերիկայի Միացեալ Նահանգներու մէջ կատարուած ուսումնասիրութեան, գործատէրերու 93 տոկոսը կը կարծեն, թէ գործաւորի թեկնածուի մը յստակ հաղորդակցիլը, բարդ խնդիրները լուծելու կարողութիւնները, նաեւ քննադատական մտածողութիւնը աւելի կարեւոր են՝ քան մասնագիտութիւնը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Կասկած կա՞յ, սիրելի՜ բարեկամներ, որ ընտանիքը դրախտ է, եթէ զայն կազմող անդամները՝ գլխաւորութեամբ այր եւ կնոջ, համերաշխ են եւ ներդաշնակ։ Այս միասնականութեան մէջ կարեւորագոյն անդամը կինն է՝ որպէս մայր, որպէս միւս բոլոր անդամները միացնող, իրարու կապելու իր շնորհով։ Եւ այս իմաստով կիներու կը վերաբերի մեծ պատասխանատուութիւն՝ ընտանիքի մը մէջ միաբանութիւնը, համերաշխութիւնը եւ խաղաղութիւնը հաստատելու եւ պահպանելու եւ տեւականացնելու համար, որոնց շնորհիւ ընտանիքը կը վերածուի դրախտ՝ երկրի վրայ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սիրելիի մը համար կ՚աղօթենք։ Զայն կը խնամենք, վերջն ալ մեզմէ կ՚առնուի։ Հակառակ որ գիտենք, թէ իր ցաւերէն հանգչեցաւ, եթէ ընդունած էր Յիսուսի շնորհած փրկութիւնը, բայց տակաւին կ՚ատենք այդ հիւանդութիւնը, որ մեզ իրարմէ բաժնեց։